काळ्या गाजराची कांजी

इंटरेस्टिँग! पहिल्यांदाच ऐकला हा प्रकार. काळे गाजर म्हणजे काय बीट नाही ना? रंग तसाच दिसतोय.

रंग आकर्षक आहे. गाजर काळे असते/मिळते ही गोष्ट माझ्यासाठी नवीन होती. चित्रे गूगलवर पाहिली. नेहमीच्या लाल गाजरापेक्षा ह्याची चव वेगळी असते का ?
(विनंती : 'सर्व करण्याची विधी' ह्या वाक्याऐवजी 'सर्व्ह् करण्याची पद्धत :' किंवा 'पेश असे करावे :' अशी शब्दयोजना करावी.
मराठीत 'सर्व' हे 'सारे, सगळे' ह्या अर्थी वाचले गेले. 'विधी' हा हिंदीत रूढ असला तरी मराठीत 'विधी'च्या वेगळ्या अर्थामुळे ते थोडे विनोदी होते.)

दिल्लीत चौकाचौकावर हिवाळ्यात गाजराचा ज्यूस मिळतो. कॉलेजात असताना लै प्यायचो. कांजी मित्रांनी कधी पाजवली असेल पण नाव तरी लक्षात राहिले नाही.

रोचक पाककृती. थोड्या वेगळ्या स्थानिक पेयाबद्दलच्या माहितीसाठी धन्यवाद.
जालावर थोडा शोध घेतला तर ही काळी(जांभळी) गाजरे दिल्लीत थंडीच्या दिवसांत मिळतात असे दिसते.
हीच पाककृती मी बरेचदा पहात असलेल्या या जालनिशीवरही दिसली.

भारतात उत्तरेकडे ही काळपट जांभळट गाजरे मिळतात.चव गोड आणि किंचित तीव्र असते. मी एकदाच खाल्ली होती तेव्हा मला विशेष आवडली नव्हती. पण पुण्या-मुंबईकडे बारा महिने मिळणार्‍या केशरी फिकट गाजरांपेक्षा जास्त चवदार होती.
हिवाळ्याच्या सुमाराला महाराष्ट्रातही चविष्ट अशी गडद लाल- गुलाबी गाजरे येतात. त्याचीही अशीच कांजी करता येते. फक्त आपल्याला कांजी म्हणजे पेज- लापशीसारखा शिजवलेला पदार्थ म्हणून माहित असल्यामुळे ह्या पेयाला कांजी म्हणणे थोडे विचित्र वाटते.

ह्यात मला एक छोटी शंका आहे.

कृतीमध्ये कोठेच शिजविणे, वाफलणे, भाजणे असा काही उल्लेख नाही. मीठ घालण्याचा उल्लेख आहे पण ते मीठ चवीपुरतेच आहे, preservative सारखे होईल इतके जास्त नाही. अशा परिस्थितीत कच्च्या गाजरांमध्ये नुसते पाणी घातले तर ते खराब न होता किती दिवस टिकेल? असे नुसते कच्चे, तेहि तीनचार दिवसांनंतर खाणे हे आरोग्याला धोकादायक नाही काय?

चिवडा, कोशिंबिरी, ऑमलेट असल्या सोप्या बाबींपलीकडे मला स्वयंपाक करण्याचा अनुभव नाही म्हणून ही मूलभूत शंका.

हा पदार्थ उत्तर भारतासारख्या प्रदेशात हिवाळ्यात करण्याचा आहे. तेव्हा तीन -चार दिवसात पदार्थ खराब होत नाही. थोडा आंबतो, पण ते आंबवणे हाही पाककृतीचा भाग आहे.

मागे एका रेसिपी शोमधे बीटाच्या कांजीची साधारण अशीच कृती पाहिली होती. काळी गाजरं तर मिळणार नाहीत, पण बीटाची करून पहायला हवी.

'सर्व' हा शब्द बदलावा ही अमुक यांची सुचना योग्य वाटते. माझाही क्षणभराकरता गैरसमज झाला.