बसमधले विचार

काही वर्षांपूर्वी "स्ट्रीमींग थॉट्स" कागदावर उतरविण्याचा, तेव्हा मला तरी अभिनव असलेला प्रयोग सन्जोपरावांनी केला होता. अतिशय आवडलेला. त्याच धर्तीवर, आज बसमध्ये जे काही विचार मनात आले ते उतरवून काढत आहे. काही अतिवैयक्तिक विचारांना कात्री लावून पण प्रांजळपणे मांडत आहे. अगदी भारताकरता "इंडिया" हा शब्द मनात येण्यापासून. अन अंगठीकरता "रिंग".
___
आला हा केसाचं टोपलं वाला काळा. कंगवाही केसातच अडकवतो. ह्म्म यांना निग्रो नाही म्हणायचं, तो गुन्हा आहे. नाही काय फ्युचर आहे इतकं टोपलं केस असलेल्या माणसाच? : ( का नाही? सत्यसाईबाबांचं नव्हतं टोपलं? त्यांनी घडवलच की त्यांचं फ्युचर. पण ते विभूती होते. होते का? असणारच आयुष्यभरचं ढोंग कसं शक्य आहे .
..
ही फुंकाडी, पण हिचे हात कसले नाजूक आहेत. एकच नाजूक रिंग घातलेय डाव्या हातात. इथे इतकी नाजूक रिंग पहायला मिळणं विरळच. बोटं लांबसडक आहेत वा!!नाहीतर आपण नखं खाऊन वाट लावलीये. खरच सुंदर आहेत बोटं.
..
खोकला का हा नीळं विंड्चीटरवाला परत? याला इबोला असावा की काय? ए बाबा मला भारतात जाऊन येऊ दे मग काय इबोला व्हायचाय तो होवो. खरच? रियली? मग होऊ देत? तसं नाही म्हणायचं मला ... एनीवे इथे हा विचार एकदम झटकून टाकलाय>
..
ही रेडनेक रोज उजवीकडे बसते ती आज डावीकडे कशी? रेडनेक नाही हां बिचारी कष्टाळू वाटते. हिच्या जागेवर नवीनच कोणीतरी बसलय. असो.
..
रेल्वे लाइन आली. ए बघ बाबा गाडी येत नाही ना, उगाच टक्कर व्हायची. मला इंडियाला जाऊन येऊ द्या बाबांनो.
..
एकवीरा आई तू डोंगरावरी
नजर हाय तुझी कोल्यावरी
गाणं बेफाम रुंजी घालतय सकाळपासून. फुलाचा सुगंध दाटावा तसं हे गाणं दाटून राहीलय मनात. वा वा! या विचाराकरता तरी आज लेख पाडायला हवा.
..
एकवीरा आई तू डोंगरावरी
.
परवा रडणारी, मध्यमवयीन उतरली उतरली. गॉड ब्लेस हर. खरच गॉ-ड ब्ले-स ह-र.
..
झोप फार येतेय. ह्म्म कॉफी नाही झाली आज अजून. किम चा शॅक एव्हाना उघडला असेल. बरं झालं बुवा तिच्या मुलीला स्क्रीनींग मध्ये कॅन्सर सापडला नाही. असो..
....

बसस्टॉप येतो>