कलिंगडाचे धोडक

फोटो चढवता आला नाही. कसा डकवू?

गब्बरसिंग नावाच्या आयडी ला पाठवा, तो देइल फोटो चढवुन,

फोटो चढवता आला. :)

रोचक!

मस्त दिसतंय ..

होय इथे अनेकांना आवड आहे. येऊ द्यात खास पाकृ!

कालच कलिंगड घरी आले आहे. अजून अर्धे आहे, त्याच्या सालींचं हे करून पाहतो

मी प्रत्येक वेळी या धाग्याचं शीर्षक कलिंगडाचे मोदक असंच वाचतोय.

आता त्यात मावेल इतका बारीक रवा (नसल्यास तांदळाचे पीठ चालेल पण रव्यामुळे कुरकुरीतपणा येतो तेव्हा शक्यतो रवाच) घाला. मावेल इतका म्हणजे हाताने मिश्रण उचलून तव्यावर थापता आले पाहिजे.

काय हरकत नाही थत्तेचाचा, मोदक पाहिजे असेल तुम्हाला तर मोदक करा. ह्या स्टेप नंतर त्या गोळ्याला मोदकाचा आकार द्या आणि तळुन काढा , नाहीतर उकडवा उकडीच्या मोदकासारखे:-)

हे आणि तवसोळी मधल्या वेळचे पदार्थ म्हणून खायला आवडतात. पाणीदार अ‍ॅस्ट्रिंजंट घटक खूप आणि रवा गरजेपुरताच हे कॉम्बिनेशन सुचणारा माणूस हुशार असला पाहिजे असं माझं मत आहे :-)

>> खास सारस्वत पद्धतीच्या 'हटके' पाकृ मी लिहू शकेन.

नक्की लिहा. सारस्वत पद्धतीचा स्वयंपाक अतिशय आवडतो.

खास सारस्वत पद्धतीच्या 'हटके' पाकृ मी लिहू शकेन

यू आर मोष्ट वेलकम!

तुम्हा सर्वान्च्या प्रतिसादाबद्दल धन्यवाद!
सकारात्मक प्रतिसाद वाचुन हुरुप आला आहे. :)
जरुर लिहिन.

खास सारस्वत पद्धतीच्या 'हटके' पाकृ मी लिहू शकेन

नेकी और पूछ पूछ!

आमच्याकडे अजून काही दिवसांनी फार्मर्स मार्केटात दिसतील कलिंगडं. तेव्हा करून बघेन.
शंका आहे - थेट तव्यावर थापायचं तर तवा गार होईस्तोवर थांबायला लागेल. त्यापेक्षा डोसा किंवा घावनासारखं तव्यावर ओतत का नाहीत?

चांगली पाकृ. आहे आहे आणि गडबडीत असतानाही पटकन करता येण्यासारखी आहे.

खास सारस्वत पद्धतीच्या 'हटके' पाकृ मी लिहू शकेन

अवश्य लिहा, एखादी धागा मालिकाच का नाही सुरु करत त्या निमित्ताने?

कालच धोडक करून पाहिले. अत्यंत उत्कृष्ट चव ! फारच आवडले.
एका मध्यम आकाराच्या कलिंगडाच्या सालगरातून तळव्याच्या आकाराची चार धोडकं तयार झाली. किसलेल्या गरात चिक्कार पाणी शिल्लक असते. त्यामुळे हलक्या हाताने अनेकदा पिळून काढला तरी रवा बराच घालायला लागला. अर्थात, त्यामुळे ऐवज वाढला नि अधिक खुसखुशितपणा आला ही जमेची व आनंदाची बाब. किंचित आलं ठेचून घातलं, हीच एक जास्तीची गोष्ट केली.

पाककृती दिल्याबद्दल तुम्हाला अनेक धन्यवाद !
ही आमची गुरुदक्षिणा -

कलिंगडाचे खाल्ले नाही पण बाणेरातल्या "वे डाऊन साउथ" मधले काकडीचे दोड्डक ऑल टाईम फेवरीट!
खालच्या मेन्युतील किती पदार्थ सारस्वती आहेत?

