ही बातमी समजली का? - भाग १८८
अनेक बातम्यांबद्दल आपल्याला चर्चा करावीशी वाटते. खरं तर, 'ऐसी अक्षरे'वर बातम्यांवर चर्चा करण्यासाठी 'बातमी' नावाचा लेखनप्रकारही अस्तित्त्वात आहे. "ताज्या घडामोडी, अर्थकारण, राजकारण इत्यादी प्रकारच्या संस्थळाबाहेरील लिखाणाची चर्चा करण्यासाठी हा विभाग वापरावा. इथे मूळ लेखावरच्या शब्दसंख्येचे बंधन नाही; एखादी बातमी पसरवणे किंवा चर्चा घडवणे यासाठी हा विभाग वापरावा." असं तिथे स्पष्ट म्हटलेलंही आहे. पण, त्याबद्दल विस्तारानं लिहिण्याइतका किंवा एखादा व्यवस्थित चर्चाप्रस्ताव मांडण्याइतका वेळ किंवा माहिती किंवा उत्साह किंवा हे सारंच नसणं वगैरे कारणांमुळे आपण चर्चाप्रस्ताव लिहित नाही. शिवाय बऱ्याचदा "एकोळी" / नुसत्याच लिंका देऊन धागा काढायचंही जीवावर येतं. तेव्हा अशा बातम्यांवर चर्चा करण्यासाठी, एकमेकांना अशा बातम्या लक्षात आणून देण्यासाठी, त्यांचे दुवे देण्यासाठी हा धागा काढत आहे. एखाद्या बातमीवर विस्तारानं चर्चा सुरू झाल्यास त्या संवादाचे वेगळ्या 'बातमी' धाग्यात रुपांतर केलं जाईल.
---
आधीच्या धाग्यात १०० प्रतिसाद झाल्यामुळे नवा धागा.
वरुण ग्रोव्हर - बळी न पडणारा बंडखोर
काही दिवसांपूर्वी वरुण ग्रोव्हरवर #metoo छापाचे आरोप झाले. त्याने ते साफ नाकारले आहेत. मात्र #metoo आणि बंडखोरीचं त्यानं समर्थन केलं आहे. हा त्याचा लेख.
Varun Grover writes open letter in response to sexual harassment claims; Revolutions can't be unjust, says writer
समलिंगी मित्राच्या घरी जाणं जीवावर बेतलं?
पुणे : समलिंगी मित्राच्या घरी जाणं जीवावर बेतलं
बातमीला शीर्षक देणारा आणि लोकसत्ताच्या संकेतस्थळावर दुव्याला शीर्षक (getting-to-sleep-at-a-gay-friends-house-is-worth-living) देणारा दोघांनाही सलाम.
गॅब बंद
परवा अमेरिकेच्या पेनसिल्व्हेनिया राज्यात एका सिनेगॉगमध्ये गोळीबार झाला. १० माणसं मेली. गोळीबार करणाऱ्यानं त्याआधीच 'गॅब' नावाच्या समाजमाध्यमावर ज्यूद्वेष्टं गरळ ओकलं होतं. 'ज्यू लोकांना मारा', अर्थाचं.
तर या 'गॅब'चा सेव‌ादाता गोडॅडी ('ऐसी'चाही) यानं 'गॅब'ला २४ तासांची नोटीस देऊन आपल्या सर्व्हरांवरून हाकललं आहे. 'पेपाल', 'मिडीयम', 'स्ट्राईप', 'जॉयंट' या सेवादात्यांनीही 'गॅब' ब्लॉक केलं आहे. 'गॅब'चं म्हणणं -
“We have been smeared by the mainstream media for defending free expression and individual liberty for all people and for working with law enforcement to ensure that justice is served for the horrible atrocity committed in Pittsburgh,” the statement reads.
काही आठवड्यांपूर्वी एक निबंध वाचला होता आणि त्यातल्या काही उताऱ्यांचं ढोबळ भाषांतर केलं होतं, त्याचा काही भाग इथे दिसत आहे. हा त्या प्रतिसादाचा दुवा.
