You are here

< id="main-content" role="main">

पेठा

समस्त जालीय-स्नेह्यांना आणि आप्तेष्टांना दीपोत्सवाच्या गोड गोड शुभेच्छा.

गोडाचं नाव निघालच आहे तर एखादी मिठाई होउन जाऊदे का? Smile
एकदा लहान असताना मी चुकून खडीसाखरेचा मोठा खडा समजून हा आग्र्याचा पेठा उचलला होता. त्याचा पहिला चावा घेताच तो तोंडात असा काही विरघळला की यंव रे यंव. पेठ्याशी जुळलेलं पहिल्या नजरेतलं हे प्रेम आजही तस्संच टिकून आहे. भौगोलिक कारणांमुळे हे पहिलं प्रेम माझ्यासाठी हल्ली दुर्मिळ झालंय.

थोडी शोधाशोध केल्यावर कळल की घरच्या घरी पेठा बनवणं इतकं सोप्पं आहे की माझ्याने रहावेना. चला तर मग लागू या तयारीला.

साहित्य :


१/२ ते ३/४ किलो कोहळं (अ‍ॅशगार्ड)
१/२ किलो साखर.
१-२ चमचे खायचा चुना.
तुरटी.
गुलाब/केवडा वॉटर.

कृती :


कोहळं सोलून आतल्या बिया आणि स्पंजी भाग काढून टाकावा आणि एक ते दीड इंचाचे तुकडे करून घ्यावे.
या तुकड्यांना काट्याने / टुथपिकने सर्व बाजूंनी टोचे मारून घ्यावे.

चुना पाण्यात मिसळून त्या पाण्यात कोहळ्याचे तुकडे किमान २-३ तास मुरत ठेवावे.
कपभर पाण्यात तुरटीही विरघळून घ्यावी.

दोन-तीन तासांनी कोहळ्याचे तुकडे ३-४ वेळा स्वच्छ पाण्यातुन धुवून घ्यावे. परत एकदा तुरटीच्या पाण्याने धुवून घ्यावे.


एका भांड्यात भरपूर पाणी घेउन हे तुकडे मध्यम आचेवर अंदाजे तासभर शिजत ठेवावे.
कोहळं शिजल्यावर चाळणीत काढून बाजूला ठेवावे.

एका भांड्यात मंद आचेवर साखर भिजेल इतपत पाणी टाकून उकळी आणावी. पाकाला उकळी आल्यावर त्यात कोहळ्याचे तुकडे अलगद सोडावे.

मध्यम आचेवर कोहळ्याचे तुकडे पाकात परतत रहावे. साधारण अर्ध्या तासात साखरेचे स्फटिक (क्रिस्टस्ल) तयात होऊ लागतील. आच थोडी मंदावून अजून थोडावेळ परतत रहावं.
एखाद्या ताटात हे तुकडे काढून वरून जाळी ठेवून किमान ३-४ चार तास थंड करत ठेवावे. (झटपट थंड करण्यासाठी फ्रिज मध्ये ठेऊ नये. Smile )
पूर्णपणे थंड झाल्यावर वाटल्यास वरून गुलाबपाणी वा केवड्याचे पाणी शिंपडावे.

दोन तासांच्या मेहनती नंतर आनि एकुण ८ तासंच्या प्रतिक्षे नंतर तुमच्या श्रमाचं गोड फळ तयार असेल. हे असं.


पुनश्च एकदा दिवाळीच्या मंगल शुभेच्छा!

विशेषांक प्रकार: 
field_vote: 
4
Your rating: None Average: 4 (3 votes)

प्रतिक्रिया

भारीये

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

.

ओहो!
हा पदार्थ घरी बनवता येत असेल असा विचारच केला नव्हता.
कृतीसाठी वेळ बराच लागत असला तरी सोपी 'दिसतेय'

करून बघायचा मोह होतोय!
बाकी कोहळ्याला अ‍ॅशगार्ड म्हणतात ही सुद्धा माझ्यासाठी नवी माहिती

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

- ऋ
-------
लव्ह अ‍ॅड लेट लव्ह!

फस्क्लास एक्दम!
भोपळा, पपई, दुधी आणि तत्सम कुठल्याही फळाचा करता येईल काय रे?

