कार्ला कट्टा

कोकणस्थांची लग्नं, बालाजी तांबे आणि मनोबाकडे असलेली हिऱ्यांची बँग या दोन विषयांवर आणखी गॉसिप हवं. फोटो इथे लावा की!

--

पारंपरिकरीत्या, म्हणजे १९९१च्या नंतरच्या काळात, एमटीडीश्यांबद्दलचं माझं मत असं की त्यांचं ठिकाण अतिशय सोयीचं आणि नयनरम्य ठिकाणी असतं. आतल्या परिसराची काळजीही व्यवस्थित घेतलेली असते. राहण्याची सोय समाधानकारक असते. पण अन्न सर्व भारतीयांना लाज आणेल असं असतं. अजोंशी या बाबतीत मत जुळलं म्हणजे जगबुडी आली म्हणावं का कसं?

मळवली एमटिडीसी कट्टा थोडक्यात:-

हो ना हो करत फक्त चारच जण येताहेत हो असं अण्णांचा निरोप आला. म्हटलं घाबरु नका उत्सवमूर्ती येतेय मग तर झालं.
ठरल्या वेळेच्या अर्धा तास अगोदरच अरुणजोशी, A.N.Bapat आणि मन तिघे पुणे मुंबई रस्त्याने आले तेव्हा गाडीतच काही चर्चा झालेली.मी मळवली स्टेशनकडून पावणेअकराला आलो आणि लगेच रेस्टारोंमध्ये चहावड्याने सुरुवात केली. चौघे प्रथमच एकमेकांस पाहात होतो. जागा कट्ट्यासाठी चांगली आहे मत पडले.{ वेटरने तीन चारवेळा ओर्डर दिली का? गिळलंत ना? आता लवकर टेबल रिकामे करा वगैरे तंबी देण्या अगोदरच बाहेर पडलो}

बाहेरचा परिसर एमटीडीसीचाच असल्याने लगेच बाहेर पडून ठिकठिकाणी ठेवलेल्या बाकड्यांवर बसत गप्पा सुरू झाल्या.
विषय अर्थातच पुरोगामी प्रतिगामी. नंतर नदीकाठच्या झाडीत पाचोळ्यावर बसून दीड तास किस्से कथन झाले.पुरोगामी चर्चा थोड्या सूक्ष्म पातळीवर (brass tacks level) -कोब्रा/देशस्थ कडे नेताना लातूरकडचे अरुणजोशींचे फ्लेवर मी प्रथमच ऐकत होतो. सदाशिवपेठ संस्कृतीवर बापटअण्णा बोलले. जसे कोलकाताला गेल्याशिवाय बोंगाली विश्व समजणे अवघड आहे तसं पेठेत दोनचार वर्ष राहिल्याशिवाय पेठ कळणार नाही. मनोबा थोडा गप्प होता कारण त्याच्या वयाचे कोणी नव्हते. तरी अण्णांशी त्याचे सूत जमले अन आइटीवाल्यांचे विश्व त्याने उघड केले. माझ्या पिढीला इंटरनेट थोडे वय उलटल्यावर हाताशी लागले हे पदोपदी जाणवते आणि ट्रेकिंगच्या ग्रुपमध्ये तरुणांना फुकटचे सावधगिरीचे सल्ले देणारे काका ही भुमिका मी करतोय हे वाटत राहाते. कट्ट्याला मोठा ग्रुप जमला असता तर मौन साधता आले असते परंतू मी धरून चारजणच असल्याने मीपण चारदोन वेळा पुरे म्हणतील इतकी लांबड लावली. दीड वाजता परत रेस्तारोंकडे जाऊन पोटोबा केला. तीन वाजता लोणावळ्याच्या चिक्कीवाल्याकडे जाऊन चिक्क्या घेऊन शेवट गोड केला.

१ ) {मी} अचरट आणि अरुणजोशी.

२ ) कालच्या मिनीकट्टा मळवली एमटीडीसीची जागा.इंद्रायणी नदी,बंधारा ,मागे दाट झाडीत कार्ला एमटीडीसी .

३) एमटीडिसी रेस्टारोंमध्ये {डावीकडून} श्री अरुणजोशी, मन आणि A.N.Bapat.

४ ) {मी} अचरट आणि अरुणजोशी. नदीकाठच्या झाडीत.

