याकूबला फाशी

या सर्वांमधे आपल्या देशाच्या न्याययंत्रणेवर प्रचंड अविश्वास दाखवला जातो हे वाईट वाटण्याजोगं आहे.

निकाल मनासारखा लागला नाही की लगेच "आम्हाला सेकंड क्लास सिटिझन असल्यासारखी वागणूक मिळतेय", "पार्शलीटी होत्ये", "मायनॉरीटीज चा आवाज दाबला जातोय" वगैरे कोल्हेकुई सुरु होते.

अजून एक प्रश्न आहे, अनेकदा चेंडू काढण्याचा प्रयोग करुन हिरवेच निघत राहिले तर आत सर्व हिरवे आहेत असं न मानता काहीजण म्हणतात की आत भगवे असणारच तरी हे नेमके टिपून टिपून हिरवेच बाहेर काढतात..

ह्या बद्दल गवि तुम्हाला सलाम.

ठ्ठो...ठ्ठो....ठ्ठो....ठ्ठो

आहाहाहा. तुम्ही तर बैलाच्या डोळ्यावरचा नेमका रेणूच भेदलात.

अजून एक प्रश्न आहे, अनेकदा चेंडू काढण्याचा प्रयोग करुन हिरवेच निघत राहिले तर आत सर्व हिरवे आहेत असं न मानता काहीजण म्हणतात की आत भगवे असणारच तरी हे नेमके टिपून टिपून हिरवेच बाहेर काढतात..

गवि,

आतमध्ये नाही हो.. बाजूला. उदा. मुंबईच्या दंगलीत हजारो लोक मेले. किती जणांना शिक्षा झाली? माझ्या माहितीप्रमाणे शून्य! ठाकऱ्यांपासनं ते कायदेरक्षणाची जबाबदारी घेणाऱ्या हवालदारापर्यंत सगळ्यांची माहिती मिळूनही कुणालाही शिक्षा झालेली नाही. ठाकरे वृद्धापकाळानं गेले, मधुकर सरपोतदार खासदारकी भोगून जामीनावर सुटून आरामात राहिले, अनेक पोलीस अधिकारी निवृत्त होऊन आता गोल्फ वगैरे खेळत असतील. पण मग दंगल झाली ती दहशत नव्हती का? होती. पण आम्हाला ते चेंडू वेगळ्या रंगाचे असल्याने, पकडून बॉक्समध्ये आणायचेच नाहीत.

आणि न्याययंत्रणा म्हणजे न्यायमूर्तींनी आसनावर बसून दिलेला निष्पक्ष निर्णय असं एवढंच नाही. आता त्यात (काहीवेळा चुकीची) माहिती टिपून घेणारे कारकून, ती कळवणारं फ्याक्स मशीन, फ्याक्समशीनला वीजपुरवठा करणारं एमएसीबी असं सगळंच असतं. सलमानच्या खटल्यात वेळेवर वीज गेल्यामुळं फ्याक्स वेळेवर पोचला नाही त्यामुळं निष्पक्ष न्याययंत्रणेला अंमलबजावणीत कित्ती कित्ती अडचण झाली ना! वेळेवर वीज गेल्यामुळं हाताशी येऊन पुन्हा निवांत राहिलेला सलमान किंवा फाशीची वेळच न आल्यामुळं आरामात सुटलेले राजीवगांधींचे खुनी हे सगळे त्याच निष्पक्ष न्याययंत्रणेचे लाभार्थी आहेत.

बरं वादासाठी सगळेच चेंडू हिरवे असतात असं मान्य करुया. आता भारतात उदा. २५ कोटी हिरवे चेंडू आहेत. काय करणार या चेंडूंचं? अ‍ाम्ही फक्त हिरवे चेंडूच पकडणार हे सारखं दाखवून देणार की सगळ्या हिरव्या चेंडूंना अरबी समुद्रात बुडवणार?

या सर्वांमधे आपल्या देशाच्या न्याययंत्रणेवर प्रचंड अविश्वास दाखवला जातो हे वाईट वाटण्याजोगं आहे.

कोणाला तर्काचा सर्रास खून होतो आहे याची पडलेलीच नाही का? योग्य तर्क करणं ही कुतर्क टाळण्यासाठी आवश्यक गोष्ट नाही का? न्याययंत्रणेवर विश्वास-अविश्वास ही गोष्ट संपूर्णपणे नंतरची आहे. आधी तो अ/विश्वास रास्त आहे की नाही हे पाहायला नको का? मुळात 'सगळे अतिरेकी मुसलमान असतात हे सिद्ध होतं' असं ठार चुकीचं विधान केलं तर देशात सत्य काय आहे आणि असत्य काय यावर चुकीचा गदारोळ निर्माण होणार नाही का? आणि हा कोलाहल होऊ द्यायचा कारण न्यायव्यवस्थेवर विश्वास दाखवायला हवा?

अनेकदा चेंडू काढण्याचा प्रयोग करुन हिरवेच निघत राहिले तर आत सर्व हिरवे आहेत असं न मानता काहीजण म्हणतात की आत भगवे असणारच तरी हे नेमके टिपून टिपून हिरवेच बाहेर काढतात..

या प्रकारची विधानंही चुकीच्या अगर बरोबर तर्कशास्त्राने होऊ शकतात. पण लोक चुकीचं तर्कशास्त्र वापरून विचित्र निष्कर्ष काढतील म्हणून तर्कशास्त्रातल्या चुका काढू नयेत... हा युक्तिवाद काही हजम होत नाही.

आणि न्यायव्यवस्था ही वेगवेगळ्या पातळ्यांवर ठरते. आता माया कोदनानी यांच्याबाबत मृत्युदंड न्यायालयाकडे मागायचा नाही असं गुजरात सरकारने ठरवलं. यात भगवा चेंडू आतच राहू द्यायचा हा निर्णय सरकारने घेतला की नाही? बजरंगी का कोण ते जामिनावर मुक्त आहेत की नाहीत?

असो, माझा युक्तिवाद हा युक्तिवाद कसा करावा याबाबत होता. चूक मान्य करा, पुढे जा, आणि त्यानंतरचा वाद घाला.