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

धन्यवाद जाई, ऋ, मंदार.
पेठ्यासाठी कोहळ्याला पर्याय असा विचारही मनाला शिवला नाही. Smile
कोहळ्याला हिंदीत 'पेठे का फल' असच नाव आहे.
कोहळं उपलब्धच नसल्यास अर्धवट कच्चा भोपळा, पपई वा दुधी चालुन जावा. पण फार शिजवू नये अन्यथा पार गळुन गेले की मग मज्जा नाही यायची. पेठा खाताना एक प्रकारचा करकरीत पणा असतो तो टिकुन रहायला हवा. Smile

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~
- माझी खादाडी : खा रे खा

बाजारचा पेठा कधी खावासा वाटला नाही.
हा मात्र तोंपासु दिसतोय. वेळ मिळताच नक्की करणार.

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

छानच, पाकृ. आवडली.
माझी आई कोहाळ्याच्या वडया करायची, त्याही खूपश्या पेठ्यासारख्याच लागायच्या पण तुलनेने झटपट व्हायच्या. (एके वर्षी आमच्या परसात कोहाळ्याचा वेल आला होता, त्याला इतके कोहाळे लागले होते की आमच्या घरीच नव्हे तर आख्या गल्लीत प्रत्येकाकडे प्रतिदिवशी कोहाळ्याचे वेगवेगळे पदार्थ केले जायचे त्याची आठवण झाली.)

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

९५ सालचं भारतातून दिसलेलं, दिवाळीतलं खग्रास सूर्यग्रहण उत्तर भारतातून पाहिलं होतं. तेव्हा तिथे चिक्कार पेठा चरला. तेव्हापासून पेठ्याचा कंटाळाच आला. या दिवाळीत पाकृ वाचून पुन्हा पेठा खाण्याची इच्छा झाली.

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

---

सांगोवांगीच्या गोष्टी म्हणजे विदा नव्हे.

पेठा आवडतो मला. आता तर घरी सुद्धा करु शकतो म्हणजे चंगळच.
मस्त रे गणपा. दिवाळीची एक दणदणीत पाककृती दिलीस Smile

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

स्म‌र‌ण‌

संगीतकार भास्कर चंदावरकर (मृत्यू : २६ जुलै २००९)
दिवाळी अंक २०१७ - आवाहन

आजचा ढोस ... खरडफळ्यावर

आजचा ढोस
सॅम, दरवेळी स्पेलिंगप्रमाणे उच्चार करू नकोस. FAQ वाच. - माणे गुरुजी

दिनवैशिष्ट्य

२६ जुलै
जन्मदिवस : अर्थशास्त्रज्ञ आल्फ्रेड मार्शल (१८४२), नाटककार जॉर्ज बर्नार्ड शॉ (१८५६), समाजसुधारक राजर्षी छत्रपती शाहूमहाराज (१८७४), मानसोपचारतज्ञ कार्ल गुस्ताव युंग (१८७५), चित्रकार जॉर्ज ग्रॉस (१८९३), लेखक ऑल्डस हक्सली (१८९४), माजी भारतीय क्रिकेट कप्तान जी. एस. रामचंद्र (१९२७), चित्रपट दिग्दर्शक स्टान्ले कुब्रिक (१९२८), अभिनेत्री हेलन मिरन (१९४५), अभिनेता, निर्माता केव्हीन स्पेसी (१९५९), अभिनेत्री, निर्माती सँड्रा बुलक (१९६४)
मृत्युदिन : संगीतकार भास्कर चंदावरकर (२००९)
---
स्वातंत्र्यदिन : लायबेरिया (१८४७), मालदीव (१९६५)
विजय दिन : भारत (कारगिल युद्धाची समाप्ती)
१५०९ : कृष्णदेवराय याचा देवगिरीच्या राज्यावर राज्याभिषेक.
१८०३ : लंडनमध्ये जगातल्या पहिल्या सार्वजनिक रेल्वेचा आरंभ.
१९५१ : वॉल्ट डिस्नेची 'अॅलिस इन वंडरलँड' लंडनमध्ये प्रदर्शित.
१९५३ : क्युबन क्रांतीला सुरुवात.
१९५६ : जागतिक बँकेने आस्वान धरण बांधण्यासाठी अर्थसाहाय्य करण्यास नकार दिल्यावर ईजिप्तचा राष्ट्राध्यक्ष गमाल नासरने सुएझ कालव्याचे राष्ट्रीयीकरण केले.
२००५ : मुंबईमध्ये ९९.५ सेमी पाऊस पडून दोन दिवस शहर ठप्प झाले.