तुम्ही लोकसभेसाठी मतदान कोणाला करता?

संविधान लिहिणार्‍या लोकांनी याबाबत काही लिहिलं आहे का ते बघायला पाहिजे. त्यांना काय नक्की अपेक्षित होतं ते.

जी व्यक्ती तुमचे (तुमच्या एकुणच सामाजिक स्थानाचे/गटाचे/स्वभावाचे/व्यवसायाचे/जातीचे/धर्माचे किंवा कोणत्याही अंगाने) प्रतिनिधित्त्व करते त्याला [ती जिंकेल असे तुम्हाला वाटते की नाही हे गौण]

हा मुद्दा मी विचारात घेतो आणि शक्यतो काँग्रेसच्या उमेदवाराला मतदान करतो. शिवसेना, भाजपा, वगैरे तद्दन जातीयवादी व राकॉँ सारख्या संधीसाधू पक्षांना मतदान करत नाही. एकदा नगरपालिकेच्या निवडणुकीत काँग्रेसच्या उमेदवाराला मत देऊ नये असे वाटत होते तेव्हा अपक्ष उमेदवाराला मत दिले होते.

'लेसर इव्हल' असा एक पर्याय हवा असे वाटते.

सर्वप्रथम मला मतदान करता येत नाही कारण मी परदेशात राहतो. कदाचित काही पोस्टल बॅलटची सोय असेल तर मला काही कल्पना नाही. ते असो.

मला या पोलचा हेतू नीट स्पष्ट नाही. ऐसीचे सदस्य साधारण एकजिनसी सामाजिक, आर्थिक थरांतून आहेत. त्यात राजकारण या विषयात रस घेणारे कमी प्रमाणात (प्रतिसादसंख्येवरून) असावेत. तर एकजिनसी, अपरा (१५-२०) सँपल घेऊन नेमका कुठल्या व्यापक लोकसंख्येबद्दल अंदाज मांडायचा आहे? आता तुम्ही म्हणाल फक्त ऐसीचे लोक कसा विचार करतात ते पहायचे आहे. तसे असल्यास थोडे मोठे प्रास्ताविक लिहून तुमच्या मनातला हेतू तरी स्पष्ट करा.

मी स्वतः खालील पर्यायाला मत दिले आहे.
तुमच्या मते जी व्यक्ती खासदार होऊन संसदेत योग्य ते प्रश्न मांडेल व कायदे घडवण्याच्या प्रक्रियेत सर्वात चांगले योगदान देऊ शकेल अश्या व्यक्तीला [ती सरकारात आहे की नाही?, जिंकेल की नाही? हे गौण]
आता हा पर्याय स्थिर सरकार देण्याला महत्व देत नाही.तसेच पक्षा पेक्षा व्यक्तिला अधिक महत्व देतो तरीपण मला ते मान्य आहे..आता जर माझ्या मतदारसंघात वरील पर्यायाचा उमेदवार नसता तर मी नोटाला मत दिले असते.

वैधानिक इशारा - असभ्य भाषा.

अजून वोटिंग कार्ड काढला नाही आहे. कंटाळा येतो लाईन मध्ये उभा राहायचा.
लेट्स सी कधीतरी काढेन. वोट केल असते तर जो माझ्या धर्माचा , प्रदेशाचा मनुष्य आहे त्यालाच वोट केल असत.
करप्शन काय सगळेच करतात. त्यामुळे करप्शन हा मुद्दाच नाही आहे. कुणीही निवडून आला तरी आपल्यला जास्ती काय फरक पडत नाही.

The pursuit of truth is not important. The pursuit of that truth is important which helps you in reaching your goal that is provided you have one.” – Ayn Rand (The Romantic Manifesto)

लोक कस काय थांबतात लाईन मध्ये आश्चर्य वाटत. घराच्या घरी दोन मिनिटात ओनलाईन काहीतरी सिस्टम असती तर ठीक होत.
एक ,दोन तास उन्हात वाट बघत थांबणार सुट्टी वाया ते वाया. आणि दुसर्या दिवसापासून आहे ते शेड्यूल. वैताग आहे नुसता.

विषय रोचक आहे.
सरकार ज्यांचे हवे त्यांना मत द्यावे असे ढोबळपणे मला वाटते. पण जर नेमका त्या पक्षाचा उमेदवार केवळ मोठ्या नेत्याचा/ची नवरा/मुलगा/बायको/नातेवाईक (म्हणजे स्वतंत्र म्हणता येईल असे काहीही कर्तृत्त्व नसलेला घराणेबाज कोणी) असेल तर मी त्या उमेदवाराला मत देणार नाही.

३७७ कलम हा "नॉटविथस्टॅण्डिंग एनिथिंग एल्स दॅट मे बी गुड इन द पॉलिसीज ऑफ अदर पार्टीज" इतका महत्त्वाचा मुद्दा मला स्वतःला वाटत नाही. [३७७ कलम रद्द करण्याला माझा पाठिंबा आहेच. पण तो निवडणूक मुद्दा करण्याची माझी तयारी नाही].