मला ऐसीअक्षरे का आवडते?

अठराव्या क्रमाकांचा मुद्दा फारच महत्वाचा आहे. पण उलट बाजूने.
त्याच कारणामुळे मला ही जालिय स्थळे आवडत नाहित.
मला ह्यांच्या संस्थळांवर लिहिल्याबद्दल पैसे द्यायचे सोडून माझ्याकडून फुक्टात लिहून घेतात म्हणजे काय?
.
शिवाय इथल्या कित्येक मंडळींची बडबड मी ऐकून घेतो (पक्षी वाचून त्याला श्रेणी देत बसतो.) ह्याबद्दल खरंतर मानधन मिळायला हवं.
( संदर्भ :- खोगीरभरती "असे आहेत किती टकले? गिरगावात दोन तीन अन् दादरला चार")
इतके करुन मर्‍हाटी भाषेच्या सेवेसाठी आणि पब्लिकवर उपकार करण्यासाठी मी माझा अमूल्य का बहूमूल्य वेळ येथे येउन घालवणे सोडित नाही.
.

धन्यवाद.

ऐसीवर फार जास्त लोक नास्तीक, विज्ञानवादी, विवेकवादी, फेमिनिस्ट, रॅडिकल, इ इ आहेत. म्हणून मला विरोध करायला खूप मटेरियल मिळते.

हे तर भारीच.

लेखांच्या रेटिंगविषयी अजून थोडं. तारका देण्याची सोय देण्यामागचं उद्दिष्ट डबलबॅरल आहे. एक म्हणजे लेखकांना फीडबॅक मिळतो. दुसरं म्हणजे एखाद्या महिन्यातलं सर्वोत्तम लिखाण शोधण्याची सोय वाचकांना आर्काइव्हवर क्लिक करून सहज उपलब्ध होते. हे मूल्यांकन आदर्श नसलं तरी प्राथमिक फिल्टर म्हणून वापरता येतं.

प्रतिसाद द्यायला जाताना (छान, इ असा) मूळचे नविन प्रतिसाद (छान पोस्ट केल्यावर) नविन म्हणून दिसत नाहीत आणि त्यांचा ट्रॅक सुटतो. श्रेणी देऊन मानसिक समाधान मिळते, वाचनात खंड पडत नाही.

श्रेणीसुविधा देण्यामागे तंतोतंत हाच हेतू होता. खोडसाळ प्रतिसादांवर ते का खोडसाळ आहेत याची चर्चा होऊन भांडाभांड्याही कमी होतात. म्हणजे चांगल्या प्रतिसादकांना पॉझिटिव्ह फीडबॅक आणि वाईट प्रतिसादांना निगेटिव्ह फीडबॅक देण्यासाठीची ही सुविधा आहे. ती सर्वसाधारणपणे आपलं काम करते आहे हे दिसतं आहे.

आणि सर्वात महत्त्वाचं म्हणजे श्रेणी देण्याचे आणि मूल्यांकन करण्याचे अधिकार फक्त मॉडरेटर्सकडे नसून संस्थळावर सकारात्मकरीत्या सक्रिय असणाऱ्या मोठ्या समुहाला आहेत.

ऐसीचे काही जबरदस्त प्लस पॉइंट्स

तांत्रिकः

क्रोममध्येही कधी गंडत नाही. आजवर दोनचारदा सोडल्यास क्रोममध्येही कधी गंडत नाही. लवकर लोड होते, सर्च सुविधा प्रभावी आहे. बंद पडलेले कधी पाहिले नाही.एकूण व्यवस्थापन अगदी उच्च दर्जाचे आहे.

काही मिसलेनिअस गोष्टी:

दिनविशेष अन सध्याचे चित्र इ.इ. प्रकार फार मस्त आहे. उदा. आजचेच दिनविशेष पहा, सौभद्रापासून विलियम टेलच्या सफरचन्दभेदनापर्यंत सर्व काळचे अन सर्व प्रकारचे इव्हेंट्स कव्हर होतात. त्यामागची मेहनत विशेष जाणवण्यासारखी आहे. चित्र, फटू, इ. सुद्धा फार रोचक प्रकार आहे. त्यात मला फार गती/रुची नसली तरी कधी कधी फार रोचक फटू दिसतात. मुख्य पान दिसायला खूप देखणे आहे.

