आप आणी केजरीवाल

अमेरिका आपली धोरणे आजकाल तिस्ता सेटलवाड व/वा तथाकथित स्युडोसेक्युलरांना विचारुन ठरवते हे खात्रीलायकरीत्या कळले आहे. उदा. विहिंपच्या एका कार्यकर्त्रीला ओबामा प्रशासनात घेण्यासाठी विरोध केल्याने ओबामाने तिच्यावर अन्याय केला. (यात स्युडोसेक्युलरिस्टांवर विश्वास ठेवणारा ओबामा दोषी की तथाकथित स्युडोसेक्युलरिस्ट हा मुद्दा तात्पुरता सोडून देऊ)

संपादकीय शक्ती वापरून, हा धागा मौजमजेत वर्ग करून टाका. हाय काय नाय काय.

मागे एकदा "आपल्या आत्याने वारस म्हणून आपल्या नावे केलेले आणि आत्याच्या खात्यात खितपत पडून असलेले लक्षावधी डॉलर्स बाहेर काढण्यासाठी मदत करावी, आणि त्याकरिता फूल ना फुलाची पाकळी म्हणून त्यातील एक मोठी रक्कम मी स्वतः घ्यावी", असे आवाहन करणारे एक ईमेल मला खुद्द दिवंगत श्रीमती बेनझीर भुट्टो यांच्या भाच्याकडून आले होते. अर्थात, "दुबळी माझी झोळी" अशीच आमची परिस्थिती असल्याकारणाने त्याबद्दल आम्हांस काहीही करता येण्यासारखे नसल्याने ऑफर सोडून दिली होती. कदाचित धागाकर्त्यास ऑफरबद्दल काही करता येऊन अडचणीत सापडलेल्या श्रीमती भुट्टो यांच्या भाच्यास मदत करणे शक्य असल्यास त्याने स्वतः श्रीमती भुट्टो यांच्या भाच्याशी संपर्क साधावा, असे कळकळीचे आवाहन आहे.

(अतिअवांतर: कोणे एके काळी मला वक्षवर्धनासंबंधी - आणि माझ्या पत्नीस शिश्नवर्धनासंबंधी - असंख्य ईमेले येत असत. त्यांचाही लाभ नेमका कसा घ्यावा हे न कळल्यामुळे ती सोडून देणे भाग पडत असे. हल्ली त्या लोकांनी ईमेले पाठवणे बंद केलेले आहे, याचे दु:ख होते. [एखाद्या गरजूस फॉर्वर्ड करता आली असती. माणसाने सदैव परोपकारी असावे.])

'नन्तर' 'पाठिम्बा'

हे चूक नाही.

-व्याक्रणब्रिगेडी.

फक्त 24? मला आणखी जास्त सापडल्या. (नन्तर, पाठिम्बा वगैरे वगळूनही!)

चूकभूल द्यावी घ्यावी.

आप आणी¹ केजरीवाल

नुकताच एक इमेल² फिरतफिरत मला आला .त्याचा सारान्श असा की-

दिल्लीतील निवड्णुकानन्तर³ निर्माण झालेली त्रिशन्कू स्थिती पाहता कोन्ग्रेस⁴ हतबल झाली ,परन्तु मोदीन्च्या वाढत्या प्रभावाने गळितगात्र झालेल्या सोनिया बाइना⁵ व्हॅटिकन मधुन⁶ सुचना⁷ आली की तुम्ही मोदीना रोखण्यासाठी केजरीवाल याना⁸ पाठिम्बा द्यावा. त्यामुळे आपोआप मिडिया⁹ चा¹⁰ रोख मोदी वरुन¹¹ केजरीवाल आणि आप कडे¹² वळेल . लोक्सभा¹³ निवडणुका होइपर्यन्त¹⁴ पाठिम्बा चालू ठेवा ,नन्तर कधिही¹⁵ ते आपचे सरकार कोसळवता येइल¹⁶.

सध्या आप आणि केजरीवाल याना¹⁷मिडियात¹⁸ मिळनारी¹⁹ अवास्तव प्रसिद्धी आणि मोठ्या प्रमाणात कॉर्पोरेट क्षेत्रातिल²⁰ आकर्शित²¹होत असलेले दिग्गज इत्यादि स्थिती पाहुन²² वर मोदी व भाजप ची²³मते फोडुन²⁴ कोन्ग्रेस²⁵ विरोधी मतविभाजन करुन²⁶ भाजप ला²⁷ सत्तेपासुन²⁸ रोखण्यासाठी ही चाल आहे असा सन्शय येतो ,त्याच प्रमाने²⁹ उपरोल्लेखित³⁰ व्हॅटिकन- सोनिया प्रकरण देखिल³¹ खरे असावे असा सन्शय येतो कारण आग असल्याशिवाय धूर येत नाही !

इथे व्याकरणाचे नियम^१ पक्के असल्याशिवाय बसू नये

अधोरेखित शब्दांमुळे अंमळ भडभडून^२ आले.

^१ही पाटी मसाप किंवा तत्सम संस्थेच्या विरेचनालयात जास्त शोभून दिसेल आणि भयंकर परिणामकारक^३ होईल याची खात्री आहे.

^२बोले तो, मनात. पोटात नाही.

^३ आयतेवेळी नक्की काय परिणामकारक होईल त्याचे हक्क हायजेनबर्गच्या स्वाधीन आहेत.

-'न'वी बॅटू.

नाही हो, तशी व्याकरणाची/शुद्धलेखनाची काही पाटी वगैरे नाही. त्याबाबतीत 'ऐसीच्या सर्वसामान्य वाचकांच्या अपेक्षा' इतपत संदिग्ध निकष आहेत. आणि त्यातही वाचक थोडी माया ठेवतातच.

चर्चाप्रस्ताव मांडताना आणि चर्चा योग्य रीतीने चालवण्यासाठी थोडे कष्ट घ्या, लेखन करताना दर्जा आणि साहित्यमूल्य राखण्याचा प्रयत्न करा, चर्चेत विचारांवर टीका करा लोकांवर टीका करू नका वगैरे वगैरे पाट्या मात्र आहेत. प्रस्तुत चर्चाप्रस्तावाच्या लेखनाचा दर्जा उत्तम असता आणि इतर पाट्या मनापासून पाळल्या असत्या तर शुद्धलेखनाबद्दल कोणी तक्रार केली नसती. तशी, प्रसंगी आपल्या लेखनावर कठोर टीका होऊ शकते हे ध्यानात ठेवा ही पाटी आहेच.

त्या शुद्धलेखनाच्या चुका नाहीत; तो गनिमी कावा आहे.

म्हणजे असे, की त्या चुका शोधत तुम्ही लेख पुनःपुन्हा नीट वाचाल, झालेच तर त्या चुका दाखवून देण्यासाठी तो लेख स्वतः टंकून दाखवाल. या प्रक्रियेत लेख वारंवार तुमच्या डोळ्यांखालून नि हातांतून जाईल, नि परिणामी त्यातील 'संदेश' सब्लिमिनली तुमच्या मनःपटलावर नीट कोरला जाईल.

लहानपणी शाळेत असताना नाही का, बाई शिक्षा म्हणून आख्खा धडा तीनतीनदा लिहून आणायला लावीत? त्यातलाच प्रकार!

पाठि(ठिं)म्बा(ब)

हे काय आहे? पाठिंब असा शब्द पहिल्यांदाच पाहतो आहे.
बाकी 'मीडिया'ऐवजी 'मिडिया' लिहिणे ही मला शुद्धलेखनाची चूक वाटत नाही.