November 2016

वूडस्टॉक १९६९

१८ ऑगस्ट
जन्मदिवस : टेलर सिरीज शोधणारा ब्रूक टेलर (१६८५), थोरले बाजीराव पेशवे (१७००), रंगवर्णशास्त्राचा पाया घालणाऱ्यांपैकी एक, आंदर्स योनास अँगस्ट्रॉम (१८१४), गायक पं. विष्णू दिगंबर पलुस्कर (१८७२), संयुक्त राष्ट्रसंघातल्या आमसभेच्या पहिल्या महिला अध्यक्षा विजयालक्ष्मी पंडित (१९००), 'नवकादंबरी'चा एक जनक लेखक व सिनेदिग्दर्शक आलँ रोब-ग्रिए (१९२२), क्रिकेटपटू सदाशिव शिंदे (१९२३), सिनेदिग्दर्शक रोमान पोलान्स्की (१९३३), कवी, सिनेदिग्दर्शक गुलजार (१९३४), अभिनेता रॉबर्ट रेडफर्ड (१९३६), क्रिकेटपटू संदीप पाटील (१९५६), गायक दलेर मेहदी (१९६७)
मृत्यूदिवस : लेखक ओनोरे द बाल्झाक (१८५०), सीग्रम कंपनीचा जनक जोसेफ सीग्रम (१९१९), ख्राईसलरचा जनक वॉल्टर ख्राईसलर (१९४०), स्वातंत्र्यसेनानी नेताजी सुभाषचंद्र बोस (१९४५), अभिनेत्री, मॉडेल पर्सिस खंबाटा (१९९८), लेखक नारायण धारप (२००८)
---
१८६८ : पिएर जॉंसे याने सूर्यग्रहणात हेलियम वायूचा शोध लावला.
१८७७ : अॅसफ हॉलने मंगळाचा मोठा उपग्रह फोबॉस शोधला.
१९२० : अमेरिकेच्या संविधानात बदल लागू होऊन स्त्रियांना मतदानाचा हक्क मिळाला.
१९४१ : नागरिकांच्या दबावापुढे झुकून हिटलरने मतिमंद व्यक्तींचे शिरकाण तात्पुरते थांबवले.
१९४५ : नेताजी सुभाषचंद्र बोस यांना घेऊन जात असलेल्या विमानाला तैवानमध्ये अपघात.
१९६३ : जेम्स मेरेडिथ या पहिल्या कृष्णवर्णीयाने मिसिसिपी विद्यापीठातून पदवी मिळवली.
१९६४ : वर्णभेदी धोरणांमुळे दक्षिण आफ्रिकेवर टोक्यो ऑलिंपिकमध्ये बंदी.
१९६९ : 'वूडस्टॉक' संगीत महोत्सवाची तीन दिवसांनंतर अखेर; सुमारे ४ लाख लोक उपस्थित असलेला हा महोत्सव १९६८नंतरच्या हिप्पी पिढीच्या उदयातला एक महत्त्वाचा टप्पा होता.
२००८ : पाकिस्तानचे राष्ट्राध्यक्ष जनरल परवेझ मुशर्रफ यांचा राजीनामा.