निरोप
सगळ सामान भरून झालं तरी त्याचा रूममधुन पाय निघत नव्हता . समोरच्या झाडावरच गरुडाच घरट त्याने अजून एकदा डोळे भरून बघुन घेतलं . समोरचा एरवी राग आणणारा 'मनुस्मृती ' नावाचा बंगलापण आज राग आणत नव्हता . शेवटचा दिवस माणसाला काय काय करायला लावतो . एरंडवण्यातल्या गच्च झाडीमधल्या आउटहाऊसमध्येच आपण कायम राहणार आहोत अशी समजूत त्यानं करून घेतली होती . तीन वर्ष चार महिने आणि सत्तेचाळीस दिवस . त्याला तिथ राहायला जाम आवडायचं . त्या बाकी जगापासून तुटलेल्या आणि हिरव्यागार झाडांमध्ये लपलेल्या आउटहाऊसने त्याला जी स्पेस दिली होती तशी त्याला कुठेच मिळाली नव्हती . तो तिथे एकटाच राहायला . बराच वेळा . घरमालकाने काही अजून भाडेकरू ठेवण्याचा प्रयत्न केला होता . पण बाकीच्या लोकांना ती जागा आवडायची नाही . इथे खुप एकट एकट वाटत अशी त्यांची तक्रार होती . येडे कुठले . जिथे तो रोज नाश्त्याला जायचा त्या जवळच्याच 'हॉटेल स्वीकार ' वाल्याने टोस्ट बटर आणि चहाचे पैसे तेवढे घेतले नाहीत . 'आज रहने दो . बडा साहब बनके आयेगा तब देणा ' दाक्षिणात्य ढंगात गल्ल्यावर बसणारा एरवी निर्विकार वाटणारा म्हातारा हसून म्हणाला . रूम सोडताना कुणाचा निरोप घ्यावा असा काही प्रश्न नव्हता . एवढ्या वर्षात आपल्या ओळखीचं पण म्हणाव अस कुणीही इथ नाही हे एक बर आहे अस त्याला वाटलं . काही लोक रोज दिसायचे . आपल्या वेड्या पोराला रोज फिरायला नेणारा आणि खांदे पाडून चालणारा बाप . रोज टिफिन आणून देणारे आजोबा . समोरच्या बांधकाम चालु असलेल्या बिल्डींगचा नेहमी फोनवर हिंदीत जोरजोरात बोलणारा रखवालदार . वर्षानुवर्ष जवळ राहून त्याला त्यांच्याशी संवाद साधावा वाटला नाही .बाहेर ऑटो येउन उभा होता . आपण नेमकं काय मिस करू इथल , त्याने स्वतःला प्रश्न विचारला . शांत निवांत गल्ल्या ज्या साडेसात नंतर निर्मनुष्य व्ह्याच्या ? समझोता एक्स्प्रेस खटल्यातला आरोपी असणाऱ्या कर्नल पुरोहितच बाजूच्या लेनमधल घर ? रोज दिसत असून जिथे आपण कधीच गेलो ते दशभुजा मंदिर ? समोरच्या झाडावरच गरुडाच घरट? की जगातला सगळ्यात भारी पाऊस . ? यस ! पाऊस . एरवी पुण्यातला वैताग आणणारा पाऊस इथे कसला जबरी सुंदर वाटायचा ? झाडाझाडातून पाणी निथळत यायचं आणि त्याच्या रूमसमोर एक मस्त छोटस तळ तयार व्हायचं . मग तिथेच रमची चपटी घेऊन निवांत कानात हेडफोन लावुन बसायचं . खुप भारी वाटायचं . नंतर हॉटप्लेट वर ओमलेट , जे नेहमी बिघडायच . बाजुच्या बिल्डींगच्या बाल्कनीमधुन त्या वेड्या पोराचा बाप शुन्यात बघत उभा असे .