मानव्योत्तरतेचा (Transhumanism) जाहीरनामा

१.मानवी भविष्यावर विज्ञान आणि तंत्रज्ञानाचा प्रचंड आणि खोलवर परिणाम होऊ घातला आहे. मानवी मर्यादांचे पुढील प्रकारांनी उल्लंघन होणे स्वीकारार्ह आणि स्वागतार्ह आहे : वार्धक्याचा पराभव ,ज्ञानग्रहणक्षमतेची वाढ,,दु:ख –वेदना यांच्यावर मात आणि पृथ्वीपलिकडे मानवी वस्तीचा प्रसार.
सध्याच्या मानवी अवस्थेच्या आम्ही पलिकडे जाऊ इच्छितो.
२. यापूर्वीच्या सर्व ‘’वादां’’पेक्षा मानव्योत्तरता-वादाचे वेगळे लक्षण म्हणजे मानव्यापलिकडे जाण्यासाठी करण्याचा
तंत्रज्ञानाचा वापर.
३. मानवी फायदे आणि सुरक्षितता यासाठी पाळायची किमान जैविक तत्वे : सर्व संवेदनाक्षम जीवांचे रक्षण: मानव, इतर प्राणी, तंत्रज्ञानाने बदललेले प्राणी , कृत्रिम प्राणी आणि नव्याने निर्मित कृत्रिम बुद्धिमत्ता-समुच्चय.
४.मानवाने आपले शरीर व जीवन कसे बदलावे, जगावे किंवा संपवावे यावर आम्ही मानवाला जास्तीत जास्त स्वातंत्र्य देऊ इच्छितो.यात पुढील प्रकारची तंत्रज्ञाने येऊ शकतात : बुद्धी वाढवणारी,मूड बदलणारी,एकाग्रता वाढवणारी, स्मरणशक्तीवर्धक, वार्धक्य थोपवणारी ,पुनरुत्पादनासाठीची ,मानवाची जनुके आणि प्रत्यक्ष रूपे बदलणारी इत्यादि . तसेच कृत्रिम बुद्धिमत्तेचेही आम्ही संवर्धन करू इच्छितो.
५. नवीन तंत्रज्ञानांच्या दुरुपयोगाने उद्भवणाऱ्या धोक्यांची आम्हाला जाणीव आहे.परंतु असे धोके ओळखून त्यांचा बंदोबस्त करणे हे सर्व संशोधन-विकास बंद करण्यापेक्षा श्रेयस्कर आहे असे आम्ही मानतो.मानवाचे अतिविशिष्ट आणि अफाट भवितव्य घाबरटपणामुळे नष्ट होऊ नये असे आम्ही मानतो.
६. या संकल्पना समाजात उतरल्या पाहिजेत आणि चर्चिल्या गेल्या पाहिजेत.अशा प्रकारच्या तंत्रज्ञानाला पैशाचा पुरवठा झाला पाहिजे. आणि कोणत्याही जबरदस्तीशिवाय अशी तंत्रज्ञाने आणण्यास राजकीय नेतृत्वाने पाठिबा दिला पाहिजे असे आम्ही मानतो.
---