संवाद
एखाद्या पोहता न येणार्या
माणसानं तरंगत राहण्यासाठी
जीवाचा अाटापिटा करत हातपाय
मारावेत तशीच सुरु असते
अापली अाजूबाजूच्या जगाशी
संवाद साधण्याची पोरकी धडपड !
अनेक विसंवादाच्या क्षणांमध्ये
अापल्याला ह्या संवादाच्या
अनेकपदरी जाळ्याचा फोलपणा
जाणवला असतो, पण तरीही
ते विसंवादाचे धागे अलगद, शिताफीनं
दूर करुन अापण ह्या संवादाच्याच जाळ्यात
स्वत:चं गळकं अस्तित्व गोळा करत असतो.
त्या विसंवादाच्या क्षणांपलिकडच्या एकाकी
अरण्यात जाणे कसंही करुन टाळत राहतो,
जीवाचा अाटापिटा करत ... तो ह्या
प्रवासाचा अटळ शेवट हे मनोमनी जाणून.
प्रतिक्रिया
रीडर्स डायजेस्ट मध्ये एक
रीडर्स डायजेस्ट मध्ये एक अतिशय सुंदर सुविचार वाचला होता जो की डिट्टो या कवितेशी साधर्म्य सांगणारा होता. मिळाल्यास टाकते.
आवडली
आवडली
छान पहिलं कडवं/भाग इतका
छान
पहिलं कडवं/भाग इतका प्रभावी आहे की उरलेले दोन निव्वळ स्पष्टीकरणात्मक वाटतात. ती कडवी टाळता आली असती
- ऋ
-------
लव्ह अॅड लेट लव्ह!