मला 'दक्षता' मासिक वाचताना
मला 'दक्षता' मासिक वाचताना नेहमी प्रश्न पडे की अरे हे तपासाची सूत्रे/धागे दोरे/पद्धती इतक्या बारकावांसकट, तपशीलांसकट मांडतात त्यामुळे सामान्य जनतेला हे मासिक आवडते खरे पण या मासिक वाचनाचा एक दुष्परिणाम हा देखिल असेलच की गुन्हेगारांना काय करायचे नाही, काय धागेदोरे मागे सोडायचे नाही याचे तपशिलवार द्न्यान मिळते त्यातुन्.
___
तसेच आत्ताही वाटते की गॅबवर बंदी घातली म्हणुन गुन्हेगार , गुन्हे करायचे थांबणार नाहीत तर उलट त्यांना हे कळेल की न बोलता, गुपचूप आपला विध्वंसक कार्यभाग कसा साधायचा.
ही अमेरिका आहे.
एवढी बडबड करूनही, या खुन्याला थांबवायला त्याचा उपयोग थोडीच झाला? फ्लोरीडात ज्यानं गोळीबार केलान, त्याच्या मानसिक स्थैर्याबद्दल अनेकांना शंका होत्या. तरीही त्याच्या हातात बंदूक आलीच. टेक्सासातल्या चर्चात ज्यानं गोळीबार केला, त्याचा हाणामारीचा रेकॉर्ड असूनही त्याच्या हातात अधिकृत बंदूक होती.
ही अमेरिका आहे. माथेफिरूंच्या हातात बंदूक येणं सहजशक्य आहे.
ट्रम्प, रिमझिम पाऊस आणि प्राणघातक वणवे
ट्रम्पतात्या सध्या पॅरिसला गेलेत. तिकडे बारकासा पाऊस पडतोय. सोनेरी केस भिजतील म्हणून बहुतेक ट्रम्पतात्यांनी, व्हेटरन डे सेमेटरीतला मेमोरियलचा कार्यक्रम बुडवला (ट्रुडो, मॅक्राँ आणि अन्य अनेकांनी मात्र हजेरी लावली).
आता पॅरिसमध्ये हाटिलात बसून, ट्विटरवर कॅलिफोर्नियात लागलेल्या आगींबद्दल बडबड चालू आहे. तीदेखील सहानुभूती किंवा आत्तापर्यंत दगावलेल्या पंचवीस व्यक्तींबद्दल शोक वगैरे नसून यात कॅलिफोर्नियाचाच कसा दोष आहे आणि फेडरल गव्हर्मेंट मदत कशी रोखणार आहे, याबद्दल!
अर्थात, यात आश्चर्य वाटण्याजोगं काही नाही. एकतर, ट्रम्प आणि फॅक्ट्स यांचा काही परस्परसंबंध नसतो. दुसरं, म्हणजे मिडटर्म्समध्ये रेसिस्ट बोंबा मारूनही मतदार बधले नाहीत आणि अगदी कॅन्सस-ओक्लाहोमा-मोन्टानामध्येही वैयक्तिक प्रतिष्ठेची बाब करूनही सालटी काढली - याकडून लक्ष दुसरीकडे वळवायचं आणि मुख्य म्हणजे, अध्यक्षीय निवडणुकीत कॅलिफोर्नियाची मतं मिळण्याची सुतराम शक्यता नसल्याने चाललेला हा थयथयाट आहे. (या पार्श्वभूमीवर, ओबामा आणि ओबामा प्रशासन हरिकेन सँडीच्या वेळेला साऊथ कॅरोलायनासारख्या कट्टर रिपब्लिकन राज्याच्या पाठीशी कसं खंबीरपणे उभं राहिलं होतं, ते आठवण्याजोगं आहे.)
(बाकी, ट्रम्पच्या समर्थनाला तस्त घेऊन धावण्यापूर्वी, भक्तांनी कॅलिफोर्नियातल्या बहुतांश जंगलांची मालकी आणि देखरेख ही फेडरल गव्हर्मेटच्या अखत्यारीत येते, हे ध्यानी घ्यावं - यात राज्य सरकारचा काही संबंध येत नाही! ट्रम्पतात्यांनी ह्या फॉरेस्ट मॅनेजमेंटच्या बजेटमध्ये कपात केली होती.)