त्याच्यासाठी तो सुंदर पाउस जणु अस्तित्वातच नव्हता . त्याची नजर माझ्यावर पडली की मी त्याला हातातला ग्लास उंचावून दाखवत असे . मग तोंडदेखल हसून तो निघून जायचा . ऑटोवाल्याच्या हॉर्नने त्याची तंद्री तुटली . खरतर आता पण मस्त पावसाळी वातावरण आहे आणि नेमकी आपण ही रूम सोडून निघालो आहोत . रूमवर जमलेल्या बाटल्यांचा ढिग त्याने पोत्यात नीट भरून ठेवला आणि पोत तसच रूममध्ये सोडुन निघाला . आता कसली भीती ?'येत जा अधे मध्ये . " तीन वर्षात पहिल्यांदाच हसून घरमालकीण बाई म्हणाल्या . त्यातली निरर्थकता त्यांना दोघानाही कळली . रीप रीप पाऊस सुरु झाला . चांगलंच अंधारून आला . शेवटचं रूम ला त्याने डोळे भरून बघून घेतल. समोरचा फोनवर जोरजोरात बोलणारा रखवालदार त्याच्याकडे बघुन चक्क मस्तपैकी हसला . ऑटो स्टार्ट झाला . आपल्या हातातून अस काहीतरी सुटून जात आहे जे पुन्हा कधीच मिळणार नाहीये अशी भावना दाटून आली . समोरून बाप त्याच्या वेड्या पोराला घेऊन जात होता . ऑटोच्या थोड बाहेर येउन तो त्याला म्हणाला ,"मी चाललो ." तो मस्त हसला . मग गजानन महाराज आशीर्वाद देताना हात दाखवायचे तसा हात वर केला आणि पावसापासुन पोराला वाचवत झपाझप निघून गेला . ऑटो निघाला . तेवढ्यात जोरात पाऊस सुरु झालाच . समोरून उजवीकडे वळण घेताच मेन रस्ता लागला . 'वैताग आहे नाही पुण्याचा पाऊस ? "ऑटोवाला मागे वळून बोलला . 'बरोबर आहे .' त्याने मान डोलावली .
प्रतिक्रिया
आवडलं!
आवडलं!
बिपिन कार्यकर्ते
जबरदस्त. छान लिहिलंयत. एका
जबरदस्त. छान लिहिलंयत.
एका गावात वर्षभर जिथे राहत होतो ते घर सोडताना अशीच काही अवस्था होती. पण भल्या सकाळच्या वेळेस टाटा करायला हनगं कुत्रंही जागं नव्हतं.
********
It is better to have questions which don't have answers, than having answers which cannot be questioned.
मस्तच. जास्वंदीचं हे जुनं
मस्तच. जास्वंदीचं हे जुनं पोस्ट आठवलं. (लिंक गण्डते आहे : jaswandi.blogspot.in/2009/11/blog-post.html?m=1)
-मेघना भुस्कुटे
***********
तुन्द हैं शोले, सुर्ख है आहन
http://jaswandi.blogspot.in/2
http://jaswandi.blogspot.in/2009/11/blog-post.html
बिपिन कार्यकर्ते
उत्कृष्ट आहे साहेब. अगदी
उत्कृष्ट आहे साहेब.
अगदी रिलेट करण्यासारखं..
धन्यवाद..
आवडलं!
आवडलं!
आधी रोटी खाएंगे, इंदिरा को जिताएंगे !
लहानसा आकार मात्र मोठा जीव
लहानसा आकार मात्र मोठा जीव असणारं लेखन.. आवडलं!
- ऋ
-------
लव्ह अॅड लेट लव्ह!
धन्यवाद : )
धन्यवाद : )
दिलों में तुम अपनी बेताबियाँ लेके चल रहे हो, तो जिंदा हो तुम नज़र में ख़्वाबों की बिजलियाँ लेके चल रहे हो, तो जिंदा हो तुम