आभाळाच्या सागरात चांदोबाची होडी...
आभाळाच्या सागरात चांदोबाची होडी
चला बसा होडीमधे मजा करू थोडी
उसळती लाटा निळ्या
निळ्या अंधाराच्या
आदळूनी होडीवर
होतात रुप्याच्या
नजरेला येत जाते दुधाळशी गोडी
चला बसा होडीमधे मजा करू थोडी
लुकुलुकु पोहतात
मासे चांदण्यांचे
कुठे कुठे लागतात
बेटही ढगांचे
आरामात पाहा सारे करू नका खोडी
चला बसा होडीमधे मजा करू थोडी
एरवी या सागराचे
पाणी काळेभोर
चांदोबाची होडी म्हणजे
उजेडाचा मोर
होडीला या जगामधे नाही कुठे जोडी
चला बसा होडीमधे मजा करू थोडी
- ग्लोरी
प्रतिक्रिया
होडीची लागली भारी गोडी..
आपल्या नवबालकविता आहेत खूप छान!
- दिलतितली
ज़िंदगी छोटी सी है, और 'मैं' बहुत बड़ी!
अहो.. खूप छान आहे
अहो.. खूप छान आहे हो..
निरागसता प्रचंड लोभस आहे. मराठी संस्थळांवर असं खूप कमी लिखाण येतं..
आणि बालकविता म्हणजे काहीतरी एकदम बाष्कळ री ला री जोडून केलेली असते बर्याचदा, पण तुमच्या कविता खूपच सकस आहेत.
लागली गोडी
तुमच्या कवितांची
लागलीये गोडी
फिरुन व्हावे सान
अन मज्जा यावी थोडी||
मस्त!
गविंप्रमाणेच म्हणते.
छान आहे कविता
छान आहे कविता
.
आवडले
हे गाणे देखील आवडले!
बालसाहित्य असा विभाग करायला लावणार तुम्ही
- ऋ
-------
लव्ह अॅड लेट लव्ह!
मस्तच.
गविंशी सहमत; तुमच्या बालकवितांमधली निरागसता प्रचंड लोभस आहे. या कवितेलाही लय आहे.
पण मला पहिली कविताच सगळ्यात जास्त आवडली. कारण त्यात नवीन जमान्यातल्या गोष्टीचा, फोनचा उल्लेख आहे.
---
सांगोवांगीच्या गोष्टी म्हणजे विदा नव्हे.
ड्रीमवर्क्स
ड्रीमवर्क्स चा फिशींग रॉड घेउन चांदोबावर बसलेला मुलगा अठवला ! ते पहिलं चित्र फारच मनमोहक आहे, तशीच ही कविता.
ही कविता जास्त आवडली
लहान मुलांसाठी असली तरी साध्या शब्दांत आकाशाच्या समुद्राचं चित्र उभं केलेलं आहे. लुकूलुकू पोहणारे चांदण्याचे मासे, ढगांची बेटं वगैरे खूप आवडलं.
अह्हाहा...
सुंदर.
निर्मळ.
गोंडस.
--मनोबा
.
संगति जयाच्या खेळलो मी सदाहि | हाकेस तो आता ओ देत नाही
.
memories....often the marks people leave are scars
छान
छान.
खरे सांगायचे तर उंदराच्या फोनच्या गाण्याइतके आवडले नाही. त्या मानाने हे थोडेसे कृत्रिम वाटले. पण छानच आहे.
एकदम झकास
एकदम झकास
मधुमेहा विरुद्ध लढा
माझी जालवही
कल्पना+शब्द+आशय+लय+ठेका+चांगल
कल्पना+शब्द+आशय+लय+ठेका+चांगली कविता=ग्लोरी
ग्लोरियस
ग्लोरियस
ग्लोरियस
ग्लोरियस
ग्लोरियस
ग्लोरियस
ग्लोरियस
''मी तंबाखु खाणारच''
प्रतिसादाबद्दल सर्वांचे आभार
प्रतिसादाबद्दल सर्वांचे आभार !
छान
विंकन्-ब्लिंकन अँड नॉड या कवितेची आठवण झाली.