तुम्ही तुमच्या आईवडिलांच्या तुलनेत कितपत धार्मिक/आस्तिक/सश्रद्ध आहात?
एका बाजूला आपल्याला धर्माचा वरचष्मा सामाजिक जीवनात वाढताना जाणवतो. पण त्याचबरोबर दुसऱ्या बाजूला अनेकांच्या वैयक्तिक आयुष्यात धर्माचं स्थान कमी होताना दिसतं. त्यातलं समाजात दिसणारं चित्र आपल्याला देवळांच्या रांगा, गणेशोत्सवातली गर्दी, बातम्या यांमधून दिसत असतं. वैयक्तिक बाबतीत ऐसीकरांमध्ये काय चित्र आहे हे जाणून घेण्यासाठी हा कौल. या कौलातून निघणारे निष्कर्ष हे अर्थातच ऐसीच्या मर्यादित सॅंपलमुळे सर्व समाजाला लागू होणार नाही, पण तरीही एका छोट्या समाजगटाचं का होईना, पण प्राथमिक चित्र निर्माण होईल अशी आशा आहे.
धार्मिकता, आस्तिकता, श्रद्धा या गोष्टी मोजायला सोप्या नाहीत. सर्वांना लागू पडेल असा मानदंड तयार करणं फार कठीण आहे. घराघरातलं चित्र वेगळं असतं. त्यामुळे मी प्रत्येकाला आपल्या घरच्या अनुभवाबद्दल विचारतो आहे. आईवडिलांच्या तुलनेने तुम्ही कितपत कमी वा अधिक धार्मिक आहात असा प्रश्न विचारणं हा प्रत्येकाला बऱ्यापैकी खात्रीलायकरीत्या उत्तर देता येण्याजोगा प्रश्न वाटतो. त्यात आईचा स्वभाव एक टोक आणि वडिलांचं दुसरं टोक अशीही शक्यता असेल. अशा वेळी शक्य तितकी सरासरी काढून उत्तर द्यावं ही विनंती.
धार्मिकता मोजण्यासाठी काय काय निकष वापरावेत हे प्रत्येकाने ठरवायचं आहे. तरीही काही गोष्टी मी विचार करण्यासाठी नमूद करतो आहे.
- दररोज पूजा करणं
- मंदिरात नियमितपणे जाणं
- देवाला नवस बोलणं
- तीर्थयात्रा करण्यासाठी जाणं
- विवाह, मुंज, वास्तुशांत, सत्यनारायण विधियुक्त करणं
- पाप पुण्याच्या बाबतीत जागरुक असणं
- शिवाशीव, विटाळ पाळणं
- मुलांना 'देवबाप्पा पाप देईल' अशी भीती घालणं.
- घरात शुभं करोति, रामरक्षा, वगैरे सारख्या प्रार्थना नियमितपणे म्हणणं.
- घरात देवघरासाठी प्रशस्त जागा असणं
या व अशासारख्या अनेक निकषांवरून तुमचे आईवडील तुमच्यापेक्षा अधिक धार्मिक होते की कमी धार्मिक होते? हे उत्तर देण्यासाठी मी तीन विभाग करणार आहे, आणि त्यापैकी तुमचे पालक कुठे बसतात व तुम्ही कुठे बसता हे सांगा.
१. बरेच धार्मिक. (देवावर बऱ्यापैकी दृढ विश्वास; पूजा करणं, मंदिरात जाणं बऱ्यापैकी नियमित, मुलांवर धार्मिक संस्कार करण्याचा प्रयत्न इ.)
२. मध्यम धार्मिक (विश्वास असला तरी पूजा करणं आणि मंदिरात जाणं तसं अनियमित, मुलांवर धार्मिक संस्कार व्हावे याचा काहीसा प्रयत्न - पण खूप नाही इ.)
३. कमी धार्मिक (देवावर विश्वास थोडा किंवा जवळपास नाही, पूजा किंवा मंदिरात जाणं जवळपास नाही, विधी नावापुरतेच/प्रथा म्हणून, धार्मिकऐवजी सेक्युलर संस्कार इ.)
तर तुम्हाला खालीलपैकी एक पर्याय निवडायचा आहे. शिवाय तुम्हाला तुमच्या मुलांविषयी किंवा त्यांच्या धार्मिक वातावरणाविषयी काही टिप्पणी करायची असेल; किंवा तुमच्यात आणि तुमच्या पालकांत नक्की काय फरक आहे याविषयी लिहायचं असेल तर प्रतिसादांत जरूर लिहा.
