"विजय असो , विजय असो !"
भुरुभुरु बर्फ पडत असताना
परग्रहावरून आलेल्या विजीगिषु जमातीसारखे
भारीतले पायघोळ काळे लोकर-कोट घालून
भारतीय संगणक अभियंते झपझप सर्वत्र फिरतात .
फ़ाइव्ह स्टार ऑफिस बिल्डींग च्या दारात
"ही बिल्डिंग विकत घ्यायला मी आलोय" असा
त्यांचा आवेश, त्यांचा आवेग असतो . भारतातूनच ते
उत्तम अमेरिकन उच्चार शिकून आलेले असतात . गोऱ्या
रिसेप्शनिस्ट बायकांना ते कॉफी आणायला सांगतात
(त्या चिडतात !) . आपल्या गोऱ्या सहकाऱ्यांना ते भारतीय
जेवायला नेतात, शुद्ध शाकाहारी ऑर्डर देतात व
भारतीय पाककलेवर बौद्धिक घेतात , अर्थव्यवस्थेवरही.
"असेच चालू राहिले " तर
भारत काही वर्षात अमेरिकेला "टारेल"
असे त्यांचे विवेचन असते .
अभिनिवेश पाहून मी खुश होतो व
स्वप्ने रंगवीत व्हिस्की पितो !
विजीगिषु , युयुत्सु , चंद्रगामी हिंदू संस्कृती !
विजय असो , विजय असो !
---
प्रतिक्रिया
नाही हो आमच्या ऑफीसातले
नाही हो आमच्या ऑफीसातले सर्वच्या सर्व भारतिय किंचीत कळकट, बरेचसे दीन-गरीब आणि मनाने चांगले पण सेक्युरिटी कॉन्शस आहेत. कोणी बिल्डिंग विकत घेण्याच्या आवेशात दिसत नाही
कल्पना तशी चांगली आहे. पण
कल्पना तशी चांगली आहे. पण चंद्रमा तर बेचारा दुसर्याच्या प्रकाशाने चमकतो. सूर्यगामी लिहिले असते तर विकत घेण्याची कल्पना प्रत्यक्षात आणण्याचा प्रयत्न शक्य होता...
खतरा एनर्जी आहे तुमच्यात रेड बुल पिउन लिखाण करता काय ?
विविध विषय विविध धागे , सगले तितकेच रोचक. हां पहिला प्रतिसाद तुमच्या लिखाणाला पण शेवटचा नाही बरंका अजुन खुप लिहायच आहे बघू जशी सवड, इशय अन वेळ मिळेल तसं...
actions not reactions..!...!
इश्य
इशय अन वेळ मिळेल तसं...
चुकून 'इश्य' वाचलं. रेड बुलचा परिणाम!