अमेरिकन निवडणुकीत काय होणार?
कमला-दोलांड कांटे की टक्कर आहे असं म्हणतायत. ऐसीकरांना काय वाटतं? कोण निवडून येणार? आणि ते निवडून आल्यामुळे काय होणार अमेरिकेचं? आणि जगाचं?
.
हाहाहाहाहाहा.
साहेब,
खास तुमच्यासाठी, आमच्या न्यूयॉर्कातला ब्रूकलिनचा पूल अतिशय स्वस्तात विकायला काढलाय. घेत असलात, तर त्याबरोबर पुण्यातला लकडीपूल फुकटात देईन! बोला, घेताय काय?
ट्र्म्प निवडून आले तर भारत विरोधी षड्यंत्र कमी होतील.
ट्रंपला स्वतःच्या देशाच्या भल्याची काही पडलेली नाहीये. तुमच्या देशाच्या भल्याची चिंता तो नक्की काय म्हणून करील, असे तुम्हाला वाटते?
(ट्रंपचे जाऊ द्या. अमेरिकेचा/ची कोठला/लीही अध्यक्ष भारताच्या भल्याला प्राधान्य नक्की काय म्हणून देईल, असे भारतीयांना वाटते, ही माझ्या आकलनापलीकडची गोष्ट आहे. असो.)
हं, आता, स्वतःच्या देशाची वाट लावताना, भारताची वाट लावण्याचा मुद्दाम विचार करायला त्याला वेळ राहणार नाही, असे काही “लॉजिक” असल्यास गोष्ट वेगळी. तरीही, ते भरवशाचे नाही. त्याची एकंदर वागणूक पाहता, (१) तो कधी, कोणाविरुद्ध, नि काय म्हणून उठेल, आणि (२) त्याच्या कोणत्या कृतीचे दुष्परिणाम कोणावर नि कसे होतील (नि त्यातून कोणाची, कशी, नि कधी वाट लागेल), याचा भरवसा, खुद्द परमेश्वर जरी आभाळातून पृथ्वीवर उतरून आला, तरी तोसुद्धा देऊ शकणार नाही. सांगण्याचा मतलब, ट्रंपचे येणे (अमेरिकेसाठी सोडा, परंतु) भारतासाठी हितावह असेलच, असे काही नाही.
(दुसरे कोणी — अगदी कमळाबाईसुद्धा! — असते, तर (कदाचित भारताविरुद्ध का होईना, परंतु) किमानपक्षी काही predictable तरी असते. ट्रंपचा काय भरवसा?)
(आणि, तसाही तो ‘America First!’ म्हणून बोंबलून राहिलाय. (त्याच्या कोठल्याच म्हणण्याला कधीच काहीच अर्थ नसतो, ही बाब अलाहिदा. पण, तूर्तास असे बोंबलतोय तरी.) तो भारताच्या भल्याबुऱ्याचा विचार कोठला आलाय करायला? हं, त्याच्या कोठल्याही करणीतून योगायोगाने भारताचे भले, किंवा बुरे, काहीही जरी झाले, तर गोष्ट वेगळी. परंतु, त्याला त्याचे काहीही देणेघेणे नाही.)
बाकी तुमचे चालू द्या.
मोदींना अशाच माणसांचा नीट
मोदींना अशाच माणसांचा नीट उपयोग करून घेता येतो. रागां वरती मोदींनी केलेले प्रयोगातून मोदी यात तयार झाले आहेत.
:) :)
युक्रेन रशिया युध्द सुरू झालं. हे खूप शहाणपणाचं होतं का? नाही.
भारत तेल आयाती ऐवजी निर्यात करायला लागला.
बांगला देशात राजवट बदलली. हे खूप शहाणपणाचं होतं का? माहीत नाही. ;)
भारतात टेकस्टाईल इन्डस्ट्री वाढली. निर्यातही वाढली.
ट्रंप-१ चीनच्या विरोधात गेला. हे शहाणपणाचं होतं का? माहीत नाही;)
भारतात चीनमधले उद्योग यायला लागले.
रागांचे भारतावर खूप मोठे उपकार आहेत की, त्यांनी मोदींना घडवले. ;)
शेठजीचे मित्र जिंकले. आपल्या
शेठजीचे मित्र जिंकले. आपल्या देशात अनेकांना जुलाब ही झाले. या वेळी अमेरिकेत हिंदू सोबत मुस्लिमानी ही तात्यांना मोठ्या प्रमाणात मतदान केले. बहुतेक तात्या मध्य आशियात युद्ध थांविण्याचा प्रयत्न करतील ही आशा. पण जो पर्यन्त अमेरिका युक्रेनला युद्ध थांबविण्यासाठी राजी करत नाही तो पर्यन्त रशिया इराणच्या मतदिने हिजबुलल्लाला शस्त्र पुरवीत राहणार.
शेठजींचे “मित्र”??????
शेठजीचे मित्र जिंकले.
हाहाहाहाहाहा.
साहेब,
ब्रूकलिन ब्रिज नि लकडीपुलासोबत खास तुमच्यासाठी म्हणून कुतुबमिनारसुद्धा देतो. फुकट!