प्रतिक्रिया
माणसाम्चे प्रॉब्लेम खुप
माणसाम्चे प्रॉब्लेम खुप आहेत
आमच्यात असलं काय पण नसतं
पोळ्याला माणसं आमचीच पुजा करतात
पुरणपोळी पण घालतात
एवडं पण कळत नै माण्सांना
की आम्हाला कडबा-पेंडीच आवडते
पाऊस पडून गेल्याबरोबर तर मस्त गवत असतं
ते सोडून पुरण्पोळी?
मठ्ठच आहेत माणसं नै?
मी एक काळा मठ्ठ बैल. मला अंधार आवडतो. तेव्हा फार उजेड पाडू नका.
हुर्र्र्र्र्र्र्र्र्र्र्र्र्र
हुर्र्र्र्र्र्र्र्र्र्र्र्र्र्रा!
हैक् च्च च्च च्च!
जा बरं तिथे मस्त वैग्रे गवतावर
(ह घेणे)
- ऋ
-------
लव्ह अॅड लेट लव्ह!
ऋ!!!
ऋ!!!
माणसाम्चे प्रॉब्लेम आमाला
आमाला कळ्ळ्ळ्ळ्ळ्ळ्ळं!
********
It is better to have questions which don't have answers, than having answers which cannot be questioned.
अस्म कस्म बोलण्म ते???
अस्म कस्म बोलण्म ते???
ठ्ठो
माहिष्मती साम्राज्यं अस्माकं अजेयं
so do I
so do I
लिंगभेद
नास्तिकांचं प्रमाण पुरुषांपेक्षा स्त्रियांमध्ये कमी आहे असा एक सार्वत्रिक प्रवाद आहे. त्याला या सर्व्हेतून पुष्टी मिळते का ते पाहता येईल. अर्थात ‘सेल्फ सिलेक्टेड सॅँपल’ असणं की अशा प्रकारच्या कौलांमध्ये नेहमी येणारी अडचण इथेही आहेच.
- जयदीप चिपलकट्टी
(होमपेज)
इथे स्माॅल नंबर
इथे स्माॅल नंबर स्टटिस्टिक्सची अडचण येणार.
---
सांगोवांगीच्या गोष्टी म्हणजे विदा नव्हे.
धार्मिक/अधार्मिक
वडील धार्मिक होते. आई आपली तिच्या होत असलेल्या शोषणामुळे धर्म पाळायची. त्यामुळे आम्ही धार्मिक नव्होत.
पण ...
देवभोळेपणा, धार्मिकपणा, सश्रद्धपणा, भक्ती, कर्मकांड, आध्यात्मिकता, देवदेवस्की , नवससायास, जारणमारण, करणी, जादूटोना, शिवाशीव, बुवागिरी, बुवाबाजी, आश्रम, सव्यापसव्य, पोथ्या, ज्योतिषे, भविष्ये, पत्रिका, वार, तिथ्या, महिने, अधिक महिना, सिंहस्थ, टिळकपंचांग, उपवासतापास, सोवळंओवळं, नारायण नागबळी, श्रीपाद वल्लभ दिगंबरा, शनिमारुतीला तेल, गाणगापूर, शनि शिंगणापूर, गजानन महाराज, अक्कलकोट, नरसिंहाची वाडी, पितांबर, ताम्हन, उदबत्ती, धूप, यज्ञ याग, लंगोट, चकोट, मुंज, मुंजा, हडळ, समंध, नवनाथ कथासार, पाळीतलं सोवळं, सुतकातली शिवाशीव, मयत, श्राद्ध, अगडबंबपणा, मुलीला मंगळ असणं, अंगात येणं, घुमणं, घागर फुंकणं, नवरात्रीचा उपवास, नवरात्रीला मटण कापणं, पुराणांचे दाखले देणं, स्मृती वाचणं, गुरुचरित्राची पारायणं , राख फासणं, अंगारे, भस्म, गंध, कुंकू, चंदन, रक्तचंदन, टिळा, तीळ , अक्षता, तांदूळ, निरांजनं, नैवेद्य, प्रसाद, तुपारती, धूपारती, विडा, गोमूत्र, शेण, अपवित्र होणं, शुचिर्भूत