कृष्ण-राधा
खुळीबावळी राधा भोळी तिला कसे कळावे, कपटी श्रीरंगाच्या मनीची कुटील कारस्थाने.
संधीसाधू तो नसता कोणी,अवचित येऊनी मागे, करकमलांचा पाश घालुनी कानी गोड कुजबुजतसे.
.
सांग राधीके एकांती या भलत्या वेळी, आलीस ना तू भेटाया मज भीडभाड सोडोनी
का मग हा खोटा दुरावा,लटके दूर लोटणे,वाटे का मी देऊन टाकीन फुका तुझी वसने
.
कोणीही ना येथे केवळ आपण एकांती, आतातरी विसरशील का खोटी जगरीती
क्षणभर डोळे भरुनी मजला तुला पाहू दे ना, देतो मग मी तुझी वसने हे माझे वचन तुला
.
जो पुरुषोत्तम वसे जनी, मनी, कायी अंतर्यामी, त्या कृष्णाने राधेला का केली ही विनवणी,
काय असे तिजपाशी असे जे श्रीरंगाला हवे, काय असे ते तिने लपविले जे त्याला मोह पडे
.
षटऐश्वर्ये युक्त असे जरी कमलेचा कांत, गुपीत त्याचे सापडेल राधेच्या भक्तीत
ना राधा ना कृष्ण अनन्य नाते हे जाणा, भक्तावाचून जगी ना ऊरे विश्वाचा राणा
_____________
अजुनी नाही फुटली
पूर्वेला लाली,
राधा गोरी चंचल,
यमुना स्नानास्तव आली
.
स्वप्न रात्रीचे आठवुनी
मोहरली काया,
कवेत घेई श्रीरंग
पुरते रंगुनी टाकाया
.
सूर वेणूचे उमटले
तिच्या पुनःपुनः हृदयी,
ऊर धपापत होता
कोमल, मधुर आवेगी
.
असह्य होई राधेला
मग मदनाचा दाह,
जपू लागली मनात
ती श्रीरंगाचे नाव
.
यमुनाजळ काळे तिजला
कृष्णासम भासे,
काळ्यायमुने स्पर्शालागी
मन वेडे आसुसे
.
अंगावरची वस्त्रे सुटली,
अंबाडा सुटला,
कंचुकीचे उरलासुरला
बंधही मग तुटला
.
.......... पुढचे सुचत नाय!
प्रतिक्रिया
या वरून खूप पूर्वी
या वरून खूप पूर्वी (बहुधा)रोचनाने (चुभेदेघे) एक बंगाली कवितेचा अनुवाद इथे केला होता. त्याची आठवण झाली. शोधून दुवा देतो
- ऋ
-------
लव्ह अ‍ॅड लेट लव्ह!
कृष्ण कळी का? तो दिलतितली
कृष्ण कळी का? तो दिलतितली यांनी केला होता. पण नक्की या संदर्भात होता का आठवत नाही. कदाचित तुम्ही म्हणता तो वेगळा असेल.
___
http://aisiakshare.com/node/97
नाही नाही हा धागा वेगळा दिसतो आहे.
___
जरुर द्या वाट पहाते आहे.
होय तोच तोच..ओके
होय तोच तोच..ओके दिलतितली!
याच संदर्भात नाही पण तुम्ही दिलेल्या कवितेच्या पहिल्या दोन ओळी वाचून आपोआप तेच आठवले. का कोण जाणे!
बहुदा ळ च्या प्रासामुळे असेल
- ऋ
-------
लव्ह अ‍ॅड लेट लव्ह!
मला सुचलेले उत्तर ....
षटऐश्वर्ये युक्त असे जरी कमलेचा कांत, गुपीत त्याचे सापडेल राधेच्या भक्तीत
ना राधा ना कृष्ण अनन्य नाते हे जाणा, भक्तावाचून जगी ना ऊरे विश्वाचा राणा
अजुन एक अर्धवट कविता जोडली
अजुन एक अर्धवट कविता जोडली आहे.