राशींविषयक काही अनुभव

चंद्ररास धरायची की सूर्यरास?

डुआयडी वाले लोक कंच्या राशीचे असतात?

आपण रस्त्यावर लोखंडी, गंजलेल्या वस्तू गोळा करुन, भंगारात विकायला लागलो वगैरे अशी स्वप्ने पडत >> अर्र्र्र.
यावरून आठवलं बस तिकीटासाठी म्हणून मी सुट्टे पैसे नेहमी जवळ ठेवायचे. ब्याग डेस्कड्रॉवरमधून काढताना त्यांचा आवाज यायचा. मग "कुठून आणते एवढे सुट्टे पैसे?" असं कलिग्जनी विचारलं की मी उत्तर द्यायचे "शनिरवीवारी दशभुजा बाहेर बसलेली असते."

थोडी बैलांची स्तुती करा ना ताई.
गोड वाटतं.

ऋषिकेशराव नक्की तूळ असावेत. संतुलन!

सहजच मौजमज्जा आवडते लिटलरी क्याराक्टर-त्यांच्या राशी-मला पटतं का:
पॉटर-लिओ-नै वाटत
हरमायओनी-कन्या-नै वाटत
ड्रेको-जेमिनी-येप रैट
स्कारलेट ओ हारा-एरीज-अगदीअगदी
मेलनी-कन्या-अजून काय असणार

शुचिताई तुम्ही या विषयावर छान लिहीता. "राशीचक्र"च्या धर्तीवर वन वुमन टॉक शो करण्याचा विचार केलाय का कधी?

जालवावरावरून रास ठरवायचे मॉडेल बनवू शकता तुम्ही शुचिमामी. ;)

अनेक वर्षांपूर्वी, स्वतःवर टीका करताना (मी कोणालाच सोडत नाही), मी असे लिहिले होते,

कर्कत्वाची चाल फेंगडी
जड वाणीचे सोंग बेगडी
कवि व्हायचे होते शिल्लक
शब्दधनाविण तो ही कफल्लक!

राशीचक्र हा कार्यक्रम आबालवृद्धांना आवडतो. शरद उपाध्येंनी असा विचार केला असावा कि ज्योतिषाचे वर्ग घेण्याऐवजी जर एकपात्रि कार्यक्रम केला तर तो सर्व दृष्टीने फायद्याचा आहे. त्यांची शैली पण लोकांना आवडणारी आहे. शिवाय हा कार्यक्रम करमणूकीचा असल्याने अंनिस सारख्या ज्योतिषद्वेष्टे लोकांनी दिलेली आव्हाने स्वीकारण्याचा प्रश्नच उदभवत नाही.मी मात्र राशीचक्र कार्यक्रम एन्जॉय करतो.

माझं बेसिकच कच्चं आहे . चंद्र रास म्हणजे कोणती आणि सूर्य रास कोणती ? एक रास आई सांगते (जी पत्रिकेत लिहिलेली आहे) आणि एक तारखेवरून असते (इंग्रजी पेपर मध्ये वगैरे ) ह्यांपैकी चंद्र कोणती आणि सुर्य कोणती? कि दोन्ही नाही ?

मी थोडी उचकापाचकी इथे करू शकतो का?
(
बाकी शुचिमामी म्हणजेच इदंनमम अथवा तो/ती मी नव्हेच?)

सूर्य रास व्यक्तिचा व्यवसाय सांगायला जास्त उपयुक्त आहे.सूर्य -रविचे कुंडलीतले स्थान राशिपेक्षाही प्रभावकारक असते

शुचे, खरी जाणकार असशील तर माझी चंद्ररास ओळख!!!!
आणि उगाच गेस नको, का ती रास ते ही सांग!
अचूक ओळखलीस तर बक्षिस देईन!!! प्रॉमिस!!
:)

१)पत्रिकाच बनवली नसेर तर,
२)सूर्याचा स्थान प्रभाव
याचा आणि माझा वाचनातून ज्योतिष फेकाफेक प्रयोग सांगतो---
एकजण (२८-३० वयाचा):तुम्हाला ज्योतिष येतं का?
मी :नाही,परंतू थोडंफार वाचून तसं घडतं का बघतो.
तो:मला एक प्रश्न विचारायचा होता.
मी: तुमचा जन्म साधारण किती वाजता झाला ?
तो :साधारण ११ साडे ११.

मी: तुम्ही सरकारच्या बाजूचे आहात.
तो: मला हेच विचारायचं होतं.मी वकिलीची परीक्षा पास झालोय कोणत्या केसिज घ्याव्या या विचारात होतो.

