कुरळे केस सोनेरी...
कुरळे केस सोनेरी
बाहुली माझी सोनपरी
लुकलुक लुकलुक डोळ्यांची
इवल्या इवल्या नाकाची
गुब्रे गाल फुलापरी
बाहुली माझी सोनपरी
हिला न येतो राग कधी
नेहमी असते आनंदी
कधी न कुठला हट्ट धरी
बाहुली माझी सोनपरी
खूप मला ही आवडते
जवळ सदा माझ्या असते
मैत्रिण माझी खरीखुरी
बाहुली माझी सोनपरी
- ग्लोरी
प्रतिक्रिया
सुरेख!
फार छान! सुरेख! आवडली!
मी शब्दांचा जादूगार...
तुमची बाहुली आवडली.
तुमची बाहुली आवडली.
*********
केतकीच्या बनी तिथे - नाचला गं मोर |
गहिवरला मेघ नभी - सोडला गं धीर ||
चला, लहान मुलांच्या तरी कविता
चला, लहान मुलांच्या तरी कविता मला १००% कळतात.
सही: पुरोगाम्यांना लॉजिक माफ असतं.