मराठीतील पहिल्या वेब कंटेट चॅनेलची वर्षपूर्ती

हेच बहुतेक शष्प टीव्ही म्हणून ओळखलं जात होतं. ते भिकारच होतं. पण कास्टिंग काऊच चांगलं आहे. शेवटी ज्याची त्याची आवड. कमीत कमी हे मराठीत वेगळा प्रयोग तर करीत आहेत. आणि चला हवा येऊ द्यासारखे मूर्ख प्रकार टीव्हीवर पाहण्यापेक्षा हे कधीही चांगले आहे.

आबा, 'माझ्या बापाचा र‌स्ता' ब‌घित‌लाय‌त का? 'सोसाय‌टी' पेक्षा भारी आहे. बाकी म‌राठी वेब सिरीज 'वास‌रात लंग‌डी गाय' या न्यायानेच ब‌ऱ्या आहेत म्ह‌ण‌ता येईल‌. त्यात‌ल्या त्यात आप‌ल्या संतोष‌- कुश‌ल‌ची 'स्ट्र‌ग‌ल‌र साला' ध‌माल आण‌ते काही एपिसोड‌स‌म‌ध्ये.

लोलवा...

फोटो इथे पहा
किंवा

विडंबन आहे हे मान्य, पण त्यातही फालतूपणा वाढत जातोय दिवसेंदिवस!विडंबनाला विरोध नाही. ते तर टीव्हीएफ किंवा एआयबीवालेही करतात. कमीतकमी त्या विडंबनात तोचतोचपणा टाळायला हवा. शिवाय फालतूपणा करत राहिल्याने विडंबन बीभत्स बनत जातं. हो, आता ज्यांना ते आवडतं त्यांना ते आवडतंच. त्याला कोण काय करणार. कुणाला चला... आवडतं, तर कुणाला भाडिपा, एआयबी. शिवाय दोघांच्या चाहत्यांना एकमेकांचा कंटेंट आवडेलच हेही दरवेळी शक्य नाही. (चला... पूर्वी आवडायचं आता पाहतही नाही.)

वरचे प्रतिसादही वाचा. शिवाय भाऊ व इतरही अप्रतिम आहेतच.शिवाय बहुतुल्ला खान हे पात्र मुळात फू बाई फू मधील आहे. पण रिपीटेशनचं काय? आणि पुन्हा तुम्ही म्हणता की मी म्हणत असलेल्या टीमने अमुक एपिसोड केल्यावर, वगैरे. मुळात मी तुम्ही अमुक कार्यक्रम पहाच असं म्हटलेलं नाहीये किंवा तमुक पाहूच नका असे म्हटलेले नाहीये. आणि तुम्ही म्हणता तसं आपल्याकडे 'नंबर्स' मॅटर करतात. कुठलीही गोष्ट थोडक्यात संपवली नाही तर रिपीटेशन होणारच. याच चॅनेलवरील दिल दोस्ती दुनियादारी एका वर्षाआत संपवलीच ना. मग त्यामुळे का होईना ती मालिका ताणली गेली नाही. शेवटी रिपीटेशन हा ताणण्याचाच प्रकार नाही का?जर एखादी मालिका कंटेंटच्या अभावापायी लवकर संपवली तर कुठे बिघडतं?माझ्या मते तरी रिपीटेशन हे कथानक ताणल्यामुळे होतं. जर असे होत असेल तर एखादा ब्रेक घ्यावा ना. परदेशात प्रत्येक मालिका दरवर्षी ब्रेक घेते. ब्रेकनंतर पुन्हा ऑन एअर येते. आपल्याकडेही असे घडते पण रिअॅलिटी शोज पुरतेच. यामुळेच तर प्रेक्षकांना नावीण्यपूर्ण काही पहायला मिळत नाही. एखाद्यावेळी रिपीटेशन झालं तर ठीक. पण दरवेळी ते होऊ द्यावं का?

तुम‌चे मुद्दे ब‌रोब‌र आहेत, मात्र, उदाह‌र‌णांत किंचित अस‌ह‌म‌ती नोंद‌व‌तो -

>>जाऊ द्या ना बाळासाहेब आदी ग्रामीण चित्र‌प‌ट र‌सिक<<

'जाऊ द्या...' ह्यात ब‌स‌त‌ नाही, कार‌ण तो एका श‌ह‌री म‌ध्य‌म‌व‌र्गीय (स्प‌ष्ट सांगाय‌चं त‌र, ब्राह्म‌णी) विचार‌स‌र‌णीतून ग्रामीण विनोद क‌र‌ण्याचा प्र‌य‌त्न होता. गाणी आणि जाहिराती रोच‌क‌ होत्या प‌ण चित्र‌प‌ट भ‌यंक‌र‌ फ‌स‌ला होता. 'ह‌वा येऊ द्या...'च्या प्रेक्षकाला त्याचं काहीच आक‌र्षण वाट‌ल‌ं नाही.

