" न्यू जर्सीतील दाढीवाले"

पाठीचे दुखणे वाढले आहे. उपचार चालू आहेत पण फारसे यश नाही.

नक्की कोठे खड्डा लागला ब्वॉ?

नक्की कुठे वृत्त मार खाते आहे हे दाखवून दिल्यास सुधारणा करण्यात नक्कीच रस आहे! धन्यवाद!

घाटामध्ये शिरली गाडी
अन रात्रीचा पडला पडदा
पण चित्रांची विचित्रवीणा
अजून करिते दिडदा दिडदा

याचा ‌अर्थ विचारण्याचा आगाऊपणा कधी केला होतात काय? (पण ते बाकीबाब पडले ना!)

बाकीबाब काय, शेक्सपियर^१ काय, किंवा प्रस्तुत कवी काय, यांच्या कृतीत अर्थ शोधत बसायचा नसतो. उलट, यांच्या रचनेत काऽही (किंवा काहीऽही) अर्थ नाही, असे आगाऊ गृहीत धरूनच पुढे वाचायचे असते, नि रचनेचा आनंद लुटायचा असतो. (चुकून ‌अर्थ सापडलाच, तर तो बोनस! अर्थात, कवीला तो अर्थ अपेक्षित असेलच – किंवा, कवीला कोठलाही अर्थ अपेक्षित असेलच – असे नाही, या मिठाच्या खड्यासकटच.)

रचनेला अर्थ असलाच पाहिजे, असे कवीवर बंधन नसते. किंबहुना, अर्थ नसलेल्या रचना बनविणे, हा तर कवीचा अधिकारच आहे! (पोयटिक लायसन म्हन्त्यात त्यास्नी.)

असो चालायचेच.

—————

^१ वुड्डहौससाहेबाकडून साभार.

बाकीबाबांच्या उपरोद्धृत कवितेचे टायटल ‘चित्रगिटार’ असेही चालले असते, असे सुचविले असतेत काय?

(आम्ही सुचविले असते. परंतु, आमचे ऐकतो कोण?)

न्यू जर्सीत असे गंजत पडलेले रूळ आणि त्याच्या आसपास असे ससे भरपूर आहेत. माणसे जवळ आल्यास ते पळत सुटतात. या दृश्याची आणि पळणाऱ्या दाढीवाल्याची काव्यात्मक सांगड घालण्याचा माझा प्रयत्न मात्र हुकलेला दिसतो.

न्यू जर्सीत असे गंजत पडलेले रूळ आणि त्याच्या आसपास असे ससे भरपूर आहेत. माणसे जवळ आल्यास ते पळत सुटतात. या दृश्याची आणि पळणाऱ्या दाढीवाल्याची काव्यात्मक सांगड घालण्याचा माझा प्रयत्न मात्र हुकलेला दिसतो.