Skip to main content

पैज – प्रेम दिन स्पेशल

1 minute

आज १४ फेब्रुवारी- प्रेम दिवस - कॉलेजातील पोरांचा एक घोळका आशाळभूत नजरेने येणाऱ्या पोरीं कडे पाहत होता. पण कुठलीही पोरगी त्यांच्याकडे ढुंकूनही पाहत नव्हती. तेवढ्यात ती कॉलेज सुंदरी त्यांना दिसली. तिला पाहून त्यांचे चेहरे उजळले. त्यातला एक म्हणाला म्हणाला आपण सर्व तिच्या वर फिदा आहोत, आज प्रेम दिवस आहे. हिम्मत असेल तर आपल्या पैकी कुणी तिला I love you म्हणून दाखवावे. जर तिनी त्याला आपल्या हातानी नुसता स्पर्श ही केला तर १००० रुपयांची पैज तो जिंकेल. काही वेळ शांतता राहिली. सहजा-सहजी बळीचा बकरा कोण बनणार? स्वत:ची शोभा कोण करायला तैयार होणार? पण काही विचार करून त्याने पैज स्वीकारली. एक गुलाब घेऊन तो तिच्या समोर आला, तिला काही कळण्या आधीच तिच्या हातात गुलाब देत जोरात I love you असे म्हणले. ती क्षणभर गोंधळली, मग एक जोरदार त्याच्या मुस्कटात हाणली. सर्व पोरं त्याचा कडे बघून फिदीफिदी हसू लागली. खाली मान घालून तो त्यांच्या जवळ आला. त्यांना हसताना बघून तो ही जोरात हसू लागला व म्हणाला मित्रानो - मुस्कटात का होईना तिच्या मखमली हातांचा स्पर्श मला गालावर अद्याप ही जाणवतो आहे. मी पैज जिंकली आहे.

· (काही वर्ष आधी माझ्या एका फेकू मित्राने त्याच्या बरोबर घडलेली ही घटना सांगितली होती)

Node read time
1 minute

विवेक पटाईत Sun, 16/02/2014 - 11:12

ज्या मित्राने ही घटना सांगितली होती तो मुंबईकर होता. घटनेचे स्थळ ही मुंबई होते. बाकी काही सांगता येत नाही.