इंटरनेटवरच्या ट्रोलिंगला कंटाळून शेजारचे काका गणिताकडे वळले

बहुतेक ४० च्या जागी १ रु देण्याची तैयारी आहे, तरीही कुणी ट्रोल करत नाही. नो ट्रोल नो प्रसिद्धी. अदितीचे दुख मी समजू शकतो.

वा वा छान !!
तरीही काही बदल सुचवितो.

काका हल्ली सदाशिव पेठेत राहत नसणार. ते कोथरूड, कर्वेनगर किंवा सहकारनगर , अरण्येश्वर इत्यादी ठिकाणच्या १ BHK च्या प्रशस्त वास्तूत स्थलांतरित झाले असणार. हल्ली सदाशिव पेठेत मुख्यतः कापड दुकाने , होलसेल केमिष्ट दुकाने , जुन्या शाळा आणि ज्ञानप्रबोधिनी इत्यादी असते . ( गेले ते काका दिवस !!!)
माझ्या माहितीत किमान एक काका तरी नक्की असे आहेत ज्याचा प्रवास वेगाने मायक्रोसॉफ्ट वर्ड ते गुगल स्पीच टू टेक्स्ट झाला असावा. दिवसाला चार पाच मोठ्या पौष्टि तरी टाकतात. कुणाकुण्णाला सोडत नाहीत. पुरोगामी , लिब्रान्डु , पर्यावरणवादी, अलोपॅथी, टुकडे टुकडे ग्यांग , गुपकार ग्यांग , काँग्रेसचे शुंभ इत्यादी देशद्रोह्यांना जोरदार ठोकून काढत असतात. फ्यान फॉलोविंग ही मोठे आहे.

असं का करत नाही तुम्ही ? त्या काकांना तुमच्या संस्थळावर निमंत्रण का देत नाही ? तुमचाही खप वाढेल. काकांनाही नवे ग्राहक मिळतील ( विन विन का काय ते ) , विचारून बघा कदाचित घासू गुर्जींच्या यांच्या वळखीचे असतील .
इथे गेल्या काही महिन्यातच पुनर्जन्म झालेल्या काकांनाही कुंपणि मिळेल. ( अर्थात आमचे पुनर्जन्म काका अत्यंत सभ्य आहेत हो ' त्या ' काकांच्यापुढे . रेंजही छोटी त्यांची ' त्या ' काकांच्या पुढे )

तात्पर्य काका कंटाळत नसतात. गणितासारख्या निरुपद्रवी विषयाकडे वळत नसतात. काकांचं बरं चाललंय .
( हेच मुळी गंभीर आहे )
सदाशिव पेठी काकांची बदनामी थांबवा.
काका कभी कंटाळता नहीं
गणित कभी सिखता नहीं.

न बा शेठ , तुमचे काय मत यावर ?

कोण आहेत कोण हे लोक?

"जाने भी दो यारों" मधला धृतराष्ट्र झाला आहे माझा.
एक अक्षर समजलं नाही, काही तरी क्लू मिळेल काय?

चक्क नबांचे अर्कचित्र!

:-) :-) :-)

काका-काकू आवडु लागले आहेत.

मागच्या पंधरवड्यात पुण्याला फेरी मारली ( धावती हो अबापट, ) तेव्हा बसमध्ये भेटले होते.
गणिताकडे वळण्याचे काकांचे खरे कारण आणि श्रेय त्यांच्या कल्याणच्या नातीला जाते. सध्या इतर मुलांप्रमाणेच नातही कंपुटरवर बऱ्याच गोष्टी अजमावत असते. "Your child can learn coding" या चानेलवरच्या जाहिराती आणि मोबाईल आणि कंपुटर वापरायला कोरोनासाध्य प्रोत्साहन यामुळे अगदी हुशार झालीय. आजोबा ( म्हणजे आपले काका हो) आठ दिवस कोथ्रुडातून ( पूर्वी सपेत राहायचे पण मुलामुळे इकडे शिफ्ट झालेत. मुलाच्या ब्लॉकजवळच त्यांनी प्रशस्त वनबिएचके घेतला. प्रशस्त =स्वतंत्र )कल्याणला मुलीकडे राहायला आल्यावर नातीला चांगला विद्यार्थी सापडला. एकूण घरात आनंदिआनंद वातावरण होतं.

तर बोलता बोलता म्हणाले की नातीने दिशा दाखवली. सांगोवांगी फारवर्डपेक्षा कंटेट डेटा महत्त्वाचे. काही तरी नवीन करा म्हणाली. सध्या "मेडिकल टिप्स चालतात तर त्या शोधा." तसे माझे गणित चांगले आहे त्याचा उपयोग करायचे ठरवले."
"तुम्हाला सांगतो एका अटीवर . बाहेर फोडू नका. परदेशी चार्ट्स असतात ना की किती वय,किती उंची, किती वजन पाहिजे किंवा किती व्यायाम केला पाहिजे या धर्तीवर मी म्हाताऱ्यांनी कोणती, किती वजनाची,आकाराची काठी घ्यावी याचा चार्ट करत आहे."
काकुंनी हलकेच स्मितहास्य कटाक्ष टाकला कृतकृत्य होऊन.