५ ) मन ,{मी}अचरट.

६ ) लाल प्रतिगामी, आडव्या उभ्या पट्ट्यातले स्मार्त (स्मार्ट) पुरोगामी यांचे एकमत झाल्यावर.

--------------------------------------------------------
अरुणजोशींकडून

१ ) इंद्रायणी नदीच्या बंधाय्रावरून पाठमोरे अचरट,मन,A.N.Bapat.

२ ) अचरट

३ ) मनोबा

४ ) डिजाइनर अँगलमधून मनोबा.

५ ) अचरट,मन, बापट. प्रतिगामी चर्चा देवळाच्या पार्श्वभूमीवर.

६ )

७ ) परिसर

८ ) बापट,मन.

कट्टा चौघांचाच हे काही बरे नव्हे. पुढच्या वेळेस शहरातच ठेवा म्हणजे जास्त उपस्थिती राहील. वृत्तांत सपक वाटतोय, थोडा मसाला घालून परत लिहा. चर्चा कुठली झाली यापेक्षा काय झाली हे समजण्याची उत्सुकता आहे.

अचरटकाकांच्या शर्टाचे खिसे एक नंबर आहेत!

अजो, मदिरापान करणारे कुणी होते काय, ग्रुपमधे ? असल्यास बेत काय होता - व्हिस्की/बियर्/टेकिला/रम्/ब्रँडी/व्हडका/वाईन .... ??

जेवण बेचव होते हे ऐकून विशाद जाहला. साला आज्काल्चे लोक ब्येकारच बगा !!!

मनोबाचा मागुन फोटो घ्यायचे काही विशेष कारण? हां ती बॅग दाखवायला - अमेरीकन तुरीस्ट का काय्शी

फोटो पहायला फार मजा येते
____-
एकंदर चर्चेचा आवाका विशाल वाटतोय. - स्वयंप्रकाशित शैवले काय न काय न काय.
___
च्यायला दर फोटोत ते बटाटेवडे तस्से टोणगे आणि ढोले च्या ढोले. कोणी खार्ल्लेत तरी का? की आपले फोटोंपुरता मागवलेले
_________
आहा देऊळ किती गोड दिसतय. गेलात की नाही?

अजोंनी मांडलेल्या मुद्दे क्र. ८ व १७ बद्दल अधिक वाचायला आवडेल, बाकी वर्गीकरण वाचून अजोच्या स्मरणशक्तीला एक दंडवत. (साधासुधा नाही तर थ्री इडियटवाला सलाम)

बाकी जाउ दे , अरुण जोशीन् वर मी प्रतिगामि नसल्याचा आरोप केला नाही. माझ्या मते ते कट्टर पुरोगामी आहेत. प्रतिगाम्याना गाफिल आणि पुरोगाम्याना एलर्ट रहावे म्हणुन ते जे काही लिहीतात ते लिहीतात. ( अजुन जास्त नन्तर रविवारी लिहिन )

माझ्या मते कट्ट्टयाला असलेल्या लोकांची आदर्श संख्या सहा ते आठ. पण बहुतेक वेळा खूप लोकांना एकदम भेटता यावं म्हणून मोठ्ठा ग्रुप बरा पडतो. पण मग लग्नात समोर येणाऱ्यांना हसून नमस्कार करायचा आणि दोन शब्द बोलायचे इतकंच करणं कधीकधी जमतं. कमी लोकं असले की एका टेबलावर बसून सगळ्यांना एका ग्रुपमध्ये बोलता येतं. त्यामुळे चार लोक थोडे कमीच असले तरी कट्टा इंटिमेट झाला असणार याबद्दल खात्री आहे.

फोटोपैकी अचरट यांचा बाकावर बसून हात विस्तारून 'हे, एवढं मोठं...' असं काहीतरी सांगतानाचा फोटो भारी. अरुणजोशींचे फोटो सगळे फारच विचारमग्न आलेले आहेत. बापटअण्णा सतत काहीतरी मांडवली करण्याच्या पोझमध्ये. पण सगळ्यात आवडला म्हणजे मनोबाचा पारावर उभा राहिलेला फोटो. 'ती तिकडची पारंबी पकडून जर जोराचा झोक घेतला तर पलिकडच्या इलेक्ट्रिकच्या खांबाला हात लावता येईल का? लावल्यास किती उंचावर लागेल?' अशी काहीतरी कॅल्क्युलेशन्स चालू असावीत.

