आगामी कार्यक्रम / उत्स्फूर्त कट्टे - कोणकोण येतंय? - ५

आता चित्रपटाबद्दल जंतूचं मत समजेल का?

याचे अॅप दिसतय स्टोरमध्ये. LaTex वापरायचं कसं याचंही अॅप आहे.

येत्या शनिवारी सकाळी सात वाजता ऐसीच्या अधिकृत हाटेलात* कट्टा करणे योजले आहे. तरी एणेचे करावे.

*क्याफे पॅरेडाईज, कर्वे रस्ता, पुणे

तिरसिंगराव पुण्यात आले आहेत . त्यांना खाजगीत इन्व्हिटेशन पाठवले आहे . तसेच अभ्या पण पुण्यात आहे . तोही जमलं तर येणार आहे ( मनोबा त्याला घेऊन येण्याची जबाबदारी तुझी )
आबा/मनोबा ब्याटोबांना पटवता येतंय का बघा .

दहा वाजता असता तर बिड्या न ओढता बाहेर फुटपाथवरही भेटलो असतो.

तिरसिंगराव येत आहेत कट्ट्याला .

माझं नांव 'तिरशिंंगराव' आहे हो! तिरशिंगराव माणूसघाणे पण कट्ट्याला जरुर हजेरी लावणे.

आजचा कट्टा सुफळ संपूर्ण झाला . ऐसी मेम्बरांपैकी ष्टार अट्रॅक्शन विलायती आबा उर्फ आदूबाळ , नंबर दोन पर्मनंट ष्टारअट्रॅक्शन मनोबा , चालकमालक ब्युरो चे लोकल हेर चिंतातुर जंतू , ज्येष्ठ सदस्य तिरशिंगराव इत्यादी थोर्थोर मंडळी व त्याबरोबर रयत प्रतिनिधी म्हणून नील लोमस ,भाऊ ,अबापट वगैरे मंडळी होती .खास सरप्राईज पाहुणे म्हणून न्यूयॉर्कहुन या कट्ट्यासाठी रा रा धनुष राव आले होते .
काही नॉन ऐसी पाहुणे हि उपस्थित होते .
ऐसीमधील नंबर दोन सर्वशक्तिमान मनोबा यांना कट्टा वृत्तांत लिहिण्याची मी विनंती करतो .
( अभ्या आणि बॅट्या या दोघांनी नेहमीप्रमाणे घोडा लावला )
सर्व उपस्थितांना धन्यवाद व घोडा लावणाऱ्यांचा निषेध .
कुणाचे नांव राहून गेले असेल तर दिलगिरी .

फोटो aise rasik facebook पेजवर द्यावे.
कट्टावेळ फार लवकर असल्याने ( पंच पंच उष:काळे - अभ्या..) मला येता आले नाही. अमचा घोडा कूच करणार नाही हे अगोदरच कळवले होते.
कोणाची मुलाखत कोणी घेतली?

यावेळी फोटो नाहीत .

ऐतिहासिक पुरावे.

https://www.facebook.com/events/194683081241118/?ti=cl

संगीतप्रेमींच्या करिता अतिशय महत्वाचा कार्यक्रम होता . आधीच्या पिढीतील लोकांना डॉ अशोक रानडे हे संगीतातील जाणकार गृहस्थ टीव्ही वर पाहून माहित असतील . डॉ रानडेंनी संगीतविषयक अनेक विदवत्तापूर्ण संदर्भ ग्रंथ लिहिण्याचे फार मोलाचे काम करून ठेवले आहे. त्यांचा मृत्यू २०११ मध्ये झाला तेव्हाही ते "पाश्चात्य संगीतसंज्ञा कोष "लिहिण्यात व्यग्र होते . त्यावेळी कोशाचे जवळ जवळ ९० टक्के काम पूर्ण झाले होते.
उर्वरित कोष पूर्ण करणे आणि संपादन प्रक्रिया करून कोषाला मूर्त स्वरूप देणे हि अतिशय अवघड आणि महत्वाची जबाबदारी तरुण विद्वान गृहस्थ डॉ. चैतन्य कुंटे यांनी पार पाडली आहे .
या कोशाचे प्रकाशन काही काळापूर्वी मुंबईत पार पडले ( पॉप्युलर प्रकाशन )
हा कोष पुण्यात प्रसारित करण्याकरिता कालचा कार्यक्रम असावा .
शंभर एक संगीतप्रेमी यास उपस्थित होते ( वयाची रेंज १५ तो ८० असावी )
कोशातील काही निवडक संज्ञा घेऊन ( उदा : मेलडी , हार्मनी ) त्याचे 'निरूपण ' डॉ कुंटे करीत व त्यावर आधारित काही मोठ्या कलाकारांचे विडिओ /ऑडिओ अशी एकंदरीत मेजवानी होती .
सादरीकरणात डॉ. अशोक रानडेंच्या इतकी सफाई नव्हती ( हे अपेक्षितच ) पण भविष्यात ती नक्की येऊ शकेल इतके आशादायी सादरीकरण डॉ. कुंटेंनी केले .
या विषयी इतके सखोल आणि एकत्रित काम भारतीय भाषांमध्ये नाही . प्रथमच आणि तोही मराठीत .
डॉ रानडे यांचे हे उपकार आहेत . ( असे मी मानतो ) हि अवघड जबाबदारी पार पाडणारे डॉ . कुंटे हेही अभिनंदनास पात्र आहेत .
बऱ्याच दिवसांनी एका चांगल्या कार्यक्रमाला गेल्याचे समाधान वाटले . दोन वर्षांपूर्वी असेच समाधान डॉ. कुंटेंनीचं ऑर्गनाईझ केलेल्या डॉ. वॉरन सेंडर्स या ( बोस्टन निवासी , पण पुण्यात शास्त्रीय संगीत शिकण्याकरिता बराच काळ व्यतीत केलेल्या ) या विद्वान गृहस्थांच्या "जॅझ " वरील प्रेझेंटेशन मुळे मिळाले होते .

