चांदोबाचा दिवा
'
आई ग आई ,
चांदोबाचा दिवा
किती चांगला -
उंच उंच आकाशात
कुणी टांगला ..
आई ग आई ,
चांदण्यांच्या पणत्या
किती चांगल्या -
उंच उंच आकाशात
कुणी लावल्या ..
आई ग आई ,
दे ग शिडी मला
उंच उंच चढून -
चांदोबा-चांदण्या
आणीन मी काढून ..
आई ग आई ,
चांदोबा-चांदण्या
ठेऊन अंगणात -
रात्री छान खेळेन
त्यांच्या प्रकाशात ..
.
प्रतिक्रिया
मंगळागौरीच्या काही खेळांतील
मंगळागौरीच्या काही खेळांतील ठेक्यांवर अजरा पाठभेद करून म्हटलेय तर बसतेय. (विशेषतः पगडफु बाई पगडफू - का असेच कायसेसे - गाणे आहे ना, तत्सम चाल)
अभिप्रेत चाल आहे का कोणती?
- ऋ
-------
लव्ह अॅड लेट लव्ह!
हम्म
सांगा ना बाबा
चंद्राचा गोळा
उंच आकाशात
कोणी टांगला?
आई ग आई
कोणी तार्यांची
उंच आकाशात
केली रोषणाई?
आई ग आई
शिडी मला देई
मग वरून त्यांना
आणतो मी खाली
बरे का बाबा
इथेच ठेवू त्यांना
रोजच दिवाळी
होईल आपली मजा
छान कविता. (स्वगत - मला
छान कविता. (स्वगत - मला बालकविता फार सुचतात. म्हणजे मला जितक्या कविता सुचतात त्या सगळ्या बालकविताच निघतात. पण उगाच तुम्हाला कंपिटिशन नको म्हणून त्या इथे टाकत नाही. )
सही: पुरोगाम्यांना लॉजिक माफ असतं.