हायला भारी झाला कट्टा.
मनोबा बेसिकली भक्तीभावाने युक्त असा श्रोता दिसतोय. त्याचा चेहरा फोटोजेनिक आहे.
बापटाण्णा त्या पोलीस कमिशनरचे काम करणार्‍या मराठी अ‍ॅक्टरासारखे दिसताहेत. (अ‍ॅक्टराचे नाव आठवेना)
जोशीसाहेब कुठल्याही अँगलने जोशी वाटत नाहीत. यादव अथवा झा असावेत.
अच्चुकाका बघून माहीत झालेले आहेत. ते तसेच आहेत.

व्यक्तिगत कामांमुळे, दूर असल्याने इ इ आलो नाही असे लोक म्हणत असले तरी काही अजोसारख्या ड्यांजर मानसापास्नं दूर राहायला पाहिजे असा विचार करत कट्ट्याला बगल देणारे असावेत असा विचार पिंगा घालायचे सोडत नाहेय.

आपल्या असण्यानसण्याने लोकांचे निर्णय बदलु शकतात इतके आपण प्पावरफुल आहोत असा आत्मविश्वास कुठून येतो हो अजो तुमच्यात? (ह. घ्यालच)

बाकी, कट्टा पुण्यातच ठेवला असतात तरी येण्याचे जमले नसते. तेव्हा माझे सोडा - मात्र सगळेच पुण्यातले असूनही मुंबई-पुण्याच्या मध्यावर कट्टा घेण्याने संख्या थोडी तरी नक्की घटली असावी असा माझा कयास!

मात्र, जागा छान वाटतेय. कट्ट्याच्या गप्पांच्या विषयाच्या यादीला अर्थ नसतो. मजा तपशिलात असते आणि ती फक्त उपस्थितांनाच मिळते!

फोटो अजून आहेत का? बघून टाकतो.

आणखी फोटो अरुणजोशींकडून

८ )

९ )

१० )

११ )

१२ )

१३ )

१४ )

१५ )

१६ )

१७ )

१८ )

मनोबाला इतक्या वर्षांत पहिल्यांदाच जाड झालेलं बघतोय. कल्जी घे रे बाबा!

बाब्बौ! हेsss एवढय सगळ्यांचं लक्षय माझ्याकडे ?! आभार दोस्तहो.
.
.
मस्त गेला वेळ कट्ट्यात. फुरसतीत अधिक टंकेन म्हणतो.

मनोबाच्या वयाचे { आणि कट्ट्याला येणारे} ऐसीवर कोणी नसावेत.

वाह! झकास वृत्तांत!

एक छोटी तांत्रिक करेक्शन अजो : "स्वयंप्रकाशित शैवालके"नाही, स्वयंप्रकाशी बुरशी ( शैवाले म्हणजे algae , आपण algae बद्दल बोललो नाही . Fungi म्हणजे बुरशी . ) तर असो.
अवांतर : आपली स्मरणशक्ती व लिस्टिंग कॅपॅबिलिटी भारी आहे .

कट्टा रेंगाळत चालू ठेवायला ही जागा योग्य आहे. दरवर्षी संक्रांत आणि २६ जानेवारी यामधला रविवार इथे वार्षिक कट्टा फिक्स करून टाका. बाकी आणखी कट्टे दुसरीकडे कराच.

बाबौ! चित्रे खल्लास! आणि एकाच मीटिंग मध्ये अख्ख्या महाराष्ट्राचे विचारविश्व बदलले असेही दिसत आहे. मराठा तितुका मेळवावा, महाराष्ट्र धर्म वाढवावा !

छान झालाय हा कट्टा.

अजोंना पाहण्याची इच्छा पुरी झाली.

लोणावळ्यात बंगला(ले) घेऊन साग्रसंगीत ओव्हरनाईट कट्टा अरेंज करायचा असल्यास सांगा.

हा बसू तिथे बोलू होता.ऐनवेळी चारपाचजण गळले तरी बजेट कोलमडत नाही. झाडाखाली बसून बोलण्यात कसलंच दडपण नसतं.