जुन्या कविता
कविता पूर्वप्रकाशित आहेत, एकमेकींशी संबंधित नाहीत, अमुक एका विशिष्ट क्रमानंही नाहीत.
***
पाणी
उसळता एकान्त येथे
निरवतेचा बोल आहे
आज इथले खोल पाणी
वाट फोडत वाहताहे
रम्य तारे रम्य वारे
पाखरे दवी न्हायलेली
मात्र पाणी साहताहे
रात्र काळी रात्र ओली
उजळलेले काठ काही
नांदते घर वाट पाही
चंद्र पोटी पोसणार्‍या
पाण्यास त्याचा ठाव नाही
***
वाटा आणि मुक्काम
जे जे म्हणायसाठी तगमग होते जिवाची
ते ते सारं निरर्थक आहे हे कळून घेताना
एकाच वेळी आतून भरून येणारे आपण
क्षितिजापर्यंत रिते होत जाताना
आत शिरलेल्या वाळूच्या कणाभोवती
मुकेपणानं मोती विणत जाताना
आधी कधीच न दिसलेल्या रिकाम्या जागा
अर्थपूर्ण मौनांनी भरल्या जाताना
कुठे चाललेले असतो आपण?
वाटा आणि मुक्काम
सारंच तर एकमेकांत मिसळत गेलेलं...
***
स्वप्नसर्प
जागांशी जडती नाती
नात्यांच्या दुखर्‍या जागा
पावसात गुंतून राही
मायेचा अवघड धागा
माळावर सूर्य उद्याचे
दिवसाची देती ग्वाही
रात्रींचा हुरहुरवारा
तरी जिवास वेढून राही
चढलासे बघ मज सखया
हा मोहफुलांचा अर्क
देहात फुलांचे दंश
डसला स्वप्नांचा सर्प...
प्रतिक्रिया
वाटा आणि मुक्काम फार
वाटा आणि मुक्काम फार आवडली.
सुंदर!
स्वप्नसर्प देखिल खास आहे.
चार
चार तारका दिल्यात
--मनोबा
.
संगति जयाच्या खेळलो मी सदाहि | हाकेस तो आता ओ देत नाही
.
memories....often the marks people leave are scars
वाटा आणि मुक्काम आवडली
वाटा आणि मुक्काम आवडली सगळ्यात.
वाटा आणि मुक्काम व स्वप्नसर्प
वाटा आणि मुक्काम व स्वप्नसर्प दोन्ही आवडल्या नी पोहचल्यासुद्धा !!!
वाटा & मुक्काम आणि स्वप्नसर्प
वाटा & मुक्काम आणि स्वप्नसर्प या दोन कविता खासच आवडल्या.
माहिष्मती साम्राज्यं अस्माकं अजेयं
छान आहेत. आवडल्या.
छान आहेत. आवडल्या.
"वाटा आणि मुक्काम" आवडली.
"वाटा आणि मुक्काम" आवडली.
दगड तो, नका त्यास शेंदूर फासू
अशानेच नाच्यास नटरंग केले
"वाटा नी मुक्काम" खासच
"वाटा नी मुक्काम" खासच छान!
बाकी दोन ठिक.
तिघीचा म्हटला तर परस्परसंबंध लावता यावा, पण गरज वाटली नाही.तसे काही स्वतः कवियीत्रीच्या मनात होते का? नसल्यास
हे पुनर्वाचनात वाचले
तरी हा प्रश्न कायम आहेचः तीन्ही कविता एकत्र देण्याचा उद्देश काय?
- ऋ
-------
लव्ह अ‍ॅड लेट लव्ह!
तीन्ही कविता एकत्र देण्याचा
चारोळी टंकणं बरं वाटेना, म्हणून. आकारानं एकमेकींच्या कुळातल्या आहेत, इतकाच सारखेपणा. बाकी त्या लिहिल्याही आहेत वेगवेगळ्या काळात.
-मेघना भुस्कुटे
***********
तुन्द हैं शोले, सुर्ख है आहन
एकाच वेळी आतून भरून येणारे
ही उपमा मिस्स केलेली होती. फार आवडली.
सुरेख कविता...भावगर्भ !
सुरेख कविता...भावगर्भ !
फारच छान !
तिन्ही कविता आवडल्या!
(Member of the vast left-wing conspiracy!)
For us “immigration” is a proxy for race. Leftists and non-Whites are right to view this as threatening and racialist: it implies a return to origins and that the White man once owned America. Trust me