परवा मोठी झड झालीन्,
झाडाच्या सावल्या
पूनवेला माजल्या
सांडली ज्वारी रातसारी,
खुल्या आभाळात,
पेरली मग माळात.
चपलीला चाक चांदव्याखाली,
पायातून उडली,
सशाची पिली.
कुत्र्याचं रडं, दिव्याचा ठिपू,
लांब मैलावर
आलं वाऱ्यावर.
बांधाच्या उतरीला दगडाची चळ,
पाण्याचा सळ,
खेकड्याचा पळ.
रातीची हाळी पाहाटेला आली,
परतीचा पाय,
अनोळखी होय.
#ऐसीअक्षरे #दिवाळी२०२३
दिवाळी अंक पाहिलात का?
२४ एप्रिल
जन्मदिवस : यंत्रमागाचा शोध लावणारा एडमंड कार्टराईट (१७४३), लेखक अँथनी ट्रॉलॉप (१८१५), सिनेदिग्दर्शक रॉबर्ट वीनं (१८७३), चित्रकार विलेम द कूनिंग (१९०४), सिनेअभिनेता, लेखक, निर्माता व दिग्दर्शक राजा परांजपे (१९१०), द. भारतीय अभिनेता राजकुमार (१९२९), अभिनेत्री शर्ली मॅक्लेन (१९३४), गायिका व अभिनेत्री बार्बारा स्ट्राइसंड (१९४२), डीएनएमधली माहिती आरएनएमध्ये प्रसारित होते हे शोधणारा नोबेलविजेता रॉजर क्रॉनबर्ग (१९४७), फॅशन डिझायनर जाँ-पोल गोल्तिए (१९५२), लोककलावंत तीजन बाई (१९५६), क्रिकेटपटू सचिन तेंडुलकर (१९७३)
मृत्युदिवस : लेखक डॅनिएल डीफो (१७३१), गायक दीनानाथ मंगेशकर (१९४२), चित्रकार जामिनी रॉय (१९७२), उद्योगमहर्षी शंतनूराव किर्लोस्कर (१९९४), अभिनेत्री, नाट्यदिग्दर्शिका व निर्माती पर्ल पदमसी (२०००)
--
जागतिक प्रयोगशाळा-प्राणी दिन
भारतीय जलसंपत्ती दिन.
प्रजासत्ताक दिन : गाम्बिया (१९७०)
वंशविच्छेद स्मृती दिन : आर्मेनिया
लोकशाही दिन : नेपाळ
१८०० : 'अमेरिकन लायब्ररी ऑफ कॉंग्रेस'ची स्थापना
१८९१ : ऑस्कर वाइल्डलिखित पुस्तक 'द पिक्चर ऑफ डोरिअन ग्रे' प्रकाशित.
१९१४ : पुंज सिद्धांतामधला महत्त्वाचा फ्रँक हर्ट्झ प्रयोग जर्मन भौतिक संघटनेसमोर दाखवला गेला.
१९१५ : आर्मेनियन वंशविच्छेद - इस्तंबूलमध्ये आर्मेनियन वंशाच्या २५० बुद्धिवादी आणि नेत्यांना अटक; पुढे ऑट्टोमन साम्राज्यभर झालेल्या आर्मेनियन वंशविच्छेदाची ही सुरुवात होती. सुमारे ८ ते १५ लाख मृत. आजही तुर्कस्तानात ह्या हत्याकांडाच्या उल्लेखाला तुर्कस्तानचा अवमान केल्याच्या आरोपाखाली शिक्षा होऊ शकते.
१९२२ : ब्रिटिश साम्राज्य बिनतारी (रेडिओ) टेलिग्राफने जोडण्याची योजना कार्यान्वित; इंग्लंडमधून कैरोशी संदेशवहन सुरू.
१९२३ : सिगमंड फ्रॉईडने त्याचा मानसशास्त्रीय सिद्धांत Das Ich und das Es (The Ego and the Id) या शीर्षकाखाली प्रसिद्ध केला. त्यात मांडलेल्या इगो, इड आणि सुपर-इगोच्या संकल्पनांनी आधुनिक मानसशास्त्राचा पाया घातला.
१९६७ : रश्याचे अंतराळयान सोयुझ-१ कोसळून अंतराळवीर व्लादिमिर कोमारोव्ह मृत्युमुखी
१९७० : चीनचा पहिला उपग्रह 'डॉँग फँग हॉँग-१'चे प्रक्षेपण
१९८१ : आय.बी.एम.ने पहिला वैयक्तिक संगणक प्रदर्शित केला.