की त्याऐवजी ताजमहाल घ्याल म्हणताय? ठीक आहे, दोन्ही घेऊन टाका!
मग काय, ठरला सौदा पक्का? (पण रोख रक्कम हं, फक्त!)
एक गोष्ट लक्षात घ्या. आमचा ट्रंप काय, किंवा तुमचे शेठजी काय, हे कोणाचे “मित्र” कधीही होऊ शकत नाहीत. ही मूलतः स्वतःच्याच आवाजाच्या नि स्वतःच्याच थोबाडाच्या प्रेमात पडलेली मंडळी आहेत. हुक्की आली, लाडात आली, किंवा कॅमेऱ्यासमोर चांगले मिरवायला मिळेलसे वाटले, तर कोणालाही कडकडून मिठी मारतील. याचा अर्थ ते एकमेकांचे दोस्त आहेत, असा होत नाही काही. उगाच आपले ‘अहो रूपमहो ध्वनिः’, झाले. उद्या मर्जी फिरली, तर ‘तू वास मारतोस!’ म्हणून एकमेकांना दूर ढकलायलाही कमी करणार नाहीत. (निदान, आमचा ट्रंप तरी कमी करणार नाही. तुमच्या शेठजींचे मात्र काही सांगता येत नाही, हं!)
(तसेही, परराष्ट्रसंबंधांत कायमचे मित्र किंवा कायमचे शत्रू नसतात, फक्त कायमचे हितसंबंध असतात, असे म्हटले जाते खरे. परंतु, तो प्रकार पूर्णपणे वेगळा.)
या वेळी अमेरिकेत हिंदू सोबत मुस्लिमानी ही तात्यांना मोठ्या प्रमाणात मतदान केले. बहुतेक तात्या मध्य आशियात युद्ध थांविण्याचा प्रयत्न करतील ही आशा.
हो, हे झालेय खरे. परंतु, त्याचा अर्थ, त्याची कारणमीमांसा, तुम्ही म्हणता तशी नाही. इतके सोपेही कारण नाही. (तूर्तास तपशिलात शिरू इच्छीत नाही.)
परंतु तसेही, अमेरिकेतले झाले, म्हणून काय झाले, हिंदू तथा मुस्लिम मतदार हे मूर्ख असू शकत नाहीत, आणि बिनडोकपणे स्वतःच्याच हितसंबंधांच्या विरोधात मतदान करू शकत नाहीत, असे कोणी म्हटले?
आणि, ट्रंपतात्या हे मुस्लिमांच्या बाजूचे असल्याचा, किंवा (विशेषेकरून) मध्यपूर्वेतील मुस्लिमांच्या हितार्थ मध्यपूर्वेतील युद्ध थांबविण्याकरिता कार्यरत असल्याचा आरोप त्यांच्यावर त्यांचा वाईटातला वाईट शत्रूदेखील करणार नाही. (भले अधूनमधून सौदी राजपुत्राच्या गळ्यात गळे घालून हिंडत असले, तरीही.)
पण जो पर्यन्त अमेरिका युक्रेनला युद्ध थांबविण्यासाठी राजी करत नाही तो पर्यन्त रशिया इराणच्या मतदिने हिजबुलल्लाला शस्त्र पुरवीत राहणार.
या ‘आतल्या गोटा’तल्या बातम्या तुम्हालाच तपशीलवार माहिती. आम्ही त्यावर काय बोलावे?
बाकी तुमचे चालू द्या.
पाहा तुमच्या शेठजींचे दोस्त काय म्हणून राहिलेत ते...
https://indianexpress.com/article/business/trump-100-tariff-brics-us-do…
एक दोस्त दुसऱ्या दोस्ताला असली धमकी देतो काय? तीसुद्धा, 'बऱ्या बोलाने कर, नाही, नुसते करच नव्हे, तर करशील असे लिहून दे, नाहीतर... बघूनच घेतो तुझ्याकडे!' असल्या भाषेत?
(आता यावर तुमचे शेठजी काय भूमिका घेतात, त्यावरून ते ट्रंपचे दोस्त आहेत, की भारताचे, हे पाहायचे...)
(आमच्या ट्रंपचे म्हणाल, तर तो कोणाचाच दोस्त कधीच नव्हता.)
--------------------
“We require a commitment from these countries that they will neither create a new BRICS currency nor back any other currency to replace the mighty U.S. dollar, or they will face 100 per cent tariffs and should expect to say goodbye to selling into the wonderful U.S. economy. They can go find another ‘sucker!’ There is no chance that the BRICS will replace the US dollar in international trade, and any country that tries should wave goodbye to America.”
ही भाषा आहे. ऐका! दोस्त म्हणे शेठजींचे!
कमला निवडून येणे भारताच्या
कमला निवडून येणे भारताच्या हिताचे नाही. सीआयएचे भारत विरोधी षड्यंत्र आणिक वाढतील. दुसरीकडे युक्रेन युद्धावर ही तोडगा निघणार नाही. ट्र्म्प निवडून आले तर भारत विरोधी षड्यंत्र कमी होतील. युक्रेन युद्ध थांबविण्याचा प्रयत्न होईल. जगात शांतता कायम राहण्याची शक्यता जास्त.