प्रशंसा.

एवढा युरोपियन चित्रपट महोत्सव चालू आहे NFAI मधे पुण्याला, पण कोणी उल्लेखही केला नाही. ६ जुलै ते १२ जुलै! आता संपत आला.

मी ऑगस्ट सप्टेंबर भारतात (शक्यतो पुणे-तळेगाव)असेन. आल्यावरही एका नाटकाच्या प्रोजेक्ट मध्ये बिझी असण्याची शक्यता आहे. तरीही त्यादरम्यान एखादा "ऐसी कट्टा" असेल तर भेटायला आवडेलच आणि गाणंबजावणं असेल तर लगेचच !!!

कधी येताय ? तारखा कळवा . करूच या कट्टा . पुण्यात नाहीतर तळे गावात

उद्या रॉकप्रेमींसाठी दोन चांगले कार्यक्रम :
१. ' द स्ट्रेन्जर्स रियूनाइट '
स्ट्रेन्जर्स हा ऐशीचा दशकातील पुण्यातील सर्वात लोकप्रिय रॉक बॅण्ड .काळाच्या ओघात बँड मेम्बर्स आपापल्या पोटापाण्याला लागल्याने नंतर विखुरलेला .
मूळ कलाकार संच होता :
अनिल पुरोहित : बेस गिटार ( सध्या हे आर्किटेक्ट असावेत . )
मिलिंद मुळीक : लीड गिटार आणि व्होकलस ( सध्या हे प्रथितयश चित्रकार म्हणून लोकप्रिय आहेत )
विजय जोशी : व्होकलस , विजयनी आता पुन्हा गायला सुरुवात केलीय , गेली काही वर्षे
निको फ्रान्सिस : ड्रम्स
आणि अधून मधून ऍडिशन म्हणून नितीन अनगळ कीबोर्डस वाजवत ( सध्या हे चतुर्श्रुंगी समोरच्या इंद्रप्रस्थ कार्यालयाचे चालक मालक असावेत )

उद्याच्या कार्यक्रमात मिलिंद मुळीक नाहीयेत .

ऐशीच्या दशकात या बँडने डीप पर्पल चे हार्ड रॉक नंबर्स जोरात परफॉर्म करून पुण्यात धमाल उडवून दिली होती. यांचे बरेच शोज होत. आणि फॅन बेस अतिशय मोठा होता . आता हे सगळे वयाने पन्नाशी ओलांडलेले असतील . आता विजय जोशी हायवे स्टार म्हणू शकतील का हे बघणे रोचक ठरेल . धमाल ग्रुप .
नॉस्टॅलजिया सदरात इथे गर्दी व्हावी.
कार्यक्रम उद्या संध्याकाळी साडेसात वाजता बाणेर ला Effingut मध्ये .

दुसरा चांगला कार्यक्रम उद्याच :
विनीत अलुरकरचा " डीलन डायरीज "
कलाकार आहेत :
विनीत अलुरकर : ऱ्हिदम गिटार आणि व्होकलस
भूपाल लिमये : मॅनडोलिन ( छान वाजवतात )
ख्रिस्तोफर फोन्सेका : लीड गिटार ( ख्रिस गिटार वर धमाल करतो )
वगैरे
जागा : शिशा कॅफे , कोरेगाव पार्क रात्री साडे आठ वाजता .
विनीत अलुरकर म्हणजे अलुरकर म्युझिक हाऊस च्या अलुरकरांचे चिरंजीव . वर्षातील काही महिने ऑस्ट्रिया मध्ये वाजवतात . उर्वरित महिने पुण्यात वाजवतात .
मध्ये एकदा भर मंडईत स्टेज लावून विनीत ने " भाजी घ्या भाजी " वगैरे रॉक गाऊन धमाल उडवून दिली होती .
तरुण ग्रुप. चांगला परफॉर्म करतो .