होणं, घटस्थापना, प्राणप्रतिष्ठा, उत्तरपूजा, उत्तरक्रिया, गंगास्नान, चंद्रभागास्नान, वारी, "महाराज", "बाबा", दंडवत, जानवीजोड, भिक्षावळ, उतारे, धाबळी, चटई, धुपाटणं, मखर, आरत्या, दुर्वा, मोदक, ब्राह्मणभोजन, ब्राह्मण्याचा अभिमान, परमार्थ, आस्तिक्य , आस्तिक-आस्तिक, भजन, सहस्त्रभोजन, सहस्त्रावर्तन, रुद्र, लघुरुद्र, महारुद्र, वेद, शास्त्र, हरिविजय, पांडवप्रताप, पादुका, खडावा, दत्त दत्त दत्ताची गाय, दत्ताची आरती, कहाण्या, साठाउत्तरी, पाचाउत्तरी, सत्यनारायण, साधुवाणी, अथर्वशीर्ष, जिवती, जिवतीची अमावस, गोपीचंद स्नान, रेत सांडणं, ऋतुमती होणं, समागम , ब्रह्मदेव, सरस्वती, लक्ष्मी, विष्णू, विष्णूसहस्त्रनाम, जपाकुसुमशंकासं, रामरक्षापठेत प्राज्ञा, प्रज्ञावर्धन स्तोत्र, कार्तिकेय महामुनी, स्कंदपुराण, नारद तुंबर, मंगळागौर, मळवट, सती, सावित्री, सतीसप्तमी, नमस्कार, आशीर्वाद, अष्टपुत्रा, पुत्रकामेष्टी, कामदेव, रती, अग्निहोत्री, अग्निहोत्र ...........
अशा शेकडो भरतील अशा गोष्टी, संज्ञा, संस्था, व्यक्ती, संकल्पना, गंध, चव, रस अशांच्या रंगीबेरंगी आठवणी मात्र येतात
नो आयडियाज् बट इन थिंग्ज.
एकंदर
एकंदर धर्मकर्माचा विचार करता, असं वाटतं की शोषण, जोरजबरदस्ती, हिंसा, वेगवेगळ्या प्रकारचं प्रदूषण, सामाजिक अन्याय, अज्ञान, त्यात खितपत पडणं हे घटक वजा केले तर धर्मकर्म हा प्रचंड मनोरंजक प्रांत आहे
नो आयडियाज् बट इन थिंग्ज.
म्हणजे कोणीतरी खितपत पडलं तर
म्हणजे कोणीतरी खितपत पडलं तर इतरांचं मनोरंजन होणार ना?
--------------------------------------------
ऐसीवरील गमभन इतरांपेक्षा वेगळे आहे.
प्रमाणित करण्यात येते की हा आयडी एमसीपी आहे.
नाही
नाही. कुणी त्यात खितपत पडणं हे सर्वात वाईट आणि दु:खदायक आहे. त्याने मनोरंजन होत नाही.
मात्र त्यातल्या गमतीशीर विसंगती, त्यातलं वैविध्य, कर्मकांडांमधले विनोदी प्रकार याने माझं मनोरंजन होतं खरं. आध्यात्मिक मार्गात लोक का जातात, त्याची त्यांना गरज का पडते वगैरे विचार रोचक वाटतात. हे एका अर्थी मनोरंजक आहे.
थोडक्यात, कुणी त्यामुळे गांजलेला असेल किंवा खितपत पडलेला असेल त्यातून मनोरंजन शोधता येत नाही.
नो आयडियाज् बट इन थिंग्ज.
+
अध्यात्मात (खितपत?) पडलेल्याची दुसर्या -खरोखरच्या- दु:खात खितपत पडल्याची जाणीव बधीर होते.
--------------------------------------------
ऐसीवरील गमभन इतरांपेक्षा वेगळे आहे.
प्रमाणित करण्यात येते की हा आयडी एमसीपी आहे.
हाऽऽण तिच्या!!!
क्या बात है!
साक्षात सनातन संस्कृतीचा समग्र सारांश!!!
कॉपीराईट खुला करा, सर्वांना अने़क ठिकाणी हे वापरता येईल!!!
ह. घेणे
यादी बरीच मोठी आहे. मी वाचली. फोन खिशात टाकून कुठेही बसल्याजागी वाचता येतं ना! कुठे बसले होते ते लिहित नाही, धार्मिक भावना चटकन दुखावतात.
