Skip to main content

रात्ररात्रभराची ही जागरणं

रात्ररात्रभराची ही जागरणं

नि प्रत्येक घटकेला येणारी तुझी सय

अस्वस्थ मनाचं उनाड वागणं ...

स्वतःलाच पुन्हा पुन्हा काहीतरी मागणं...

चालता चालता एकटं नसल्याची जाणीव ...

आणि आजूबाजूला भेडसावणारी तुझी उणीव ...

चांदण्यांनी माझ्या नकळत हिरावून घेतलेली माझी झोप ...

आणि माझ्या अंगणातलं तुझ्या कवितेचंरोप ...

घेऊन जा ...

खूप वाढलंय

आणि दिवसेंदिवस अधिकाधिक

वाढतंच चाललय हे ...

रात्ररात्रभराची ही जागरणं ..

नि प्रत्येक घटकेला येणारी तुझी सय .

- गजानन मुळे

राजेश घासकडवी Fri, 24/02/2012 - 23:37

कविता आवडली. विशेष करून

चालता चालता एकटं नसल्याची जाणीव ...
आणि आजूबाजूला भेडसावणारी तुझी उणीव ...

आसपास घुटमळणाऱ्या पोकळीतून ही सय सतत सतावते, हे छान सांगितलं आहे.

शेवटच्या ओळींबद्दल मला स्वतःला एक तुटकपणा वाटला. शेवटच्या दोन ओळी या पहिल्या दोनच पुन्हा आलेल्या आहेत, पण त्या आधीच्या कवितेला पुरेशा नीट जोडल्या गेल्या नाहीत असं वाटलं.

उदाहरणार्थ, असं काही केलं तर...?

खूप वाढलंय
आणि दिवसेंदिवस अधिकाधिक
वाढतंच चाललय हे ...
आणि वाढत आहेत
रात्ररात्रभराची ही जागरणं ..
नि प्रत्येक घटकेला येणारी तुझी सय .

... Sun, 26/02/2012 - 09:13

शीर्षक वाचून आयटी क्षेत्राच्या संदर्भात कविता असल्याचा अंदाज होता
तो चुकला

कविता आवडली.

ऋषिकेश Mon, 27/02/2012 - 09:33

आधी पहिल्या चारेक कविता 'यमक्या' वाटली होती.. मात्र हळूच सांधा बदलला.. आणि वाचुन संपली तेव्हा आवडली होती! :)
छान कविता.. ऐसीअक्षरेवर स्वागत! येऊ द्यात काहितरी अजून सकस!

काळा मठ्ठ बैल … Mon, 27/02/2012 - 23:03

नाव वाचून वाटलं लावणी असेल.
पण भलतंच निघालं.
आम्हीच मठ्ठ.
असो.

तिरशिंगराव Mon, 17/10/2016 - 20:42

कविता आवडली. त्यातही
चालता चालता एकटं नसल्याची जाणीव ...
आणि आजूबाजूला भेडसावणारी तुझी उणीव ...

या दोन ओळी विशेष आवडल्या. लिहित रहा.