श्रावण
झाले किरणांचे पाणी ऊनमंजिऱ्या सावरी
जळी मेघ वितळता पांगे कापूस डोंगरी
आडोशात झाडोऱ्यांच्या चिंब भिजलेले पक्षी
तेलपंखांचे नितळ थेंब ठिबकत नक्षी
पानोपानी सळसळे हिरवाई अंगोपांग
जून बुंध्यावर चाले धीट मुंगळ्यांची रांग
रास सोन्याची उतरे प्याली हळद निळाई
रंगगंध निथळत इंद्रजाल भवताली
खेळ ऊनपावसाचा तृप्त गवताचा वास
करी दंवाचा आरसा निळ्या आकाशाचा श्वास
उरी मातीच्या बेभान पाणथळ रानवाटा
इंद्रधनुच्या डोळ्याने पाही आसमंत सारा
प्रतिक्रिया
वाह!!! सुंदर.
वाह!!! सुंदर.
मी सुद्धा
आडोशात झाडोऱ्यांच्या चिंब भिजलेले पक्षी
तेलपंखांचे नितळ थेंब ठिबकत नक्षी
चित्रं मस्तच मारवा, ..शुचि!
चित्रं मस्तच मारवा, ..शुचि!