पण या यादीत 'अगडबंबपणा' का आहे? धार्मिक लोक जाडेपणाच्या विकाराला बळी पडतात असं काही कोरीलेशन आहे का? त्यात कॉजेशनही आहे का?
आणि हो, यादीचा शेवटही वाचला, सगळ्यांनी वाचावा. चांगला आहे.
---
सांगोवांगीच्या गोष्टी म्हणजे विदा नव्हे.
अगडबंब
>>धार्मिक लोक जाडेपणाच्या विकाराला बळी पडतात असं काही कोरीलेशन आहे का? त्यात कॉजेशनही आहे का? <<<
मी परवापरवा पर्यंत एकही भटजी स्थूलावस्थेपेक्षा दुसर्या अवस्थेत पाहिलेला नाही. (आता आम्ही धर्माशी काडीमोड घेतला तरी पण "भक्कम बापट" आहोत ही बाब अलाहिदा)
परवा मात्र अमेरिकेतल्या एका मुंजीतल्या भटजींशी घटकाभर गप्पा मारल्या. वेद, उपनिषदे , ब्रह्मसूत्रे वगैरे सुपरहहेवीवेट गोष्टी मुखोद्गत असलेले, व्यवसायाने स्टॅटिस्टिशियन असलेले नि आता वयोपरत्वे निवृत्त झालेले हे न्यूजर्सीकर भटजी मात्र "गरीब ब्राह्मण" या कथाकहाण्यांमधल्या येणार्या वर्णनाला साजेसे, थोडक्यात "फ्लायवेट" क्याटेगरीतले असे होते.
नो आयडियाज् बट इन थिंग्ज.
:ड
अमेरिकेत आहात, आणखी कोरून कॅटेगऱ्या बनवा.
फार न शिकलेले, वेद, उपनिषदं, ब्रह्मसूत्रांचाही अभ्यास न केलेले भटजी अगडबंब असतात.* आणि एक नवा कौल टाका - तुमच्या घरी फार धार्मिक वातावरण होतं + तुम्ही आकाराने भक्कम आहात का?
*मी जे काही दोन-चार भटजी बघितले होते ते तसेच होते. त्या भटजींपैकी एकाला आमचे एक आस्तिक काका घटोत्कच म्हणत. धार्मिक कार्यांचा धसका जेवढा नास्तिकपणा आणि गर्दीच्या तिटकाऱ्यामुळे घेतला नसेल तेवढा तुंदिलतनू, मेट्रोसेक्शुआलिटीशी फारकत घेतलेल्या आणि उघड्याबंब पुरुषांमुळे घेतला बहुदा.
(सॉरी हं घासुगुर्जी, फार अवांतर केलं.)
---
सांगोवांगीच्या गोष्टी म्हणजे विदा नव्हे.
अवांतर
ते रतीसोबत अग्निहोत्री वगैरे लिहून तुम्ही मस्त भोवरा फिरवला आहे.
माहिष्मती साम्राज्यं अस्माकं अजेयं
तुम्हीच आता ह्यूमर मी म्हंटलंय म्हणून,
नसावं. उलट धार्मिक लोकं उपास करकरून आपल्या शरीराला आळवत (आणि वाळवत!) असतात.
याचा व्यत्यासही, अधार्मिक लोकं बारीक असतात का, हा ही खरा नसावा. अन्यथा,
अशीच अमुची, झाली असती,
झीरो फिगर कटी..
अम्हीही करिना झालो असतो,
रडले एलेपती!!
दोन नंबरची धार्मिकता
मी माझ्या आईवडिलांना दोन नंबरचे मानत होतो, पण मुसुबापूंची यादी वाचून ते तीन नंबरचे असल्याची खात्री पटली. ह्या यादीतल्या कित्येक घटकांशी त्यांचा अजिबात संबंध नव्हता.
- चिंतातुर जंतू
"ही जीवांची इतकी गरदी जगात आहे का रास्त |
भरती मूर्खांचीच होत ना?" "एक तूच होसी ज्यास्त" ||
हे बापट फारच भक्कम
हा मुक्तसुनीत यांच्या पोस्ट ला प्रतिसाद आहे ( तिकडे का दिसत नाही , काय माहित ) बाप रे !हे बापट फारच भक्कम दिसतात.शिवाय या धार्मिक जंत्री मध्ये समागम वगैरे गोष्टी आणून यांनी धर्म अजूनच मानवी केलाय. मस्त हो !!!!