कर्क रास आणि मिथुन लग्न म्हणजे युनिक कॉम्बो
१. चांगले नशीब + अथक पर्यंत = सफलता.
२. उच्च पूर्व कर्म आणि त्याहूनही उच्च ह्या जन्मीचे कर्म.

अश्या जातकांचा संग म्हणजे आनंदी आनंद ! असे माझे निरीक्षण आहे.

कर्क राशीची माणसं प्राण्यांना आवडतात.सिंह राशींची नाही.प्राणी यांना घाबरतात.
बाकी चंद्र धनात( मिथुन लग्न,कर्क रास) असेल तर वाणी.( वाचा नव्हे दुकानदार)आणि फार कीस पाडतील निर्णय करताना.बाकी ते कर्माचं माहित नाही.

अन्य कोणी राशी स्वभावास पूरक अथवा मारक स्वभावाचे निरीक्षण केले असल्यास जरुर लिहावे.

बर्‍याच पूर्वी राशीमेलन हा वेगवेगळ्या चंद्रराशींच्या स्वभावावर एक लेख लिहिला होता.

ओरिएन्टल प्लॅनेट्/गायडींग प्लॅनेट = प्रत्येकाचा एक गायडींग प्लॅनेट्/ओरिएन्टल प्लॅनेट असतो. हा तो तारा असतो जो सूर्याच्या आधी क्षितीजावरती उदित होतो. याचा प्रभाव व्यक्तीच्या तत्वांवर, वागणुक, अपेक्षांवरती पडतो. तर हा तारा कसा शोधायचा? आपलं जे कुंडलीचे ग्रहचक्र असते, त्यात सूर्य पहायचा व क्लॉकवाइज, लगेच येणारा तारा पहायचा.
.
याबद्दल कोणाला अधिक माहीती असल्यास द्यावी. - http://khaldea.com/planets/oriental_intro.shtml

ज्योतिष वगैरेत रुची नाही मात्र
असं स्वभाववैशिष्ट्यांच वर्गीकरण करणं मोठ रोचक वाटत.
थोडा पोल खोलणारा पण धागा आहे की काय असही वाटलं.
छान धागा आवडला !

प्रसिद्ध व्यक्तींच्या कुंडली मधले योग अभ्यासणे हा एक मजेशीर प्रकार आहे. माझ्या वाचनात आलेली काही उदाहरणे देत आहे , वाचक भर घालतीलच ...

१. आपला लाडका सचिनच्या पत्रिकेत बुध नीचेचा आहे . म्हणून शिक्षणामध्ये अपयशी ठरला ( आणि आवाज गेला ! ). असेही आठवते की त्याच्या दशमात सूर्य उच्चीचा आहे. प्रसिद्धी आणि पैसा पायाशी लोळण घेतो आहे.

२.लग्नी गुरु जगत्गुरू अशी म्हण आहे. हा लग्नी गुरु पं.पु. डॉ. हेडगेवार यांच्या कुंडलीमध्ये होता (आहे )असे स्मरते. रा.स्व.संघाची स्थापना आणि यश आणि तो लग्नी गुरु हेच ते समीकरण असावे.

३.नमो यांच्या पत्रिकेत वृश्चिकेचा मंगळ पहिल्या घरात - असा माणूस नेतृत्व करणारच की ! दृष्टी सप्तमावर म्हणून वैवाहिक जीवन असफल.

वाचक भर घालतीलच ...

अधुनमधून राशीविषयक निरीक्षणं ठोकतो-दाणे घातलेले फोडणीचे कुरमुरे.

श्रीगुरुजींचा लेख वाचला परंतू तिकडे तो { नसता} काथ्याकूटमध्ये आहे.शिवाय जुने लेख वर काढले तर तंबी देतील.

मला कधीतरी या प्रकरणाचं रिव्हर्स इंजिनियरिंग करायचं आहे.

म्हणजे: "वृश्चिकेचा मंगळ पहिल्या घरात असला की माणसात नेतृत्वगुण असतात" हे हायपोथेसिस.

आता "वृश्चिकेचा मंगळ पहिल्या घरात" ही विशिष्ट ग्रहस्थिती ज्या स्पेशियो-टेम्पोरल बिंदूला असेल, त्या बिंदूवर जन्म झालेल्या पोरांच्यात खरंच नेतृत्वगुण आहे का हे तपासायचं. अगदी रीतसर "टेस्ट ऑफ सिग्निफिकन्स" वगैरे लावून.