मुख्य मजकुराची क्वालिटी:

अधिक काय बोलावे? बस नामही काफी है. अनिवाशांचा भरणा जास्त असल्याने देशी समूहापेक्षा काहीएक प्रकारचे वैविध्य जास्त जाणवते. लोकल सोबत ग्लोबल गोष्टींचा कव्हरेज त्यामुळे उत्तम घेतला जातो. विषयवैविध्य खूपच उत्तम आहे, मजा येते. 'सध्या काय केलंत' छाप धागे विशेष रोचक आहेत. छान वेळ जातो ते वाचण्यातही, विशेषतः वाचन अन खादाडी आणि मूजिकचे धागे वाचायला.

प्रतिसाद अन वाद विवादः

लै सदस्यांची 'प्रतिसादीय व्यक्तिमत्त्व' म्हणता येईल इतपत ओळख तयार झालेली आहे. कुणाकडून कशा प्रकारचे प्रतिसाद येतील हे आता सरावाने माहिती झालेले आहे. तरीही अर्ग्युमेंटे फेकण्यात इथले सदस्य लै वाकबगार आहेत. इथे कुणावरही हेत्वारोप करण्याचा हेतू नाही. त्या खणाखणीत बहुतेक वेळा मजा येते. कधी कधी येत नाही, पण बहुतेक वेळेस येते. नवनवीन माहिती तर मिळतच राहते. मिपाच्या तुलनेत इथले वाद जास्त रोचक वाटतात हे बाकी नमूद केलेच पाहिजे.

जण्रल वातावरण, संपादक, इ.:

चर्चेत शक्यतोवर कमरेखाली वार जात नाही हा एक मोठा प्लस पॉइंट आहे. अनकन्व्हेन्शनल सामाजिक मान्यतांसाठीचा संपादकीय टॉलरन्स उत्तम आहे. ट्रोलिंग कमी ठेवण्यात आजवर यश आलेले आहे ते असेच पुढेही मिळत राहो ही सदिच्छा. श्रेणी हा प्रकार त्यासाठी उत्तम आहे. हे इनोव्हेशन विशेष आवडले.

सदस्यः

वेगवेगळ्या क्षेत्रांतले सदस्य आहेत. ऐसीचे एक चांगले वैशिष्ट्य म्हणजे 'स्कॉल' लोकांचा भरणा अन दबदबा मोठा आहे, सबब जण्रल डिस्कशनसुद्धा खूप सेरेब्रल होते. कोट्यानुकोटी संदर्भांचा अमूर्त वापर करून मेम्स/मीम्स तयार कराव्यात तर ऐसीकरांनीच, असे म्हणण्यास अवश्यमेव जागा आहे. व्यनिद्वारे चर्चाही खूप मस्त होते. सदस्य एकेक लै जब्रा असल्याने त्यांच्याशी चर्चा करणे खूप सुखाचे असते.

अशाप्रकारे ऐसी मला खूप आवडते.

(दहापैकी दहा मार्क द्या आता.)

बाकी, हा धागा मौजमजेत का टाकलाय कोण जाणे.

मार्मिक धागा.
ऐसीवर फार जास्त लोक नास्तीक, विज्ञानवादी, विवेकवादी, फेमिनिस्ट, रॅडिकल, इ इ आहेत. >> +१
ऐसीचे एक चांगले वैशिष्ट्य म्हणजे 'स्कॉलर' लोकांचा भरणा अन दबदबा मोठा आहे, सबब जण्रल डिस्कशनसुद्धा खूप सेरेब्रल होते. >> +१.
मराठी आंजा वर मी गेल्या १ २ वर्षातच आलेय. त्याआधी मित्रमैत्रीणीत गप्पा मारताना फारच एलियन, आयसोलेटेड वाटायच. प्रत्यक्ष ओळखीतले लोक टिपीकल, घरेलु, साने गुर्जी, दवणीय वगैरे प्रकारातले आहेत (किँवा तसे दाखवतात). त्यामुळे माझे विचार ऐकुन ते फार स्कँडलाइज व्हायचे. इथे ऐसीवर माझ्या विचारांच्याही फार फार पुढे जाउन विचार केलेले आणि ते विचार तगड्या अर्ग्युमेँट करुन टिकवुन ठेवणारे लोक भेटले. त्यामुळे मला ऐसी फार्फार आवडते.