वरील यादी
वरील यादीत जानवीजोड व गोमूत्र लिहूनही 'श्रावणी' चा उल्लेख नाही हे ध्यानांत आणून देतो.
बापरे, पण या प्रचंड यादीतल्या चित्रविचित्र गोष्टींपासून मुक्ती मिळवून दिल्याबद्दल माझ्या तीर्थरुपांचे मनःपूर्वक आभार!
अस्थिर
अस्थिर -- फ्लक्चुएट होत राहणार्यांबद्दलही एखादा पर्याय चर्चाप्रस्तावात असता तर नेमकं बोलता आलं असतं. कोणत्याही टोकाहून कोणत्याही टोकापर्यंत धूमकेतूसारखा किंवा फुगा फुगवल्यावर त्याचं तोंड न बांधता तसाच सोडला तर कसा फुस्स्स्स करुन कुठेही यादृच्छिक्/रॅण्डम/अनिश्चितपणे प्रवास करणारीही काहिंची मनःस्थिती असते. मला वाटायचं की असेच लोक खूप असतात. पण इथे पाहिले तर सगळ्यांची मतं/विचार पुरेसे क्रिस्टलाइझ झालेले दिसताहेत. म्हंजे हे मी समजत होतो ते फ्लक्चुएटिंग मोड मध्ये असणारे अस्थिर लोक थोडेसेच असतात की काय ?
मार्मिक देऊन समाधान होइना
मार्मिक देऊन समाधान होइना म्हणून ही पोच.
मनोबाचे हे म्हणणे
आई वडील २ मी ४
मनोबाचे हे म्हणणे नक्की वाचावे ,
@ मनोबा , माझे मत उलटे आहे . flactuating मोड मध्ये असणारे अस्थिर लोक जास्त असतात असे वाटते., जरी इथे जास्त लोकान्नी स्पष्ट विचार मांडलेले असले तरी .
तुझे काय मत/विचार आहेत हे वाचायला आवडेल
>>>>अस्थिर -- फ्लक्चुएट होत राहणार्यांबद्दलही एखादा पर्याय चर्चाप्रस्तावात असता तर नेमकं बोलता आलं असतं. कोणत्याही टोकाहून कोणत्याही टोकापर्यंत धूमकेतूसारखा किंवा फुगा फुगवल्यावर त्याचं तोंड न बांधता तसाच सोडला तर कसा फुस्स्स्स करुन कुठेही यादृच्छिक्/रॅण्डम/अनिश्चितपणे प्रवास करणारीही काहिंची मनःस्थिती असते. मला वाटायचं की असेच लोक खूप असतात. पण इथे पाहिले तर सगळ्यांची मतं/विचार पुरेसे क्रिस्टलाइझ झालेले दिसताहेत. म्हंजे हे मी समजत होतो ते फ्लक्चुएटिंग मोड मध्ये असणारे अस्थिर लोक थोडेसेच असतात की काय ?<<<<
आई २, वडील ३. मी संपूर्णतः
आई २, वडील ३. मी संपूर्णतः नास्तिक. बायको लग्नाच्या वेळी २ म्हणता येईल. पण आता हळू हळू ती अडीच पर्यंत आलीय (बऱ्यापैकी स्वतःहून किंवा माझ्या धर्मावरच्या observations, or more like टिंगल टवाळीने म्हणता येईल). पण मी सन-बिन थोडेफार करतो कारण १) मराठी संस्कृती आवडते आणि २) लहानपणीच्या चाळीतल्या आठवणी आहेतच.
--------------
Comedy is a distortion of what is happening, and there will always be something happening. ― Steve Martin, Born Standing Up: A Comic's Life
माझे नागमोडी धार्मिक वळण
आई वडील २ मी ४.
लहानपणी घरात सर्वसामान्य मध्यमवर्गीय मवाळपंथी सदाशिवपेठी ब्राह्मण वातावरण . वडील मस्त गात वगैरे एखादा तास पूजा करायचे दररोज . तेवढा वेळ ते बऱ्या मूड मध्ये असायचे ( नंतर त्यांच्याशी बोलताना कळले , कि यात त्यांच्या धार्मिकतेपेक्षा मुक्त गायला मिळण्याचा आनंद जास्त होता त्यांना , kind of a release from the daily grind )मुंजी नंतर त्यांनी कधी काही धार्मिक 'करायला ' वगैरे सांगितल्याचे आठवत नाही .