धोडक हे नाव वाचल्या वाचल्या 'दोधक' नावाच्या वृत्ताची (भ भ भ गुरु गुरु) आठवण झाली आणि गेले दहा दिवस त्या वृत्ताची (अर्धवट आठवणारी) लक्षणओळ डोक्यात फिरत राहिली. त्यामुळे सारखी सारखी या वृत्तसदृश पदार्थाची आठवण होऊन खायची इच्छा होत होती. या कृतीत दिलेल्या 'साहित्या'पैकी रवा सोडून काहीही घरात मिळाले नाही. नारळाचा चव तर माझ्या घरात असणे/ तो मी करणे म्हणजे...हॅ हॅ हॅ. शिवाय या कृतीत प्रमाण दिलेले नसल्याने माझ्यासारख्या कुगरणीला भीती वाटणं साहजिक. पण 'पातळ पीठ तव्यावर ओतणे' ही कृती असलेल्या डोसासदृश पदार्थांऐवजी 'पीठ तव्यावर थापणे' ही कृती असलेले पदार्थ करायला सोपे असतात असा धीर स्वतःला देत आज सकाळी हा पदार्थ करण्याचा चंग बांधला. कलिंगडाऐवजी काकडीचा कीस, मिरच्यांऐवजी तिखट आणि जिरेपूड, रव्यात तांदळाच्या पिठाची भेसळ, नारळाच्या चवाऐवजी डेसीकेटेड कोकोनट प्रक्षिप्त करून केली एकदाची ही वृत्तबद्ध थालिपीठं. उलटताना काहीशी विदीर्ण झाली पण ते तुकडे वृत्तातील 'यति'मुळे झाले आहेत असं स्वतःला समजावलं. खायला काय फर्मास लागली हो! काकडीची गोडसर चव आणि रव्याचा कुरकुरीतपणा! वा वा!

आज करून पाहिले. उत्कृष्ट चव. गरमागरम अहाहा लागते!
सोबतीला मटक्यात लावलेले थंडगार दही घेतले होते. आमचं अ‍ॅडिशन म्हणजे फक्त जीरं कुटून लावले होते. आमच्या आकाशवाणीकडून "हे उपासालाही छाने की. रव्याऐवजी शिंगाड्याचे किंवा साबुदाण्याचे पीठ वापरून बघायचे. शिवाय तेले साबुदाणा थालीपिठांपेक्षा बरेच कमी पितेय!" अशी सुचना आली आहे. अर्थात पुढिल कलिंगडावर तो प्रयोग होईलच.

तोवर ही आमचीही गुरुदक्षिणा:

डु प्र का टा आ

चार्वीच्या विदीर्णतेचा धसका घेऊन मी रव्याबरोबर दोन चमचे तांदळाची पिठी घातली. जिरं, आलं, मिरची, साखर, मीठ. गर मात्र पिळून घेतला होता. (त्यातच भिजवल्यास मला तरी धोडके न करता धिरडीच करावी लागतील!) तव्यावर लावताना थोडी तारांबळ झाली नि आमची स्त्रीवादी धोडके परीघ सोडून स्वतंत्र व्यक्तिमत्त्वाची निपजली. म्हणून फोटू देत नाहीय. चव मात्र सुरेख! पुढच्या खेपेस खोबऱ्याबरोबर थोडे पांढरे तीळ घालणार आहे. ते काकडीच्या थालिपीठात छान लागतात, म्हणजे इथेही लागावेत.
अशा अजून पाकृ लिहाव्यात, अशी विनंती.

तुम्ही धोडक करुन बघितले आणि ते आवडले हे वाचुन आनन्द झाला.
गुरुद़क्षिणा आवडली. :)

काल रात्री काकडीचे धोडक केले होते, रव्यामुळे जो खुसखुशीतपणा येतो तो फार आवडला. प्रचंड भूक लागलेली असल्याने फोटोपुरावा काढायला जमले नाही, आता पुढच्या वेळी कलिंगडाचे करून पाहीन. आमच्याकडे तांदळाचे पीठ घालून अशाच प्रकारे भोपळ्याचे थालिपीठ करतात, त्यातही आता रवा वापरून पाहीन.

रवा भाजून घायचा न ? मी आज करून बघते .