दोन्ही गृप घट्ट पुणे आहेत . चांगले आहेत . जरूर जाणे .

गुगलचे नवलेखा >>https://www.medianama.com/2018/08/223-google-navlekha-google-pay-loans/

मराठी विकिपीडिया समुदायाच्या वतीने दि. १ ऑक्टोबर ते ३१ ऑक्टोबर २०१८ या कालावधीत महिला स्वास्थ्य या विषयावर संपादन अभियान राबविले जात आहे. हे अभियान एका राष्ट्रीय अभियानाचा भाग आहे. सदर अभियानात भारतातील अनेक भाषा समुदाय त्या-त्या विकिपीडियामध्ये एकाच वेळी सहभागी होत आहेत. यानिमित्ताने विविध भारतीय भाषा आणि मराठी विकीवर महिला संपादकांची संख्या वाढावी असाही हेतू आहे. या अभियानाच्या कालावधीत महिला स्वास्थ्यविषयक लेखांची भर घालणे, लेख सुधारणे, योग्य ते वर्ग/उपवर्ग तयार करणे, चित्रांचा समावेश करणे, विकीडेटा कलमे इ. कामे करण्याचे योजले आहे. लेख लिहिण्यासाठी आवश्यक अशा संदर्भ संसाधनांची तपशीलात यादीसुद्धा केली जाईल, जेणेकरून विश्वसनीय, उचित व योग्य संदर्भ संपादकांना सहज उपलब्ध होऊ शकतील.

या उपक्रमांतर्गत मराठी विकीपीडियातर्फे महिला स्वास्थ्य अभियान संपादन कार्यशाळा मंगळवार दिनांक ९आॅक्टोबर रोजी ज्ञान प्रबोधिनी पुणे येथे संत्रिका विभागाच्या कक्षात दुपारी १२ ते ४ या वेळात आयोजित केलेली आहे. कार्यशाळा निःशुल्क आहे. सोबत येताना आपला लॅपटाॅप आणि इंटरनेटचे संसाधन आणावे. इंटरनेटची सुविधा उपलब्ध करून देण्यासाठी आम्ही प्रयत्नशील आहोत तथापि आपण आपली संसाधने सोबत आणल्यास उपयुक्त ठरेल. नावनोंदणी आर्या जोशी 9422059795 यांच्याकडे करावी.

माहितीबद्दल धन्यवाद. जमलं तर नक्की सहभाग.

पुढे जाऊन संपूर्ण विकिपीडियासाठी पण अशी टप्प्याटप्याने राष्ट्रीय अभियानाच्या माध्यमातून कृती आवश्यक आहे.

असंच अभियान ‛मराठी विश्वकोश’ अद्ययावत करण्यासंदर्भात आवर्जून असावं, असं आवर्जून वाटतं.

महिला स्वास्थ्याबाबत कोणते प्रश्न विचारले जातात ते इथे एकेक धागास्वरुपात काढावे. त्यातले प्रतिसाद संदर्भ म्हणून घेऊन विकिमध्ये लेख लिहिता येतात.

कट्यासंबंधी काही लेखन दिवाळी अंकाच्या एका लेखात चुकून सांडलं/लवंडलं ते इथे कॅापी पेस्ट करतोय.

//

- आचरटबाबा on मंगळवार, 13/11/2018 - 08:37.
अबापट, एका कट्ट्याला चौदाव्याला बोलवूया.
--------
--अबापट on मंगळवार, 13/11/2018 - 09:55.
नक्की बोलवूया की. येईल का तो ?

-------
जरुर!
- १४टॅन on मंगळवार, 13/11/2018 - 18:27.
जरुर!
- श्री टॅनोबा चौदावे
सगळे समाजवादी अपराधी नसतील, पण प्रत्येक अपराध्याच्या मनात थोडासा समाजवाद असतोच.
---------
--पुंबा on बुधवार, 14/11/2018 - 14:46.
कधी असणारे कट्टा?
----
ठरवा
-- नंदन on बुधवार, 14/11/2018 - 16:03.
लवकर - शक्य झाल्यास, मीही हजेरी लावेन.
---
--आचरटबाबा on मंगळवार, 13/11/2018 - 17:50.
आता काय नाही म्हणणार नाही. बुलेट घेऊनच येईल.
///

रविवार 2 डिसेंबर चालण्याजोगी आहे का?

कुठे? पॅऱअडाईज? :ड्

मी ही याचि डोळा, नंदनसेठ आणि टॅनोबांना पहाण्यास उत्सुक आहे.

एखादा कट्टा मुंबई-ठाण्यातही होऊन जाऊद्या म्हणजे आम्हालाही दर्शनाचा लाभ मिळेल!