अंदाज करा - किती पैसे जमा होतील?

भेअर इज दा ग्राफ ?

आलेख अजूनहि दिसत नाही. म्हणून view source करून पाहिले तर 'येथे जायला तुम्हाला परवानगी नाही' असा उद्धट जबाब आला!

"रैन का सपना मैं कासे कहूँ री अपना" - राग ललत.

आलेखाची लिन्क उघडत नाही आहे .

मला आता आलेख दिसत आहे. ऐसीची कॅशे रिकामी करून पाहते. आपापल्या ब्राऊजरांवर कंट्रोल+आर -> रिफ्रेश करून बघाल का? अन्यथा ही लिंक पाहा.

मला आता क्रोममध्ये आलेख दिसत आहे. आणखी तक्रार असल्यास लिहा; त्यावर इलाज सापडेलच असं नाही. पण कोणत्या ब्राऊजरमध्ये सर्वसमावेशकता आहे याचा उलगडा होईल एवढंच.

> खालच्या आलेखात दिसणारा कर्व्ह हा बऱ्यापैकी स्मूथ आणि काहीसा अपेक्षित आहे.

ही स्मूथता भासमान आहे. समजा भुदर्गडमधल्या कुठल्यातरी बॅंकेत ढीगभर नोटा जमा झाल्या. तर तिथे कॅशियर म्हणून काम करणाऱ्या, थकल्याभागलेल्या, आयुष्याला कंटाळलेल्या आणि अमेरिकेतला नवरा उगीच नाकारला म्हणून स्वत:च्या कर्माला दोष देणाऱ्या पाटीलमॅडम त्या सगळ्या नोटा मोजून तितक्याच कंटाळलेल्या मॅनेजरची लेजरवर सही घेऊन तो डेटा दिल्लीला पाठवणार. यात सोमवारचा हिशेब बुधवारी केला आणि शुक्रवारचा सोमवारी केला असं होणारच. त्यानंतर दिल्लीत आरबीआयमध्ये कामाला असलेल्या चष्मिष्ट वर्मामॅडम असला सतराशेसाठ ठिकाणाहून आलेला गोळाबेरीज डेटा आपल्या मॅनेजरकडे जेव्हा पाठवणार तेव्हा त्यात आणखी चारसहा दिवसांचा घोळ होणारच. अशा प्रकारे तयार झालेल्या महाकिचकट स्प्रेडशीटवरून आरबीआयचा स्टॅटिस्टिशियन काहीतरी कर्व्ह फिट करून आपल्या बॉसकडे पाठवून देऊन रात्री एक वाजता झोपायला जाणार. या सगळ्यातून नर्मदेतल्या गोट्यासारखा स्मू्थ कर्व्ह आला तर काय नवल? यामध्ये किती आणि कुठे एरर असेल याचा हिशेब कोण ठेवणार? आणि अशा कर्व्हवर विसंबून राहून इंटरपोलेशन करण्यात काय अर्थ आहे?

शेवटचा आकडा १५.४४ लाख कोटी रुपयांपेक्षा जास्त येईल असा माझा व्यक्तिगत अंदाज आहे.

असाच अंदाज आरबीआय/सरकारचाही झालेला असावा, कारण शेवटचे दहा दिवस उरलेले असताना अचानक डिपॉझिट लिमिट खाली आणली गेली आहे.

इतक्या १५-१६ लाख कोटी रुपयांत, मनी "लाँडरिंग" करणारे लोक काही २-४ लाख कोटी रुपयांच्या नोटा स्वतःकडे ठेवून सुमारे दीड महिना, व्याज खाऊन वापरत होते, असा संशय असावा. तो सर्व पैसा शेवटी एक उसळी मारून बँकांत येईल असा सरकारी कयास, ही लिमिट लादण्याच्या पाठी असण्याची दाट शक्यता आहे.

(संपादनः १५.४४ लाख कोटी नोटा छापल्याचा डेटा बँकेकडे असेल तर जास्त पैसे कुठून येतील, ही एक रास्त शंका आहे. माझा अंदाज असा, की २००५ पूर्वीच्या पांढरी तार असलेल्या जुन्या नोटा ज्या पडून राहिल्या होत्या, त्या सगळ्याच आता बाहेर येतील, त्यामुळे हा आकडा वाढेल, असा आहे.)

**

जाता जाता : लाइनीत उभे रहायची गर्दी केलं तर लायनी जास्त मोठ्या दिसतील, म्हणून उशीरा जमा करू म्हणणारे एक (भक्त) मित्र सकाळपासून फोन उचलेना झालेत. ;)

(आलेख तर आहेच पण) एका तक्त्यात संख्याही देता येतील का?

काय कल्पना नाय बुवा.
पण गवर्मेंटने थोडीतरी डोक्यालिटी लावली असेल असा अंदाज आहे त्यामुळे १५.४४ लाख कोटीपेक्षा किंचित का होईना कमी रक्कम जमा व्हायला हवी.
लेटेश्ट बातमीनुसार आणलेल्या ५के च्या मर्यादेमुळे आता ग्राफ फ्लॅट होईल आणि जमा व्हायचा दर कमी होईल.
उद्याच आणखी काही नियम लावले तर मग ग्राफ तसा नाचेल.

गेल्या दोन दिवसांत कोणीच गंभीर उत्तरं दिली नाहीत म्हणून माझं उत्तर लिहून टाकतो.

१. नुसत्या नजरेने पाहून - उत्तर साधारण १५.२ आलं. म्हणजे जिथे क्रॉस सेक्शन आहे त्याच्या किंचित खाली.
२. ग्राफवर बिंदू ठेवून - पुन्हा, कुठचंही समीकरण न वापरता, आलेख डोळ्याला चांगला दिसतो की नाही यावरून - उत्तर १४.९ आलं.

तुमची उत्तरं सांगा भराभर.

नवीन नियमामुळे कमि रक्कम जमा होईल. तेव्हा फायनल आकडा १४ **
सरकार मोकळे विजय घोषीत करायला की १.५ लाख कोटी काळे धन चलनातुन बाद केले!

आत्तापर्यंतची उत्तरं (२२ डिसेंबर)
राजेश घासकडवी - १४.९
आडकित्ता - १६
अजयजी - १४
धनंजय - १५.२५
अनु राव - १४.७
अनुप ढेरे - १५.०
अस्वल - १५.३५

सरासरी - १५.०३

नवीन उत्तरं आल्यास मी ते आकडे मोजून नवीन सरासरी जाहीर करेन.

चर्चा करण्यासाठी दुसरा धागा आहे. इथे फक्त तुमच्या अंदाजाचा आकडा सांगायचा आहे. तो चुकला तर कोणीही तुम्हाला शिक्षा करणार नाही, बरोबर आला म्हणून बक्षीसही देणार नाही. तेव्हा सांगायला काय हरकत आहे?

मला वाटतं तो आकडा क्ष अक्षावरती ५२ या आकड्यापाशी साध्य होइल.

माझा आकडा १५ लाख कोटी

तुमच्या ग्राफला माझ्या ग्राफपेक्षा जास्त कर्व्हेचर का आहे?

आता सरकारने जमा रकमेचे आकडे देणे बंद केले आहे. नो फर्दर एम्बॅरेसमेंट.

१४.५