शब्दांनो
पाह्यलंय तुम्हाला
जिज्ञासेचा तळठाव घेताना.
अज्ञाताच्या कडेलोट दरीतून उसळताना.
स्वप्नवास्तवाच्या हिंदकळत्या सीमेवरून खुणावताना.
सत्याभासाच्या मृगजळातून ठिबकताना.
स्थूलसूक्ष्माच्या अथांग वर्णपटातून विखुरताना.
क्षुद्रतेत बुजबुजताना.
कोलाहलात गजबजताना.
एकांतात निनादताना.
जाणिवेत- नेणिवेत अथक धपापताना.
अनघड शब्दांनो
वेचून वेगळं करतोय
तुम्ही उष्टावलेलं - आजच्या आयुष्यासाठी.
तुम्ही कवेत घेतलेलं- कवितेसाठी.
प्रतिक्रिया
ह्म्म्म प्रयत्न जमला आहे.
ह्म्म्म प्रयत्न जमला आहे. संकल्पना आवडली पण काहीतरी कमी आहे.
दुखावलेलं ?
तुम्ही उष्टावलेलं - आजच्या आयुष्यासाठी.
तुम्ही कवेत घेतलेलं- कवितेसाठी.
आणि तुम्ही(म्हणजे शब्दांनी, तुम्ही नव्हे) दुखावलेलं, रक्तबंबाळ केलेलं कोणासाठी ?
आज कुसुमाग्रज फिवर का ?
आज कुसुमाग्रज फिवर का ? ऑम्लेटसारखी कविता आणखी लिही की रे अया.
गर्दीतला दर्दी
...