'मनी'चे श्लोक
Submitted by कलंदर बिलंदर on सोमवार, 27/01/2020 - 09:59
धनादेश जो ईश सर्वां जनांचा |
मुळारंभ आरंभ राजकारणाचा ||
नमूं सर्वदा धर्म तो रुपयाचा |
गमूं पंथ आनंत भ्रष्टाचाराचा ||१||
मना सज्जना लक्ष्मीपंथेचि जावे |
जेणें श्री पावे ते करा हो स्वभावे ||
जनीं वंद्य ते सर्व सोडूनि द्यावे |
जनीं निंद्य ते सर्व भावें करावे ||२||
प्रभाते मनीं दाम चिंतीत जावा |
पुढे वैखरी दाम आधी वदावा ||
सदाचार हा घोर सांडून ये तो |
जनीं तोचि तो बहु धनवंत होतो ||३||
मना वासना बेष्ट कामास येते |
मना सर्वथा वित्तबुद्धी चढवते ||
मना धर्मता नीति धरू नको हो |
मना अंतरी फार विकार राहो ||४||
मना सत्यसंकल्प सोडूनि द्यावा |
मना पापसंकल्प जीवीं धरावा ||
मना कल्पना हवी मंत्रीपदांची |
तिजोरी लुटावी बनता खजांची ||५||
जय जय ‘रुपी’वीर समर्थ...
field_vote:
No votes yet
