दोन वीजा
Sandipan
दोन वीजा कडाडल्या
त्याही भर पावसात
तिने डोळ्यातून मारला
एक तीर काळजात.
चिंब होऊन शोधतो
एक चांदणी मनात
तीर मारुन नागिन
कुठे गेली अंधारात.
तिचं घर चौकात
का तिचं घर रानात
नुसत्या चौकशा चौकशा
माझ्या तोंडात कानात.
मन नाक्यावर राहिले
आलो भिजत घरात
तिच्या खिडकीचा चंद्र
माझ्या मनात मनात.
ढग पुन्हा कासावीस
पाऊस व्हायला आतुर
माझी चादरीत घालमेल
देह फितूर फितूर.
‘वीजा’
भारतीय पासपोर्टाच्या रिकाम्या पानांवर ‘वीज़ा’ की कायसेसे लिहिलेले असते, त्याची या निमित्ताने आठवण झाली.
(परंतु, तेथे ‘ज’खाली नुक्ता असतो. त्यामुळे, ही ती भानगड नसावी. नपक्षी, ही कवीची शुद्धलेखनाची चूक१ असण्याची शक्यताही नाकारता येत नाही.)
असो चालायचेच.
——————————
१ पक्षी, ‘ज’खाली नुक्ता देणे टाळणे, ही.
वीजा
वीज चे अनेकवचन विजा होतं की वीजा ? भाषापंडितांनी मार्गदर्शन करावे.