वाया गेलेली बाई..!! (फेसबुक वर सात जणांनी शेअर केलेली आणि साठ कॉमेंट आलेली....माझी 'फेसबुक बाईची' कविता :))

'सात शेअर आणि साठ कॉमेंट' हे वाचून मला एकदम आमच्या कणेकर गुर्जींचे 'सात गाणी आणि अकरा खून असलेली प्रेमकहाणी' आठवले.

अरे वा!
फेसबुक या विषयावर, एका फेसबुक सभासदाने लिहिलेली आणि फेसबुकवर प्रचंड लोकप्रिय ठरलेली कविता ....

लाईक करणार्‍यांपैकी किती (फेसबुकवरच्या हे गृहितच) बाया होत्या हो?

(स्वगतः आजकालच्या मॉडर्न बाया सासूला कशा प्रकारे घालून पाडून बोलतील काय सांगता येत नाही ब्वॉ!)

कविता गमतीशीर आहे खरी; पण फारच एकांगी चित्रण करणारी. कवितेमधे "एफ्बी" या प्रकाराचे दुष्परिणाम बाईमधेच दिसतात/बाईमुळेच घरादारावर होतात इत्याइत्यादि मजकूर अंमळ लिंगभेद दर्शवणारा. कविता मिष्कील भावामधे लिहिलेली असली तरी (बहुदा अनवधानाने) एकांगी झाली.

दुसरं असं की, विनोदी म्हणून जरी एखादी गोष्ट केली जाते त्यामधे भाषेचा डौल, काही एक लय, रचनेतला किमान नेमकेपणा याचं भान राखलेलं इथे दिसलं नाही. सबब, काहीशी निराश करणारी कविता.

फेसबुकवर भारतात किती स्त्रिया आहेत याचा काही अंदाज आहे का? त्यावरून हे वर्णन किती गांभीर्याने घ्यायच आणि किती गंमतीने घ्यायच हे ठरवता येईल
बाकी मुक्तसुनीत यांच्याशी सहमत. असा एकांगीपणा जे कोणी करतात त्यांच वर्णन वाचायला जास्त आवडत. असा वाहवत जाण्याचा मूर्खपणा फक्त स्त्रिया करतात हे न पटणारे आहे. करणारे करतात - त्यात स्त्रियाही असतात आणि पुरुषही असतात; न करणारेही असतात - त्यातही स्त्रिया असता आणि पुरुषही असतात.

कविता आवडली, कविने सगळ्याच बाजू विवेकाने मांडण्याचा अट्टहास केला तर ती कविता कविता उरेल काय?

@मुक्तसुनित, आतिवास -असहमत.

कविकल्पेनेचे प्रतिबिंब सरसकट वस्तुस्थितीत बघितलेच पाहिजे असा नियम काय कामाचा?

कवीने निर्णायक बाजू घेतल्या/ली की सहसा गोंधळ होतो..बाकी फेसबुकवर पडून असणार्‍यांची संख्या भयावह आहे..अधून मधून चक्कर टाकली की मधल्या काळात या पडीक लोकांनी अपडेटींचा धुमाकूळ घातलेला असतो..