@ आदूबाळ - आपल्या अभ्यासाचा निग्रह अभिनंदन पात्र आहे. जे लागले ते सहकार्य गृहीत धरावे. पूर्वी मी ज्योतिषावर अजिबात विश्वास ठेवत नव्हतो , विरोधाच होता म्हटले तरी चालेल. माणसाचे विचार , कृती आणि त्याचा संयुक्त परिणाम ह्याचा सतत निरीक्षणमधून केंव्हा ह्या 'अर्ध-विज्ञानाकडे ओढला गेलो समजलेच नाही. प्रसिद्ध व्यक्तींच्या बाबत होते काय की आपण त्याच्या यशाच्या गमकाला टेकू देणारे ग्रहयोग पत्रिकेत शोधतो. ते बरोबर नाही. पत्रिका पाहून ३ /४ योगांपैकी कोणता योग पूर्णत्वास जाईल/, यश -अपयश मिळेल हे 'भविष्य कथन' करणे आवश्यक आहे,ते ५० % वेळा चुकातेच !

तथापी 'योजक: तत्र दुर्लभ: ' ह्या उक्तीने ज्योतिषाचा जास्तीत जास्त उपयोग करून घेणे महत्वाचे ! ज्योतिष ही ही एक सॉलिड धमाल आहे एवढे खरे.

@आदूबाळ ,लहानपणी चेहय्रावर जखमेचा व्रण येतोच.
बाण मारून वर्तुळ काढले की लोकांचा विश्वास उडतो..

लेखाचा विषय राशीच्या व्यक्तींचे स्वभाव असल्याने चर्चा रूळावर राहील आणि भरकटणार नाही.अधूनमधून इकडेच लिहिन( =तारे तोडेन.)

