अतर्क्य

अतर्क्य

बहुतेक मी तुला सांगू शकतो माझ्या मनात जे काही आहे ते
तुलाच काय दुसर्या कुठल्याही
माणसाला एक माणूस म्हणून
आपल्यचं स्पेसीजचा/जातीचा(?)एक प्राणी म्हणून
आपण सगळ शेअर करतो जगण एकत्र
कधी तू माझ्या वर्तुळात तर
कधी मी तुझ्या वर्तुळात अडकतो
गोल गोल फिरत राहतो
या गोल फिरण्याला काय कारण असत माहिती नाही
हे वर्तुळ गणिताच्या प्रमेयांना मानत नाही
फिरून फिरून मी पुन्हा त्याच ठिकाणी येत नाही
तू दरवेळेस कुठल्या तरी दुसर्या ठिकाणी दिसतोस
माझ्या एक एक अनु रेणूची शपथ घेऊन सांगतो
मला माहिती नाही का अशी रसायन तयार होतात माझ्या मेंदूत?
सिग्नल पोचवतात मला
वर्तुळात फिरून तुझ्या आणि माझ्या मी थकत देखील नाही
जर तू नसतास तर मेंदूने काय केल असत ?
हे माझ्या मना
तुझ्याभोवती वर्तुळा काढणार्या माझ्या मेंदूला मी काय संदेश देऊ
लवकर सांग मला
मी तुझ्या इतका अथांग आणि खोल नाही आहे
मी फक्त एक मेसेंजर आहे

(वेळ काळ-मागच्या वर्षी ६ मार्च)
पी.एस.- मेसेंजर म्हणजे न्युरोट्रान्समीटर (किंवा तसाच काहीस) याचा मेसेंजर ऑफ God सोबत काही संबंध नाही.