ऐसीवर फार जास्त लोक नास्तीक, विज्ञानवादी, विवेकवादी, फेमिनिस्ट, रॅडिकल, इ इ आहेत. म्हणून मला विरोध करायला खूप मटेरियल मिळते. माझेही विचार त्याने बरेच लिबरल होऊ शकतात. चांगल्या सर्कलच्या टचमधे राहायचे असेल तर फार कमी पुण्याईवर स्वर्गप्रवेशाची सोय आहे.

लिबरल लोकांना दाखवलेल्या गाजराची दखल घेणेत आली आहे.

ऐसी अमेरिकन कंपनी आहे.

'फक्त भूमिकेला विरोध' (घासकडवींनी आणि अदितीने याचे पेटंट घ्यावे)

म्हणजे आम्ही भुमिकेला घेतलं तर हे पैसे लावणार का आता? च्यायला!!

याला एक दोन आयडी आणि इतर प्रत्येक आयडीची एखादी प्रतिक्रिया अपवाद असू शकते

आम्ही इथं असे खुल्या मैदानात असताना झाडामागूस असा छुपा बाण मारणं शोभतं का तुम्हाला?

परंतु असे आहे म्हणून आधुनिक कंपूकडून माझ्यावर निष्कारण झोड उठवल्या जाण्याचा एकही प्रकार झाला नाही.

आयला!! हे नजरेतुन सुटले व्हयं!!

विषयाला अवांतर फाटे फुटले कि नवा धागा बनवला जातो.

असं आहे होय! मला इतके दिवस वाटत होतं माझे प्रतिसाद अवांतर म्हणून डिलिट होऊन राह्यले का काय!!

ते खरोखरच एक आदर्श कॉर्पोरेट्चे शेअरहोल्डर आहेत.

म्हणजे आमच्या प्रतिसादांनी वाढलेल्या टीआरपींनी यांची खाती भरताहेत तर!

२३. श्रवण, लेखन, वाचन, भोजन...

हे सर्व फुकट आहे.

एक सेकंद वाटलं फुकटात भोजन वगैरे मिळतं काय इथे!! श्रवण फिवण मध्ये काय आपल्याला विंटरेष्ट नाय!!

आपलं पोर सगळ्यांनाच क्यूट वाटतं त्यामुळे अरूणजोशींना +१ म्हणण्यात मतलब नाही. मला या संस्थळाबद्दल एक गोष्ट आवडते की इथे लोक डोक्याला (चांगल्या अर्थाने) त्रास देतात; विचार करायला उद्युक्त असं वातावरण लोकांमुळे आहे. तांत्रिक बाबतीत मला काही अडलं असेल तर "मला येत नाही, कोणीतरी मदत करा" असं खुश्शाल जाहीररित्या लिहीता येतं. त्यावर मदत करायला जमलं नाही तरी लोकं गैरसोय खपवून घेतात.

तुमचा कंपू नाही हे वाचून दु:ख झालं. शिवाय हे अजोशी लोकं फार माजले आहेत; त्यांच्या विरोधात आपण अ. जोशी लोकांनी स्वतंत्र कंपूच सुरू केला पाहिजे.

मुद्दा क्र. ५ चा कार्यकारणभाव फार पटलेला नाही. मालक-व्यवस्थापक लोक कुठेही रहात असले आणि संस्थळ कुठेही रजिस्टर्ड असेल तरीही सगळ्यांचं अभिव्यक्तीस्वातंत्र्य जपलं जावं असाच प्रयत्न राहिल.

मला इथे काय काय सुधारणा सुचवता येतील (ज्याने एखाद्या हाय फाय साईटीला देखिल लाज वाटेल) असा अजून एक धागा काढायचा आहे.

याची मात्र जरूर वाट पहाते आहे.
अधूनमधून सेवादाता गंडतो आणि संस्थळ रांगायला लागतं ते फार तापदायक वाटतं. वर सेवादात्याला फोन करून आरडाओरडा करायला जावं तर "बग आहे हे माहित्ये, थोडी कळ काढा. काही तासांत सगळं व्यवस्थित चालेल", असं प्रेमाने सांगतात. मग फार काही करताही येत नाही.