हां या धाग्याचेही टेक्स्ट सापडले -
.
या धाग्यात मी चंद्र राशी स्वभावाची, मी पाहीलेली २-४ उदाहरणे देते आहे. अशी राशींची निरीक्षण केलेली उदाहरणे, वाचकांकडून अपेक्षित आहेत. आपापली राशीही सांगा मैत्रिणींनो.
.
तर माझ्या मैत्रिणींमध्ये मिथुन राशीचे प्राबल्य आहे. मला मिथुन राशीचा अनुभव हा की ही रास अत्यंत बोलघेवडी व आनंदी वृत्तीची तर आहेच पण खोडकरही तितकीच आहे.
माझी एक तमिळ मैत्रिण होती रोहीता. माझ्या पहील्या प्रोजेक्टवरती मी तिच्याबरोबर काम केले. अन ३-४ वर्षाची आमची मैत्री आहे. आमच्या मरोळ नाक्यावरच्या ऑफिसमध्ये, दुसर्‍या ब्रँचमधून एक ध्यान आले होते. हिला प्रँक करण्याची लहर आली अन संगनमताने आम्ही (म्हणजे तिनी) त्याचा डबा खाल्ला. अन मग आम्ही त्याचा पडलेला चेहरा पाहून कितीतरी वेळ हसत होतो.
.
अगदी लहानपणी मिथुन राशीची दुसरी मैत्रिण होती रुपाली. एकदा मा गटागटा पाणी प्याल्यावर ही मला म्हणाते त्या पाण्यात काहीतरी वाटाण्याएवढा पदार्थ तिने पाहीला म्हणे. हे ऐकून मला लागलं मळमळायला. मग तिने कबूल केले की ही तर गंमत होती.
.
तिसरा मित्र अमेरीकेतला.त्याने मला बजावले होते की SSN(SOcial Security Number) अगदी कोणालाही द्यायचा नाही. मग बर्‍याच दिवसांनी कोणाचा तरी फोन आला की आम्ही अमुक अमुक गव्हर्न्मेन्ट कचेरीतून बोलत आहोत. तुमचा SSN द्या, आम्हाला काहीतरी कन्फर्म करायचे आहे. मी अर्थातच नकार दिला. मग याने पूर्ववत आवाजात सांगीतले की मी पास झाले परीक्षेत :)
_____________
आमच्या कुटुंबात जवळच्या व्यक्तींमध्ये कर्क रास अफाटच प्रमाणात सापडते त्यामुळे एक आहे - घरी नाट्यमय इमोशनल प्रसंग अन रडारडी अन मग "गले मिलो" वगैरे प्रसंगांचा तोटा कधीही जाणवत नाही. ;) कर्क रास जल राशी असल्याने impressionable अन अत्यंत भावनाप्रधान असते. अन पैसा , अन्न, कुटुंब ही या राशीची ३ दैवते आहेत. अति कल्पकता तर स्थायीभाव आहेच पण एकदा कोणाला आपलं म्हटलं की खेकडा जसा घट्ट पकडतो तसं त्या व्यक्तीला घट्ट आपलेसे करणे मग शेंडी तुटो वा पारंबी असा स्वभाव असतो.
.
तर कर्क राशीच्या अचाट कल्पकतेचे नकारात्मक उदाहरण - मुलगी तान्ही असताना मी ५ महीने घरी होते नंतर जॉब शोधताना अत्यंत असुरक्षित वाटत असे. आपण रस्त्यावर लोखंडी, गंजलेल्या वस्तू गोळा करुन, भंगारात विकायला लागलो वगैरे अशी स्वप्ने पडत अन ते केव्हा हातात आय आय टी ची डिग्री असताना अन नवरा मर्चंट नेव्हीत , परदेशी जहाजावर अगदी नीट पैसे कमावत असताना.
.
दुसरे वैशिष्ट्य मातृप्रेम किंवा अगदी दुसरे टोक म्हणजे आईविषयी अढी, क्वचित हे दोन्ही ट्रेटस एकाच वेळी नांदतानाही दिसतात. बालपणीचे स्मरणरंजन हा अजुन एक स्थायीभाव. या सर्व ट्रेटस चे मी घरात व्यवस्थित अवलोकन केले आहे.
.
फेसबुकवरच्या कविता लिहीणार्‍या (फक्त ढकलंबाजी करणार्‍या नव्हेत) अन कोमल स्वभावाच्या मैत्रिणी याच राशीच्या आहेत.
.
इन्ट्युइशन हा सुद्धा एक गुण कर्क राशीचा आहेच. नवर्‍याची सूर्य रास कर्क आहे तर माझी चंद्र रास अन दोघांच्याही आया कर्क-सूर्य राशीच्या. मला एक खूपदा वाटायचं की घरी कर्क राशीचं मूलच येणार, अन त्या वाटण्याला अर्थातच तर्काची जोड काहीही नव्हती. अन मुलगी आली ती चंद्ररास कर्क घेऊनच. इन फॅक्ट आमची दोघींची चंद्र रास, अन लग्न रास समान आहेच पण अगदी नक्षत्रही एकच आहे.
_____________
तिसरी रास "कन्या". पृथ्वी रास. पृथ्वी कशी असते? तर ती तिच्या पोटात सगळं सामावून घेते अन तिला हवे ते घेते अन त्याचे अक्षरक्षः सोने करते.
कन्या राशीचा अतोनात टापटिप अन काटेकोरपणा, खरच नम्र स्वभाव पण तोडलं की सर्जनच्या प्रिसिजनने तोडतील असे लोक :). सासूबाईंची कन्या रास आहे. आमच्या घरात अडगळीत टाकलेल्या सहसा टाकल्या जातच नाहीत कारण त्यांचा काहीना काही क्रिएटिव्ह उपयोग त्या करुन घेतातच. म्हणजे बेबी स्पिनॅच प्लास्टिकच्या हवाबंद कार्टन्स मध्ये येतो. माझा कल ते कार्टन्स वापरुन झाले की त्या कार्टन्सची ताबडतोब विल्हेवाट लावण्याकडे असतो, पण सासूबाई तेच कार्टन्स धुवून वाळवून अन्य भाजी हवाबंद ठेवण्याकरता वापरतात. ती कार्टन्स पूर्ण तुटायला आली की मग केरात जातात :). अन अशा लहान गोष्टी अनेक आहेत ज्या मला नीट बघता येतात, त्यातून शिकता येते.
____________
बाकी राशींचे अनुभव तरी कमी आहेत किंवा माझे निरीक्षण तरी कमी पडले. पण एक मेष राशीची मैत्रिण होती दीपिका ती म्हणे "If we can't stand for ourselves who will stand?" अर्थात मेष राशीचा "मी" स्वभाव तर दिसतोच दिसतो पण त्यांच्यातले क्षात्रतेज्/तडफदारपणाही या वाक्यातून दिसून येतो.
____
अन्य कोणी राशी स्वभावास पूरक अथवा मारक स्वभावाचे निरीक्षण केले असल्यास जरुर लिहावे.

मामी तुम्ही मिसळपाववरचा लेख ऐसीवर टाकला नि त्याला शंभरादिक प्रतिसाद मिळाले. आपला विश्वास नसणार्‍या बाबींवर देखिल लोकांना किती माहिती असते म्हणायची!

मामी तुम्ही मिसळपाववरचा लेख ऐसीवर टाकला नि त्याला शंभरादिक प्रतिसाद मिळाले. आपला विश्वास नसणार्‍या बाबींवर देखिल लोकांना किती माहिती असते म्हणायची!