१९९० : खगोलातल्या अनेक महत्त्वाच्या घटनांचे प्रथम निरीक्षण करणाऱ्या हबल अवकाशदुर्बिणीचे प्रक्षेपण
२००५ : जगातला पहिला क्लोन केलेला कुत्रा जन्माला आला.
२००६ : नेपाळचा राजा ग्यानेंद्रने ४ वर्षांपूर्वी बरखास्त केलेल्या संसदेला पुन्हा मान्यता दिली.
२०१३ : बांगलादेशातील सर्वात भीषण औद्योगिक अपघात - औद्योगिक इमारत कोसळून ११२९ कामगार ठार; २५०० जखमी.
There is currently 1 user online.
 |
 |
 |
 |
 |
 |
 |
 |
 |
 |
प्रतिक्रिया
अहाहा... सुरेख!
अहाहा... सुरेख!
-मेघना भुस्कुटे
***********
तुन्द हैं शोले, सुर्ख है आहन
आहे की नाही मी कवी?? रात्री
आहे की नाही मी कवी??
रात्री सूर्य नसतोच त्यामुळे 'जे न दिसे रवीला...' हे मी 'खरे' करून दाखवले की नाही?
...
यानंतर 'पोट साफ करून आल्यानंतर लिहिलेल्या कविते'च्या प्रतीक्षेत आहे.
अहो आम्ही फरमाईशीवर कविता
अहो आम्ही फरमाईशीवर कविता लिहीत नाही.तरीही हां एक 'कळी'चा मुद्दा आहे. मुळात कवी लोकांचे ओठात एक पोटात एक असे नसते. त्यामुळे जरी संबधित विषयावर कविता लिहिलीच तरी आमच्या आतड्याचा पीळ किंवा आतल्या गाठी इत्यादि दिसतीलच याची खात्री नाहीच.त्यामुळे पास.
खेळकर आहे
खेळकर आहे, छान.
मला अनेक शब्द नवीन आहेत, ते समजले नाहीत.
आवडली.
आवडली.
आवडली.
आवडली.
कविता
कविता आवडली. शब्दांच्या नावीन्यामुळे अधिक आवडली.
मला न समजलेले शब्द/शब्दसंहती :
"चपलीला चाक" : दोन्ही शब्द माहिती आहेत पण दोन्हींचा एकत्र अर्थ माहीत नाही. दुसरं म्हणजे या दोन्ही शब्दांचा इथला अर्थ मला माहित असल्यापेक्षा वेगळाही असावा असं वाटतो आहे.
"ठिपू" शब्द माहिती नाही. पण मजेशीर आहे.
"दगडाची चळ" : म्हणजे चळत, रांग का ?
नो आयडियाज् बट इन थिंग्ज.
चपलीला चाक म्हंजे स्केट्स
चपलीला चाक म्हंजे स्केट्स म्हणायचे असेल ;-).
:)
नो आयडियाज् बट इन थिंग्ज.
मस्त
यावरून 'मोकळे होऊन आल्यावर लिहिलेली कविता' असे विडंबन लिवण्याची सुपारी देतो आहे घासकडवी गुर्जींना.
I think therefore you are wrong!
-Ramata De-scare-de
छान. नव्या शब्दांबद्दल मत
छान. नव्या शब्दांबद्दल मत मुसुंप्रमाणेच
- ऋ
-------
लव्ह अ‍ॅड लेट लव्ह!
धन्यवाद! ही कविता पाडलेली
धन्यवाद! ही कविता पाडलेली असल्याने शब्दार्थ देत आहे. (नाहीतरी ग्रेसगत 'लावा तुमचा तुमी अर्थ' (जन्मभर) असा पवित्रा घेतला असता!)
झड: सामान्यत: पाऊस.
रातसारी: रात्रौ, रातच्याला
चळ : चळथ, चळत (ढीग) यासाठी वापरतो कधी कधी.
सळ : ध्वनिदर्शक शब्द.
हाळी: हाक (कर्नाटकी प्रभाव)
(चपलीचे) चाक : हे चकाकी, ग्लिटर आणि ध्वनि या दोऩीं साठी वापरलाय. चाक(आरे) हे ही फिट्ट् बसते. पण स्केटसाठी नाही वापरलाय!
ठिपू: ठिपू[स], ठिपका, ओलसर भासणारा फिकट डाग.