असा धागा ऐसीवर यायला तब्बल दोन वर्ष लागली! छ्या! पॉप्युलॅरिटी कमीये म्हणायची ;)
आता सुधारणांचा धागा आल्यावर काय लिहायचं ते प्रतिसाद अनेकांनी केव्हाच लिहून ठेवल्याचं कानावर आल्याचं अदितीला चिंजं सांगत असल्याचं बॅट्याच्या कानावर पडलं असं मुक्तसुनीत मला सांगितल्याची बातमी राजेशने फोडली आहे ती अफवा आहे असे वाटते. ;)

ऑन अ सिरीयस नोटः विविध गोष्टींची सगळे दखल घेताहेत, त्या गोष्टी (इतरांनाही) आवडताहेत हे बघुन (खरंतर उगाच) बरे वाटले. :)

'फक्त भूमिकेला विरोध' (घासकडवींनी आणि अदितीने याचे पेटंट घ्यावे)
विक्षिप्त बैंबद्दल मला नाही तसं वाटत. बॅटमन काय विक्षिप्त बै काय ह्यांची सध्या जोरदार वादावादी सुरु असते. असायला हरकत नाही; पण खूपदा त्या दोघांच्याही प्रतिसाद "इतरत्र लिबरल भूमिका घेणार्‍यांनी...." किंवा "इतरत्र सहिष्णू धर्माचे कवतिक करणार्‍यांनी...." अशा "टोन" मधले दिसायला लागलेत.
ह्यामुळे चर्चा तेवढ्या धाग्यापुरतीच न राहता भलतीकडेच जाउ पाहते. एकूणात मग स्कोर सेटलिंग होण्याचा धोका असतो. किंवा स्वतःचे म्हणणे मांडण्यावर भर राहता समोरच्याला चूक दाखवण्याची स्पर्धा दिसते. "त्या दिवशी तू तमुक प्रतिसाद दिल्तास" वगैरे छापाचे ते असतात.
अरे दिला तर दिला. इथे काय त्याचे?
आणि "धागे" ह्या गप्पा न राहता समोरच्याला बोचकारण्याचा प्रयत्न सुरु होतो; स्वतःच्याही नकळत.
समजा "भारतात शेजारच्या देशाने सुरु केलेल्या हिंस्र कारवाया" हा चर्चा विषय असेल ; आणि चर्चा टू द पॉइण्ट असेल तर बरे. त्यात एखाद्याला "...पण तू तर त्या अमक्या धाग्यावर देश अस्तित्वात असू नये असे म्हणालास, एरव्ही विश्वबंधुत्व वगैरेही म्हणतोस. आता इथे काय देशाचा पुळका आला." वगैरे प्रकराने फाल्तू ब्याशिंग, नॉनकन्स्ट्रक्टिव्ह डिस्ट्रक्शन होते.
थर्ड पर्सन म्हणून पाहताना ह्या गोष्टी फारच खटकतात.
अर्थात दोघेही इथले हेवीवेट सदस्य असल्याने माझं म्हणणं तत्काळ इथेच खोडून निघण्याची दाट शक्यता आहे.
थर्ड पर्सन म्हणून सांगितलेल्या गोष्टींचा त्यांनी विचार केला तर बरं राहिल असं वाटतं.
वादावादीच्या* क्षमतेत मी त्यांच्या जवळपासही पोचत नसल्याने मला हरवून फार साध्य होइलसे नाही.
.
मी दोघांच्या लिखाणाचा आणि प्रतिसादांचा पंखा आहे वगैरे वगैरे सत्य आहेच. पण ते वरती न लिहिण्याचं कारण हेच की त्यांच्या खटकणार्‍या गोष्टींबद्दल आख्खा प्रतिसाद लिहून दोघांचा रोष ओढवून घेण्यापेक्षा त्यातल्या त्यात त्यांना एक शर्करावगुंठित पॅसिफायर गोळी द्यायची(कौतुकयुक्त वाक्यांची पेरणी करुन) असा उद्देश त्यात दिसू शकतो. मग "मला त्यांचे प्रतिसाद वाचणं खरच आवडतं" ह्यातला प्रामाणिकपणा जाउन हितसंबंध सांभाळण्याचा प्रयत्न दिसतो. त्यामुळे मी ते इथे लिहिले नाही. (किंवा नाही नाही म्हणत लिहिलेच!)
.
मला उलट न वी बाजूंची ष्टाइल आवडते. ते हात धुवून प्रतिसाद फोडून काढतात. त्यांच्या शैलीत खवचट टोला हाणतात. किम्वा आख्ख्या लेखाची, प्रतिसादाची चिरफाड करतात(कट्त्यावरच्या भाषेत सांगायचे तर लेखाची MBA करतात.).(मी त्यांच्या हिट्लिस्टवर अगदि टॉपवर होतो परवापरवापर्यंत. ) पण ते फारच मार्मिक आणि भन्नाट असते. त्या लिखणापुरते, आणि त्या प्रतिसादाइतकेच असते. ते पुनः पुनः "तमक्या दिवशी अमक्याला तू हा प्रतिसाद दिलास" वगैरे म्हणत मागे पडत नाहित. त्यांच्याकडे समोरच्याला गारद करायला इतर पुरेशी शस्त्रं आहेत; त्यातून ही उदारता आली असावी.
.
*हो. "वाद विवादाच्या क्षमतेत" हे फारच छापील वाटतं. त्यापेक्षा "वादावादी" हाच्च शब्द बोलण्यास, भावना पोचवण्यास सोपासुटसुतित वाटतो. जसं की "वाटते" शब्दाऐवजी "वाटतं" हा शब्द अस्स्ल, जिवंत असल्याचं "वाटतं".

