अभियांत्रिकी पदविकेनंतर असणाऱ्या कोर्सेसची माहिती हवी आहे

*व्यवसाय करणार्‍याचे टॅलेंट काहीही असो आणि तो मेहनत करो अथवा न करो; भरपूर पैसा खात्रीने मिळेल असा व्यवसाय.

अमेरिकेबाबतच्या अनुभवावर आधारितः भरपूर पैसा (बर्‍यापैकी) खात्रीने मिळेल असा व्यवसाय म्हणजे रियल इस्टेट आणि स्टॉक मार्केट. भारतात पण स्टॉक मार्केटमध्ये पैसा कमवता येईल.

इतर काही उदाहरणे: (अजिबात मेहनत लागणार नाही, असे म्हणत नाही, पण काही पर्याय सुचवतो).
१. एका मित्राने डिप्लोमा झाल्यावर कोचिंग क्लास सुरू केले मुलुंडला. आता मुंबईत ३ जागा घेतल्या आहेत, म्हणजे बर्‍यापैकी यशस्वी असावा.
२. एक मित्र जो माझ्याबरोबर कंपनीत ड्राफ्टसमन म्हणून काम करत होता, तो न्यूझिलंडला स्थलांतरित झाला, स्वतःचे घर आणि गाडी आहे त्याच्याकडे + एक जागा घेतली वसई की नालासोपारा इथे.
३. माझा मावसभाऊ सीओईपी मधून मेटलर्जी ईंजिनियर झाला, आता रेडिमेड कपड्यांचे दुकान चालवतो आणि होलसेलरपण आहे. जेव्हा पगाराइतके पैसे मिळायला लागले, तेव्हा नोकरी सोडली. आता नोकरीच्या पगारापेक्षा जास्ती कमावतो.
४. एक मित्र एलेक्ट्रॉनिक्समध्ये डिप्लोमा झाला. आता परदेशातून जुनी CNC मशीन्स मागवतो आणि विकतो. आता MIDC मध्ये फॅक्टरीपण टाकली आहे.
५. एक मित्र जो माझ्या सोसायटीत राहायचा, B.Sc. होता आणि ६००० रुपये पगारावर काम करायचा (साधारण १९९६ साली), आता Niche काम करतो (काय करतो ते सांगू शकणार नाही, त्याला काँपिटिशन नकोय). आता खरोखर करोडपती आहे.
६. एक मित्र जो एलेक्ट्रॉनिक्समध्ये डिप्लोमा झाला, नंतर ऑडिटिंग क्षेत्रात शिरला आणि तो पण आता पैशाच्या दृष्टीने खूपच यशस्वी आहे. भारतात आणि भारताबाहेर त्याचे क्लाएंट आहेत.
७. दूरचा एक नातेवाईक डिप्लोमा झाल्यावर इन्व्हेस्टमेंट, ब्रोकर, पोस्टाच्या योजना, इंशुरन्स प्रॉडक्ट विकतो. खूश आहे, परदेशी फिरून वगैरे येतो अधून मधून सुट्टीसाठी.

ही निवडक उदाहरणे झाली. इतर पर्यायः एक्स्पोर्ट-इंपोर्ट करणे, सॉफ्टवेअरमध्ये जाणे आणि फ्रीलान्सर म्हणून काम करणे, मर्चंट नेव्हीत जाणे, क्रूझवर काम करणे वगैरे. क्रूझवर काम करताना बरेच भारतीय दिसले, एक जण म्हणाला मी भारतात एल.एल.बी करतोय आणि एक जण IGNOU मध्ये काहीतरी शिकत होता.