बातमीचा दुवा (फॉक्स न्यूज*चा आहे हो, मग 'फेक न्यूज' असा निर्बुद्ध आरडाओरडा नको): https://fox40.com/2018/11/10/trump-threatens-to-withhold-federal-paymen…
त्याच दुव्यातलं, कॅलिफोर्निया प्रोफेशनल फायरफायटर्सच्या अध्यक्षाचं प्रतिपादन:
"The president’s assertion that California’s forest management policies are to blame for catastrophic wildfire is dangerously wrong. Wildfires are sparked and spread not only in forested areas but in populated areas and open fields fueled by parched vegetation, high winds, low humidity and geography. Moreover, nearly 60 percent of California forests are under federal management, and another two-thirds under private control. It is the federal government that has chosen to divert resources away from forest management, not California.
"Natural disasters are not “red” or “blue” – they destroy regardless of party. Right now, families are in mourning, thousands have lost homes, and a quarter-million Americans have been forced to flee. At this desperate time, we would encourage the president to offer support in word and deed, instead of recrimination and blame."
*(मिडटर्म निवडणुकांपूर्वी ट्रम्पतात्यांची एक रेसिस्ट प्रचारजाहिरात, फॉक्स न्यूजने चक्क नॉट फॅक्च्युअल आणि रेसिस्ट आहे, म्हणून नाकारली. हे म्हणजे, भारत-पाकिस्तान लाहोर कसोटी सामन्यात पाकिस्तानी अंपायरने इंझमामला एलबीडब्ल्यू आऊट देण्यासारखं झालं!! चिमत्कारच की हो!!!)
खी: खी: खी:
ट्रंपतात्यांचं ट्विटर अकाऊंट बंद करायला हवं, असं त्यांचे काही चाहतेही म्हणतात ('रोज रोज किती छीथू: सहन करतील, ते तरी बिचारे!') - पण ते अर्थातच होणं नाही.
कालच तात्या ॲरिझोनातल्या सिनेट निवडणुकीत घडलेल्या कपोलकल्पित गैरप्रकारांबद्दल ट्विटरवर बरळत होते - तेव्हा राज्याच्या रिपब्लिकन गव्हर्नरने 'तात्या, मुकाट पडून ऱ्हावा बरं कोपऱ्यात' असं दटावून त्यांना गप केलं. (आज ती सिनेट सीट डेमोक्रॅट्सकडे गेली. इराक युद्धाला विरोध केल्यामुळे किर्स्टन सिनेमा 'देशद्रोही' आहे, असा मॅक्सालीकाकूंनी प्रचार करूनही!)
बॅक टू कॅलिफोर्निया वाईल्डफायर्स: फायरफायटर्सनी थोबाडल्यावर, आज ट्रम्पतात्यांनी गपगुमान शेपूट घातली आहे.
द. कॅलिफोर्नियातल्या आगी
पिडांकाकांचं गाव राष्ट्रीय चॅनलवरच्या बातम्यांमध्ये दिसलं. त्यांच्याकडे सगळं ठीक असेल अशी आशा आहे.
दुसरीकडे, तात्यांनी फ्लॉरीडा राज्यातल्या निवडणूक विषयक कायद्याकडे दुर्लक्ष करत, डेमोक्रॅटांनी निवडणूक हरल्याचं मान्य करावं अशी मागणी आज केली आहे. मतमोजणी अजूनही सुरूच आहे. फ्लॉरीडातल्या मतदार घोटाळ्याबद्दल तात्या आणि तात्यांचे रिपब्लिकन चमचे पुराव्याविरहीत बकवास करत आहेतच.
आयुका आणि पुलं
जुनी बातमी आहे, पण खफवर दिसलं त्यानुसार ऐसीकरांना हे अपडेट मिळालेलं नसावं -
IUCAA, Pune serves Rs 50L notice on TV serial for Pu La copyright infringement
(बातमीत नाव नसलं तरी दशमी क्रिएशन्स मांजरेकरांची आहे)
प्रताधिकाराचं काय?