मला ऐसीअक्षरे का आवडते?
माझ्या हपिसातून साली ही एकच साइट ईक्सेस होते. दुर्दैव ह्या सायटीचे.
आवडते का काय ठाउक नै, झक्क मारुन हीच वापरावी लागते कंडशमनार्थ.

का आवडतं?
१. जुन्या (जालीय) ओळखीची, वाद अंगावर न घेता फक्त भूमिकेच्या शिंगावर घेऊन टोलवतील अशी, मित्र म्हणता येतील अशी, अनेक निरनिराळ्या गोष्टींतली बरीच अक्कल असणारी, बरीचशी मंडळी इथे असतात.
२. 'उपक्रमा'वरची चश्मिष्ट, कीसकाढू, 'नियमावर बोट' चर्चा आणि 'मिपा'वरचा ताळतंत्रविरहित धिंगाणा हे दोन्ही कधीकधी अतिरेकामुळे नको होतं. इथे त्या दोहोंच्या बरोबर मधलं वातावरण असतं. ते मानवतं.
३. श्रेणीव्यवस्था आवडते. वर अनेकांनी कारणं नमूद केली आहेतच.
४. दोष दाखवला, तर 'गेलात उडत' असं न म्हणता 'आयला, हो की! चला, आता सगळे मिळून निस्तरू या' असं म्हणतात. हे दिवाळी अंकाच्या वेळी प्रकर्षानं अनुभवलं.
५. चित्रकला, प्रमाणलेखन, भाषा आणि लिपी, राजकारण, अर्थकारण, समीक्षा.. अशा इतर ठिकाणी सापडत नाहीत अशा आणि मला वाचण्यात उत्सुकता असते अशा विषयांवर अधिकारवाणीनं भरपूर लिहिणारे लोक आहेत.
६. संपादक फक्त गमज्या करत न फिरता खरोखर धाग्यांची वर्गवारी करणं, भूमिका स्पष्ट करणं अशा उपयुक्त गोष्टी करताना दिसतात.
७. हापिसातून 'ऐसी' कायम उघडतं.

काय हवं?
१. तेवढं ते खरडवहीच्या नोटिफिकेशनचं पाहा ब्वॉ. फारच गैरसोय होते.
२. यंदाच्या दिवाळी अंकाचा दर्जा लईच भारी होता. पण जालावरच्या दिवाळी अंकांचं आयुष्यमान फार नसतं, असं दिसतं. एक मायबोलीचा सणसणीत अपवाद वगळता. (नि हे सातत्य माबोच्या इतरही बर्‍याच उपक्रमांमधे आहे. बाकी सोडा.) ते सातत्य राखता येणं खरं आव्हानात्मक आहे. तेवढं जमवा.

हा (म्हणजे अशा विषयावरचा)धागा इथे (म्हणजे ऐसी अक्षरे या संकेतस्थळावर) कसा काय निघाला बुवा? - असा प्रश्न पडला. ;)

असे धागे निघाले की संकेतस्थळ (तांत्रिक आणि गुणात्मकदृष्ट्या)अधोगतीला जाऊ लागते असा एक (निराशावादी) अनुभव आहे. :(
शुभ बोल रे नार्‍या.