>>भाडिपा, दिल दोस्ती... इ. मालिका आव‌ड‌णारे<<

क‌दाचित तुम्हाला आश्च‌र्य वाटेल, प‌ण एर‌वीच्या संध्याकाळ‌च्या कौटुंबिक मालिका पाह‌णाऱ्या व‌र्गात 'दिल दोस्ती...' प्र‌चंड‌ लोक‌प्रिय झाली. इत‌की, की त्याच्या जोराव‌र‌ 'झी'नं 'युवा' हे न‌वं चॅन‌ल सुरू केलं, आणि 'दिल दोस्ती'च्या लोकांना घेऊन निघालेलं 'अम‌र फोटो स्टुडिओ' हे नाट‌क‌ मुंब‌ई-पुण्यात चांग‌लं चाल‌लंय. 'भाडिपा'ला हा ज‌नाधार अजिबात नाही.

ह्या तिन्ही विषयीची तुमची मतं बरोबरच. शिवाय, भाडिपा बद्दलचं मत जरा जास्तच खरं. यातील कंटेंटवर पुणेरी असा शिक्का बसल्याने तो बाजूला पडला. शिवाय, तुम्ही म्हणता तसं त्यातील भाषिक विनोदांमुळेही तो सामान्य प्रेक्षकांच्या मनात भरत नाही किंवा त्यांना तो त्यांच्या पातळीचा वाटत नाही.
याउलट त्यांना शिव्यांचा भडिमार असलेला स्ट्रगलर साला जास्त आवडतो. स्ट्रगलरची थीम भारीच. पण आजकाल शिव्या फार वाढलेल्या दिसतात.

मुळात या पुणे मुंबई किंवा ग्रामीण शहरी आणि महत्त्वाचं म्हणजे ब्राम्हण ब्राम्हणेतर वादामध्ये मराठीतील मोठा कंटेंट बाजूला पडतो.
अशाच अनेक गोष्टींमुळे ह्या तिन्ही गटांमधील दरी जास्त वाढत जात आहे.
आणि दिल दोस्ती दुनियादारीला पुणेरी लेबल लावणे म्हणजे कहर आहे. उलट ती आत्तापर्यंतच्या मराठीतील उत्तम मालिकांपैकी एक आहे. पण, बहुतांशी प्रेक्षक हा आता सुरू असलेल्या मालिका पाहतो, तर त्याच चालू ठेवाव्यात म्हणत नवीन नाकारलं जातं. आणि नवीन काही देण्याचा प्रयत्न केला तर त्यावर अमुक गटासाठीचं म्हणून शिक्का बसतो...

शेवटी ज्याची त्याची अभिरुची...
मलाही अमेय निपुणचा सगळाच कंटेंट आवडतो असं नाही. हेच हवा... बाबत. सुरूवातीला नावीन्य होतं, आता ते वाटत नाही. मुळात रूचतही नाही.
फू बाई फू मधीलही बहुतांशी कंटेंट चांगला असायचा. शिवाय, आशिष पाथरे, हेमंत ढोमे, प्रियदर्शन जाधव वगैरे लेखकमंडळी चांगली होती, आहे. भाऊ-सुप्रिया, भारत-सागर, कुशल-हेमांगी, इ. जोड्या भारी होते.आता हवामध्ये फार दम आहे, असं वाटत नाही.

बहुतेक तुम्ही याविषयी म्हणत आहात. एक भाग इथे आहे. हाच आहे का हेही मला कळवा.

शिवाय, दूरदर्शनवरील अनेक मालिका आता मिळत नाहीत. त्यांच्याकडेही त्या आहेत की नाही, याविषयी शंकाच आहे. बहुधा त्यांनीही त्या जपून ठेवण्यावर भर दिला नाही. त्यादिवशी सुमीत राघवन ही दूरदर्शन विषयी बोलताना त्यानेही याविषयी खंत व्यक्त केली. दूरदर्शनने या व इतरही मालिकांचे जतन करून ठेवले नाही, हे वारंवार आढळून आले आहे.

भिकार काय, काहीकाही तर कहर आहेत. कथा, पटकथा, संवाद, दिग्दर्शन सगळं काही सुमार. पण तरीही आम्ही वेब सिरीज काढतो म्हणून मिळवायचं. त्याच्या मानाने या तरी बऱ्या असतात. चावट च्याही बऱ्यापैकी बऱ्या असतात.
मध्यंतरी बॅकबेंचर्स म्हणून एक पाहिली होती. अजिबात आवडली नाही.