आनंदवन
मज अवगत आहे उगम तुझ्या दु:खाचा
तू दोषी नसता कलंक का शरमेचा
करुणेचा इथला निर्झर निर्मळ वाहे
प्रारब्ध-भयाची रात्र संपते आहे
नि:शंक निकट ये, हाती दे तव हात
या दु:खार्तान्च्या देशी हाच प्रघात
परवलिची इथली एकच हळवी खूण
जरि जखम तुला, तरि माझे हृदय विदीर्ण
जरि भग्न तुझे कर, घडवू शिल्प अभंग
जरि कभिन्न वास्तव, बदलू त्याचा रंग
या निबिड अरण्यी, भव्य पाहुया स्वप्ने
आनंदवनाचे हेच ब्रीद, अन् गाणे
आनंदवनाचे हेच ब्रीद, अन् गाणे
प्रतिक्रिया
वाह!! खुप सुंदर!!
वाह!! खुप सुंदर!!
*****************
मेरी मोटी है खाल, लेकीन नाजूक है दिल!!
हाकुना मटाटा!!
*****************
एका अत्यंत बोअरिंग दिवसाचा
एका अत्यंत बोअरिंग दिवसाचा अंत ही मस्त कविता वाचून एक्दम छान झाला. मस्त कविता. आवडली.
तिज्यायला मजकूर आणि स्वाक्षरीच्या मध्ये डिफॉल्ट एक लाईन मारा की मालक
Hope is for sissies.
पुंबा, वनफॉरटॅन
प्रतिसादाबद्दल धन्यवाद.
फार आवडली कविता..!!
फार आवडली कविता..!!
May,
प्रतिसादाबद्दल धन्यवाद.