मी नववी दहावीत असताना , कट्टर धार्मिक उजवा हिंदू धर्माचा अभिमान वगैरे व्हायला लागलो. तेव्हा एक दिवस त्यांनी मला शेजारी बसवून शांतपणे देव धर्म या कशा निरर्थक वगैरे , (ज्यात अजिबात वेळ घालवू नये )अशा गोष्टी आहेत हे समजावून सांगायचा प्रयत्न केला . "जर हे खरे , तर तुम्ही दररोज कशाला तासभर पूजा वगैरे करता" असं विचारल्यावर " तो आता माझ्या लहानपणापासून च्या सवयीचा भाग झाला आहे . सवयीने त्या वेळेला मी पूजा करतो . " असे उत्तर मिळाले . मला हे सगळं नवीन होतं . कारण घरात खास असे धार्मिक कार्यक्रम होत नसले तरी सगळे सण परवडेल अश्या पध्धतीने वगैरे व्यवस्थित 'साजरे ' होत असत .
त्या काळात मी अगदी अनंतचतुर्दशीच्या मिरवणुकीत फुल्ल नाचणे वगैरे गोष्टी ( ज्या घरी अजिबात रुचत नव्हत्या ) करायचो ( हा अनुभव अत्यंत आनंददायी असे )
मग हळूहळू या सगळ्याचे ओझे होऊन मी एकदम कट्टर नास्तिक बनलो १८ - १९ वर्षाचा असताना . पण त्यानंतर जवळजवळ २० वर्षे तसाच होतो . मग त्याचेही ओझे होऊ लागले . कदाचित त्यामुळे असेल ,का कुणास ठाऊक एकदा आणि मग कधीकधी देवळात गेलो .
घरात देव नाहीत . मोठ्या मुलाने लहानपणी आग्रह केल्यामुळे घरात वाजत गाजत गणपती बसवला . ४-५ वर्षांनी त्याचा इन्टेरेस्ट संपल्यावर बंद केला . नंतर धाकट्या मुलाने आग्रह धरल्यामुळे चालू केला
आज माझे स्टेटस असेच आहे कि कधी कधी ( मे बी , वर्षातून एखाद्या वेळेला ) देवळात जाऊ शकणारा देव न मानणारा माणूस. ( संपूर्णपणे irrational आणि illogical )
मत म्हणून विचारलेत तर देव आहे का ? नाही .
मग गरज का वाटते : मानवी मनाचा weakness . .... पुन्हा एकदा संपूर्णपणे irrational आणि illogical
यात टोचणी एवढीच आहे कि आधी माझ्या या कट्टर नास्तिकपणामुळे आणि नंतर एकदम देवळात गेल्यामुळे पत्नीची ( जी आधी नास्तिक नव्हती , पण नंतर झाली ) ओढाताण झाली . ती वैतागलेली आहे ह्यामुळे.
मुळात 'धार्मिक' असण्याची
मुळात 'धार्मिक' असण्याची प्रत्येकाची व्याख्या एकच असेल असं नाही. मी स्वत:ला सश्रद्ध म्हणेन, पण धार्मिक...can't tell.
आईवडील काही बाबतीत धार्मिक वाटतात. पण कर्मकांड कमीच. देव धर्म, कुळाचार असले काही फारसे आईवडील करत असल्याचे आठवत नाही. पण शनिवारी अमुक करू नका, चांगल्या कामाला मुहूर्त पहा असले असायचे.
"क्वांटम फ्लक्चुएशन " ची संकल्पना अनाकलनीय!
हे विश्व कसे आणि का निर्माण झाले? याच्या वैज्ञानिक उत्तरात जी "क्वांटम फ्लक्चुएशन " ची संकल्पना आहे ती आत्तापर्यंत तरी मला अनाकलनीय ठरली आहे . त्यामुळे मी देव मानतो का या प्रश्नाचे उत्तर देणे अवघड आहे.
कर्मकांड मी अजिबातच मानत/करत नाही . आईवडीलही तसेच होते.
(Member of the vast left-wing conspiracy!)
For us “immigration” is a proxy for race. Leftists and non-Whites are right to view this as threatening and racialist: it implies a return to origins and that the White man once owned America. Trust me
पाने