आयुकाचं काम काय, हा प्रश्न माझ्या अखत्यारीत नाही. मात्र महेश मांजरेकरच्या संस्थेनं प्रताधिकाराचं उल्लंघन केलं असल्यास, त्यांना नोटीस पाठवणं, यात काही अजेंडा दिसणं किंवा त्याला शोध म्हणणं उगाच आहे.
हे काम आयुकाला देण्याचा निर्णय पुल आणि सुनीताबाईंचा असणार. ते काम स्वीकारण्याचा निर्णय आयुकाचा असणार. त्याची चिकित्सा करता येईल. मात्र हे स्वीकारलेलं काम केलं तर त्यात अजेंडा कसला?
कोण करतात, माहीत नाही.
'आयुका' सुरू झाली तेव्हा पुलंनी एक लाख रुपयांची देणगी दिली होती. तिथले बहुतेकसे खगोलशास्त्रज्ञ अमराठी आहेत. मराठी लोकांपैकी किती लोकांना या प्रकरणांत रस असेल, याबद्दल शंका आहे. (मलाही असली कामं करायला जीवावरच येईल.) अॅडमिन आणि गिरावलीच्या दुर्बीणीच्या इंजिनियरींगमध्ये मराठी लोकांचं प्रमाण बरंच जास्त असेल.
असं पाहा -
असं पाहा -
१) विज्ञानाला वाहिेलेली संस्था.
२) एका दानशूर व्यक्तीला त्या संस्थेस देणगी द्यायची आहे. त्याच्याकडे काही assets आहेत. त्यातून पैसा निर्माण होऊ शकतो. ( समजा शेअर्स आहेत. ) ते विकून त्याक्षणी जे पैसे येतील ते न देता शेअर्स दिले.
३) तर आता त्या संस्थेला या शेअर्सचे करायचे काय? विकायचे/ठेवायचे/बदलायचे यासाठी सभा घ्याव्या लागतील.
४) आता जे साहित्य हक्क मिळालेत त्याचा कोणी उपयोगच नाही केला, नवीन प्रकाशक आला नाही तर देणगी ही अध्याऱ्हुत( अध्यार्हुत?) राहीली. म्हणजे मुलीचा बापजाद्या इस्टेटीत वाटा असतो पण विकायला काढल्यावरच दृष्यस्वरुप येतं अन्यथा नाही तसं.
५) या जरतरच्या गोष्टी चर्चा म्हणून मुद्दा मांडतो - जर लेखन हक्क कुणाला विकून देणगीदाराने आलेली रक्कम देईल तर संस्था त्या रकमेचा उपयोग करायला / निर्णय घेण्यास।।मोकळी राहील ना?
तात्यांच्या शुभेच्छांमध्ये
तात्यांच्या शुभेच्छांमध्ये कोणत्या धर्माचं नाव मिसिंग आहे? :)
Today, we gathered for Diwali, a holiday observed by Buddhists, Sikhs, and Jains throughout the United States & around the world. Hundreds of millions of people have gathered with family & friends to light the Diya and to mark the beginning of a New Year. https://t.co/epHogpTY1A pic.twitter.com/9LUwnhngWJ
— Donald J. Trump (@realDonaldTrump) November 13, 2018
हिंदू हा शब्द फारशी
तात्या थोर आहे. आता तुमचा प्रश्न. हा शब्द फारशी असल्यामुळे वगळला हो तात्यानी. (उगा तुम्ही , योगीजी आणि मोदीजी चिडायला नकोत) आणि शेवटी जैन काय , शीख काय आणि (नवबौद्ध वगळता) बुध्धीस्ट काय , हिंदूच ना ते मूळचे....वगैरे
काही म्हणा, आदरणीय मोदींजींबद्दल आदर वाटायला/वाढायला हवा असेल तर तात्याकडे बघावे. मग आदरणीय मोदीजी सरदार पटेलांच्या पुतळ्यापेक्षा उंच वाटू शकतात. फोटोशॉप न करता, त्याच्याबद्दल खोटं नाटं न लिहिताही तात्या हा माणूस थोर करमणूक करतो.