एक पॅकेट ऐसीअक्षरे घ्या. ते उघडा. त्यात असलेले कार्ड भरा.. आणि शेवटी "मला ऐसीअक्षरे आवडते कारण".. याचे फक्त दहा शब्दात चटपटीत उत्तर लिहून पोस्ट बॉक्स क्रमांक १०१, .. या पत्त्यावर पाठवा.. सर्वोत्तम घोषवाक्य जिंकेल सिंगापूरची सहल*

^{.. एकाहून अधिक भाग्यवान विजेते असल्यास लकी ड्रॉने विजेता घोषित केला जाईल.. आयोजकांचा निर्णय बंधनकारक असेल. ऐसीअक्षरे व्यवस्थापन किंवा त्यांचे नातेवाईक यांना या स्पर्धेत भाग घेता येणार नाही.}

*^{Contains no bheja no dimaag. Conditions apply.}

अशी आकर्षक स्पर्धा आहे काय असे वाटून धागा उघडला.. :)

छान आहे.

१. मठ्ठ संपादकांचा अभाव
२. आल्बमछाप प्रवासवर्णने, स्वस्त विडंबने, भांड्यांचे प्रदर्शन करणार्‍या पाककृती वगैरेंचे क्वचितपण
३. भूतकाळकुरवाळूउपदेशपरआजोबाछाप लेखन नसणे

संस्थळ दिसायला, वापरायला छान आहे (लेखातील १७ ते २३ नंबरचे मुद्दे) आणि सहसा वाचताना काहितरी नवीन कळते म्हणून आवडते.

२४. ऐसीवर काही विशिष्ट काळ प्रतिसाद संपादित/एडिट करता येतात. त्यामुळे चुकलेल्या वाक्यरचना, इ पून्हा नीट करून प्रकाशित करता येतात.
२५. लेख देखिल असेच संपादित करता येतात.
२६. ऐसीचा एडिटर बॉक्स (लिहायची जागा) वापरायला सोपी आहे. त्यावरचा टूलबार सोपा, सुलभ आहे.
२७. मी काहीही लिहो, (जगात कुणाला कळो न कळो), घासकडवींना ते बरोबर कळते, अगदी गर्भितार्थासहित! भाषेच्या (दौर्बल्याच्या) धाग्यात त्यांच्यामुळेच आमचे लज्जारक्षण झाले. इथे पण माझा नविन प्रतिसाद व श्रेणी यांच्यावरचा मुद्दा (क्र. ४) पाहा, त्याचे व्याकरण चूक आहे, रचना चूक आहे आणि दरवेळी वाचला तर वेगळाच अर्थ निघतो. सगळ्यांनी तो व्यवस्थित दुर्लक्षिलेला देखिल आहे. पण घासकडवींनी अगदी मला अभिप्रेत असलेलाच अर्थ काढला, शिवाय त्यांच्या प्रतिसादात ते वाक्य कोट केले, ज्याची मला अपेक्षाच नव्हती. पुरोगामीत्वाचा शोध आणि स्वत्वाचा शोध बद्दलही तेच!
२८. हजर दाखवलेले सभासद खरोखरच हजर असतात.

खरडी आल्याचे कळण्याची सोय नसून सुद्धा जन्ता इथे खरडसंवाद कसा करते ते एक कोडे आहे. म्हणजे खरडवहीत सारखे डोकावून पाहणे हा एक कंटाळवाणा प्रकार आहे.

खरडीचे ईमेल नोटिफिकेशन हा एक मार्ग असावा.

शारिरिक सौष्ठवासाठी जसे 'जिम' आवश्यक तसे बौद्धिक सौष्ठवासाठी 'ऐसी' आवश्यक. त्यानंतर मात्र श्रमपरिहारासाठी, आम्ही जीवनावरच्या मोहित कथा वाचण्यासाठी इतरत्र जातो.

