दिवाळी अंकाकडून अपेक्षा.

कवितांचा ठळक अभाव जाणवत आहे.
_______
अन्य जे काही प्रकाशित झालेल साहीत्य आहे ते निव्वळ द-र्जे-दा-र आहे!!!
__________
कथावाचनाचा प्रयोग अभिनव वाटला.
__________
रेखाचित्रे सुंदर आहेतच, मुखपृष्ठ फारच देखणे आहे.

पूर्ण अंक प्रकाशित होण्याआधीच मी हा प्रतिसाद देणं कदाचित विचित्र वाटेल.

मुलाखतींवर काम करताना एक गोष्ट जाणवली; बोलताना आवाजाचे चढउतार होतात, हालचालींवरून काही गोष्टी टिपल्या जातात, त्या लेखनात दाखवता येतातच असं नाही. आंतरजालाचं माध्यम वापरताना ही सोयही आहे, पण पुरेशी पूर्वतयारी केली नसल्यामुळे या वर्षी हे करता आलं नाही. पुढच्या वर्षी हे करता येईल, अशी आशा आहे.

शिवाय मुद्रितशोधकांचे कष्टही कमी होतील.

मुखपृष्ठावरचं चित्र खरोखर अतिशय कल्पक आहे. शिकारीसाठी मागावर असलेली घार आणि तिच्यापासुन आपले रक्षण करू बघणारा छोटया पक्ष्यांचा विशाल थवा. त्या थव्यातली गतिमानता आणि शक्ती थेट जाणवते आहे. ती घार या समूहशक्तीपुढे थबकल्यासारखी वाटते आहे. खाली सुकलेल्या रक्ताच्या लाल रंगातली 'च ळ व ळ' ही अक्षरं दर्शवतात की कुण्या एका किंवा जास्त पक्ष्यांना बलिदान करावे लागेल पण तसे असुनही एकत्र येऊन निर्धाराने संकटाचा सामना करण्याची समूहाची प्रेरणा मृत्युच्या भितीपुढे अजिंक्य आहे. अप्रतिम.

अंक दर्जेदार वाटतोय. कवितांची उणीव मलाही जाणवतेय.

अंक उत्तम आहे, अपेक्षेप्रमाणे आहे. उल्लेख करण्यासारखे म्हणजे आरटिपी बद्दल माहिती सगळ्यात जास्त आवडली, त्याबद्दल अदितीचे विशेष आभार आणि त्यानंतर करंदिकरांचे भाषण आवडले, त्याबद्दलही आभार.

करंदीकर आणि नंदा खरे यांचे दोन्ही लेख विस्कळित वाटले.

अमुक यांचे मुखपृष्ठ तर या वर्षीच्या विषयाशी अतिशय सुसंगत आणि समर्पक आहे, मुखपृष्ठावर प्रतिक्रिया देता येत नाहीत या गोष्टीने मात्र हिरमोड झाला. इतके सुंदर आणि कल्पक मुखपृष्ठ बनविल्याबद्दल अमुक यांचे आभार आणि अभिनंदन!

अगदी हेच म्हणायला आलो होतो. बाकी अंक वाचायचा आहे अजून, पण वर वर चाळता उत्सुकता नक्कीच वाढली आहे. दिवाळी अंकावर काम करणार्‍या सर्वांचे आभार आणि धन्यवाद!
सर्वांना दिवाळीच्या शुभेच्छा!

अंक आशयाच्या बाबतीत भरगच्चबिरगच्च आहे. पण अमुकरावांची चित्रं - आणि अर्थातच मुखपृष्ठ - विशेष आवडली. शिवाय कुठूनतरी कविता पैदा करून एक आपलं कवितेच्या कुंकवाचं पुसटसं बोट टेकवायचं, असला प्रकार केला नाहीय, तेही आवडलं. (इतक्यात हे बोलायला नको खरं तर. यायची मागाहून एखादी डौलदार कविता आणि माझी गोची व्हायची. असो.)

बादवे, फारेण्डाच्या लेखाची अभिवाचनी आवृत्ती ऐकायला (किंवा खयाली पुलावच पकवायचे, तर का नाही? स्पूफीय आवृत्ती पाहायला) अजूनच धमाल आली असती असं आता वाटतंय. हाही पर्याय चोखाळून बघा बॉ पुढच्या वर्षी.

पण दिवाळी अंक असा ट्प्प्याट्प्प्याने प्रकाशित करत जाणे प्रचंड अभिनव अन सुंदर कल्पना आहे. रोज - आज फुलबाजी की भुईनळा , भुईचक्र की अ‍ॅटमबॉम्ब अशी वाट पहाण्यास उद्युक्त करणारी कल्पना फार आवडली.

दिवाळी अंक अतिशय देखाणा आणि वाचनीय आहे असे अनुक्रमणिकेवरूनच वाटतय. जे वाचल ते आवडल. अंक पूर्ण वाचणे ही एक मेजवानीच.
ऐसीच्या सर्व टीमचे अभिनंदन!
शुभेच्छा
सोनाली जोशी

मुखपृष्ठ तर या वर्षीच्या विषयाशी अतिशय सुसंगत आणि समर्पक आहे
...........स्नेहापोटी एक वेगळा धागा काढल्याबद्दल धन्यवाद !

'हारुन शेख' आणि 'अपुली-गपुली' या दोहोंनी दिलेला अर्थान्वय अपेक्षित होता. पक्ष्यांचा थवा भारतासारख्या आकाराचा आहे, हे मात्र ऋषिकेश यांच्या प्रतिक्रियेनंतरच जाणवले. :)
'चळवळ'चा रंग म्हणजे सुकलेले रक्त वगैरे नसून अंकाच्या एकूण रंगसंगतीला पूरक असावा म्हणून निवडला.

दिलेल्या तीन-चार पर्यायांतून हेच चित्र मुखपृष्ठासाठी असावे, हे शेवटी अंकाच्या संपादक/व्यवस्थापक मंडळाने ठरविले. त्याबद्दल त्या सर्वांचेही आभार.