डॉनी डॉनी, येस पापा
फोटोशॉप न करता, त्याच्याबद्दल खोटं नाटं न लिहिताही तात्या हा माणूस थोर करमणूक करतो.
निदान आजच्या दिवशी तरी बालडॉनूची थट्टा करू नका हो! चाचांना (थत्तेचाचा नव्हेत, ओरिगिनल चाचा) काय वाटेल!!
एखादं निष्पाप बालक अजाणतेपणे "Telling lies?" - "No, papa!" म्हणतं - त्याप्रमाणं तात्यांनी मॅट व्हिटेकरबद्दल काढलेले उद्गार पहा:
गेल्या महिन्यात, 'फॉक्स अँड फ्रेंड्स'शी बोलताना: “I can tell you Matt Whitaker’s a great guy. I mean, I know Matt Whitaker.”
परवा, व्हिटेकरला ॲक्टिंग ॲटर्नी जनरल (पक्षी: रॉबर्ट म्युलरच्या रशियन हस्तक्षेपाबद्दल चाललेल्या चौकशीत खोडा घालण्याची सुपारी) नेमल्यावर: “I don’t know Matt Whitaker,”
असहमत
तात्या ढ आहे असं मला अजिबात वाटत नाही. तात्या बेरकी आहे. ढपणाचा आव आणतो, लक्ष भलत्या गोष्टींकडे वळवतो.
आता या कॅलिफोर्नियात लागलेल्या आगीचंच उदाहरण पाहा. आधी फंडींग कमी केलं, आगी लागल्यावर भलतीकडेच तोफा वळवल्या आणि मग अंगलट यायला लागल्यावर माफी मागून मोकळा झाला. त्याच वेळेस हे मॅट विटेकर प्रकरण सुरू होतं. बरं या प्रकरणात अंगलट आलं तर खरोखर बुडाखाली बाँब फुटेल. विटेकर प्रकरण फार चाललं नाही, त्याला काढावं लागलं. चाललं तर चाललं, नाहीतर लोकांचं लक्ष कॅलिफोर्नियाकडे वळवायचं. शिवाय कॅलिफोर्नियात डेमोक्रॅट, म्हणजे विरोधी पक्ष, सत्ताधारी आहे. त्यामुळे सगळं प्रकरण संपलं की त्यांना नावं ठेवता येतीलच.
तात्या काय वाटेल ती ट्वीट्स करतो. किती वेळा खोटं बोलतो, याची मोजदादही लोक आता ठेवत नाहीत. कारण तो जेव्हा अतिशय महत्त्वाच्या मुद्द्यावर खोटं बोलेल तेव्हा लोकांनी त्याचा कडाडून विरोध करण्याची गरज असते. त्यामुळे बारक्यासारक्या गोष्टींबद्दल तात्या थापा मारतो, त्या सोडून द्याव्या लागतात. या सर्वसामान्य थापा आम-जनता (म्हणजे तात्याचे साधारण ४६-४८ टक्के समर्थक) किंवा त्यांच्यातला मोठा हिस्सा, सत्य आहे असंच म्हणून चालतात.
दुसरं महत्त्वाचं, तात्यांची भाषा अतिशय गचाळ छापाची. अमका इसम loser आहे, तमकी बाई कुरूप आहे छापाची. म्हणजे लोक सडक-बिजली-पानी किंवा अमेरिकेत महत्त्वाचे मुद्दे दिसताहेत ते म्हणजे आरोग्यविमा, इकॉनॉमी, याकडे लोक दुर्लक्ष करतात. लोक म्हणजे पत्रकार लोक. सुरुवातीला बराच काळ पत्रकार लोक 'तात्या आब राखत नाही, presidential नाही', याबद्दलच बोलत होते. तात्या लोकांच्या जिवांशी खेळायला मोकळा होता. आरोग्यविमा, मेक्सिकोच्या हद्दीवर पालक आणि मुलांची ताटातूट करण्याचे चाळे करून झाले. या महिन्यात झालेल्या निवडणुकांमध्ये डेमोक्रॅट (ट्रंपचा विरोधी पक्ष) आरोग्यविमा या मुद्द्यावर निवडणुका लढले आणि संसदेतलं खालचं सदन त्यांनी मिळवलं. मात्र तात्याच्या अनेक समर्थकांना ही गलिच्छ भाषा आवडते; तात्या पोलिटिकली करेक्ट बोलत नाही याबद्दल तात्याला हे लोक मोठा पाठिंबा देतात; याच्या सांगोवांगीच्या गोष्टी उदारमतवादी मैत्रांकडून ऐकल्या आहेत आणि विदाही हेच दर्शवते. (अशा छापाच्या काही प्रतिक्रिया दिवाळी अंकातल्या संकेतच्या लेखनावरही दिसल्या.)