जुना प्रतिसाद उडाला, की मी प्रकाशित नीट केला नव्हता?
असो. काही जुन्या सदस्यांची आठवण होते इथल्या ह्या "तुझ्या गळा माझ्या गळा " स्टाइल धागे पाहिले की.
सर्किट, प्रियाली, आजानुकर्ण, कोलबेर्,यनावाला,गुंडोपंत हे आणि असेच अनेक जण पूर्वी उपक्रम , मिसळपाववर दिसत.
त्यांचे लेखन्-प्रतिसाद प्रचंड आवडे. अगदि ठणठणपाळ व गांधीवादी ह्या ट्रोलसदृश आयड्यांचेही काही लिखाण आवडे.
चंद्रशेखर पूर्वी लिहित त्यापेक्षा आता त्यांचीही धाग्यांची अन् प्रतिसादांची संख्या कमी झालेली दिसते.
हल्ली ह्यातली मंडळी एकदम गायबलित.सर्किट, आजानुकर्ण ह्याचे मागील एक वर्षात एक्-दोन प्रतिसाद ऐसीवर दिसले; बस्स.
त्याहून अधिक काही नाही.
ही मंडळी लिहित तेव्हा मी बव्हंशी वाचनमात्र असे; त्यामुळे वैयक्तिक परिचय असा कुणाशी फार झालाच नाही.
ह्या मंडळींना पुन्हा लिहितं करुन सध्याच्या हिट्ट आयड्यांशी त्यांची जुगलबंदी झाली, तर लै बहार येइल.
अर्थात, ह्याही जर्-तर च्या गोष्टी झाल्या.

मला एक क्म्प्लेण्ट करायच्ये.
इकडे कसा टॉलरंस आहे आणि लिबरलपणा आहे असं सगळे म्हणतात.
पण इकडे प्राण्यांब्द्दल टॉलरंस नाही.
आता वर बघा की गाढवीणी आणि म्हशींबद्दल कसं बोल्तायत ते.
आणि दिवाळी अंकात एकच कार्टून आहे तर तेपण बैलांबद्दल.
मला वाट्लं जोशांची साइट म्हणजे शाकाहारी असेल, पण...
बाकी ठीकय.

'ऐसी अक्षरे रसिके लोळविन' हे ब्रीद वाक्य असल्याने मला आवडते.

अजून एक कारण राहिले- ऐसीवर सदस्याच्या पगाराची चौकशी केली जात नाही.

या धाग्यावर ऐसी अक्षरेची स्तुती आलेली आहे ते पाहून बरं वाटतं. ऐसी का आवडतं हे सांगण्याच्या भरात 'इथे अमुकतमुक वाईट प्रकार चालत नाहीत' या प्रकारचीही कारणं आलेली आहेत. काही प्रमाणात ते होणं साहजिकच आहे. पण तसं करताना आपण इतर संस्थळांवर अकारण आगपाखड करत तर नाही ना याची काळजी प्रत्येकाने घ्यावी ही विनंती. ही रेषा कशी आखून घ्यायची हे प्रत्येकानेच आपापल्यासाठी ठरवायचं आहे. पण विशिष्ट संस्थळ, विशिष्ट सदस्य यांवर उघडउघड टीका शक्यतो येऊ देऊ नये. कारण त्यातून ऐसीची आवड कितपत आणि इतरांचा राग किती हा प्रश्न पडतो.

जर इतर संस्थळांबद्दल किंवा सदस्यांबद्दल तक्रारी असतील तर त्या नकारात्मक गोष्टींनी भरण्याची ही जागा नव्हे. थोडक्यात, जिथली धुणी तिथे तिथे धुवावीत.

अगदी सुरुवातीला "ऐसी कसे वाटते?" असा प्रश्न चालकांनी विचारला तेव्हा अजून खास वेगळेपण जाणवलेले नाही असे उत्तर दिले होते.

आता बर्‍यापैकी वेगळेपण जाणवते.
श्रेणी देण्याची सिस्टिम बर्‍यापैकी रुळलेली आहे आणि सदस्य श्रेणीदानाचा बराच वापर करतात असे दिसते. [खात्यात 'मिळालेल्या श्रेणी' या टॅबवर जे दिसते त्याचा अर्थ अजून उमगलेला नाही].

ट्रोलिंग चांगल्या प्रकारे नियंत्रित झालेले आहे.

स्कोअर सेटलिंग खूपच कमी आहे.

२९. ऐसीवर १० ते २००० पैकी कितीही प्रतिसाद एकाच पानावर पाहता येता. त्यामुळे नवे प्रतिसाद सर्वत्र विखुरलेले असले तरी सर्वत्र नवे म्हणून दिसतात. नेट स्लो असेल तर कमी आकडा निवडावा.
३०. घाईत फक्त सर्वोत्तम प्रतिसाद वाचून काढता येतात (अर्थातच सर्वोत्तम म्हणजे इतर वाचकांच्या मते)
३१. प्रतिसाद पहायची सेटींग सेव करता येते.

छान लिहीलय अरुण जोशी सर.