प्रतिभा
मी तुझ्या रोज भोवती असते
एक अदृश्य सोबती असते
मी कधी रिक्त शाश्वती असते...
वा कधी दिव्य आरती असते!
आसवांचे जुनेच लोलक, पण-
मी नवी रंगसंगती असते
सांजवेळी तुझा विसावा मी
आणि दिवसा तुझी गती असते
तू करू पाहतोस जे त्याची
फक्त मी मूक संमती असते
- कुमार जावडेकर
प्रतिक्रिया
कविता आवडली.
कविता आवडली.
दुसऱ्या ओळींमध्ये असते आल्यामुळे फार पुनरावृत्ती झाली. त्या ऐवजी होते, जाते, देते वगैरे चांगले वाटले असते असं आपलं वाटून गेलं.
धन्यवाद्
धन्यवाद... गझल असल्यामुळे प्रत्येक शेराच्या शेवटीही 'असते' हे अंत्ययमक आणि 'सोबती', 'भोवती' अशी यमकं आली आहेत.
आपला,
कुमार्