सुटका नाही
ज्या प्रश्नांना नसते उत्तर
तेच मला खुणविती निरंतर
अज्ञेयाच्या पल्याडून कुणी
म्हणते,"यातून सुटका नाही"
तीन मितींची भक्कम कारा
तिचे दार किलकिले उघडुनी
बघती प्रतिभावान थोडके
तेही म्हणती,"सुटका नाही"
तुंदिलतनु तुपकट ध्येयांची
हाक ऐकुनी शहारते मन
उनाड भटकी पायवाट मग
बिलगून म्हणते,"सुटका नाही"
प्रतिक्रिया
घोर वास्तव
आमची पण, या तुंदिलतनु तुपकट देहातून सध्या तरी सुटका नाही, हे घोर वास्तव उमगले.