भारतीय नेत्याशी जुळवून घेणं तात्याला परवडणारं नाही. कारण तात्याचा मंत्र आहे, परदेशी लोक भगाओ. नोकऱ्या पळवतात हे साले परदेशी लोक! त्यापुढचा बेरोजगारी वाढवणारा (खरोखरचा) मोठा शत्रू म्हणजे ऑटोमेशन. तंत्रज्ञान. या क्षेत्रात चिकार भारतीय लोक आहेत. H1-Bवर काम करणारे वगैरे. (शिवाय त्यात भारतीय कंपन्या घपले करतात, हे प्रसिद्ध आहेच.) हे म्हणजे फोडणी+मसाला असं सगळंच होतं. त्यामुळे मागच्या अंगणात मोदी-ट्रंप भातुकली खेळत असले (हे आहे का नाही, ते मला माहीत नाही) तरीही दाखवायचे दात निराळे ठेवावेच लागतात. नाही तर समर्थक सोडून देतील. (उद्या नरेंद्र मोदींनी गरीब आणि मुसलमान वस्त्यांमध्ये सडक-बिजली-पानीसाठी खरोखर मोठी तरतूद केली तर भारतात काय होईल? मध्यमवर्ग सोडून जाईल.)
तात्या ढ आहे यावर माझा अजिबात विश्वास नाही. तात्या संवेदनशील नाही, तात्याला सहानुभूती हा शब्दसुद्धा समजत नाही. तात्याला फक्त स्वार्थ समजतो. नाकातोंडात पाणी जाण्याची वेळ आली तर तात्या स्वतःच्या पोराबाळांनाही पायाशी घालून जीव वाचवणारी माकडीण बनेल.
बाकी सहमतच, पण ते ऑटोमेशनचं
बाकी सहमतच, पण ते ऑटोमेशनचं कळलं नाही. आयटी जॉब्स ऑटोमेशनने जाऊ शकतात किंवा जात आहेत हे सत्य आहे. त्यामुळे त्यातले भारतीय लोकही जाऊ शकतात हे आहेच. पण तात्याला जे मेक जॉब्स इन अमेरिका पायजे ते कसं होणार जर ऑटोमेशनला भाव दिला तर? इंडियन्स गो ब्याक तर गो ब्याक पण त्या जागी आम्रविकन्स तरी कसे येणार जर ऑटोमेशनला हवा दिली तर?
टु समराईझ: ऑटोमेशन इ. बद्दल तात्याचं म्हणणं नक्की काय आहे याबद्दल काही विदा आहे का?
Truth is not truth - Rudy Guiliani
ट्रंपतात्यांचे एक प्रमुख वितरक रुडीकाका ज्युलियानी यांचं प्रसिद्ध वाक्य - Truth is not truth. तात्यांच्या बोलण्या-वागण्यात सर्वसामान्य तर्क शोधण्यात काहीही हशील नाही.
तात्या ऑटोमेशनला नावं ठेवत नाहीत. मात्र ऑटोमेशनमुळे अनेक नोकऱ्या जात आहेत, हे ढळढळीत वास्तव अनेकांना दिसतं. डाव्या-उजव्या-मधल्या, पत्रकार-ट्वीटरकार, शिकलेले-अंगूठाछाप सगळ्यांना हे दिसतंय. ऑटोमेटेड गाड्या रस्त्यांवर येतील का, हा प्रश्न नाही; कधी येतील हा प्रश्न आहे. कमी अंतराच्या टॅक्स्या किंवा डिलिव्हरीचे ट्रक्स चालवण्यासाठी A.I. या दोन गोष्टी नजीकच्या भविष्यात होणारच आहेत. त्यातून अनेकांच्या नोकऱ्यांवर गदा येणार आहे. तात्या त्याबद्दल मोठ्यानं बोलत नाहीत याचं मुख्य कारण असावं, ही संघटित व्होटबँक नाही. या नोकऱ्या अजून शाबूत आहेत; त्यामुळे व्होटबँक तयार व्हायला वेळ लागेल. शिवाय ऑटोमेशन करणारे लोक अमेरिकेतच आहेत - कंपन्या चालू करणारे, चालवणारे वगैरे - कोणत्याही समूहावर आरोप करायचे, विशेषतः निवडणुका जिंकण्यासाठी, तर लोकांना सहज समजतील असे करावे लागतात. तात्या याबद्दल बोलतच नाहीत. तीच तर गंमत आहे.
मात्र तात्या सत्य कसं फिरवतात याचं उदाहरण म्हणजे कोळशाच्या खाणी बंद केल्यामुळे जाणाऱ्या नोकऱ्या. पवनचक्क्या, सौरऊर्जा वगैरे नव्या साधनांमधून ऊर्जानिर्मिती होत आहे. कोळशाची मागणी कमी होण्यामागे पर्यावरणनिष्ठ धोरण हे एकमेव कारण नाही; टेक्सासात नैसर्गिक वायूचे साठे मोठ्या प्रमाणावर सापडले. वायूचा उपसा करणं, वाहून नेणं कोळशापेक्षा स्वस्त आहे. ऑटोमेशनचा या क्षेत्रातला वाटा किती आहे, हे माहीत नाही. पण कोळशाचे दिवस सध्यातरी संपल्यात जमा आहेत. मात्र खापर फोडायचं पर्यावरणावर. कोळसाखाणींच्या प्रदेशात तात्यांना चिकार मतं मिळाली.
H1-Bवर येणारे इमिग्रंट्स दोन बॅगा घेऊन येत असले तरी चिकार कौशल्यं घेऊन येतात; जी अमेरिकी लोकांकडे नाहीत. वाक्याचा अर्धाच भाग तेवढा रटायचा की हे लोक दोन बॅगा घेऊन येतात आणि पाहा किती श्रीमंत होतात! दक्षिण अमेरिकेतून येणारे इमिग्रंट्स मोठ्या प्रमाणावर श्रमशक्ती आणतात; मेक्सिकन लोकतर हल्ली मातृभूमीत परत जाण्याचं प्रमाण वाढलेलं आहेच. एल साल्व्हादोर, होंडुरास या देशांमध्ये मोठ्या प्रमाणावर गँग्जचा हिंसाचार सुरू आहे म्हणून ते लोक अमेरिकेत पळून येत आहेत; याविरोधात तात्या बोलतात. पण त्यांच्याकडे येणारी शस्त्रं कुठे तयार होतात याबद्दल तात्या बोलत नाहीत. कोणीच बोलत नाहीत.
तात्यांच्या मतांची आणि मतदारांची भिस्त इमिग्रंट्स वाईट, गोरे चांगले आणि अमेरिका सोडून बाकी सगळे वाईट यावर आहे. गोरे नसलेल्या भारतीयांबद्दल तात्या का बरं बोलेल? किंबहुना भारतीयांच्या नोकऱ्या गेल्या तर त्याची पत्रास तात्यांनी का बाळगावी? ती अडचण मोदुलीची आहे.
टिंडर जेंडर
टिंडर ह्या लोकप्रिय डेटिंग अॅपमध्ये परदेशी वापरकर्त्यांना उपलब्ध असलेले लिंगपर्याय आता भारतीय आवृत्तीतही उपलब्ध झाले आहेत -
राष्ट्रद्रोही सिनेमे IFFIमधून वगळले
६-७ राष्ट्रद्रोही सिनेमे IFFIमधून वगळले अशी कबुली निवड समितीतले उज्ज्वल चटर्जी यांनी दिली आहे. नंदिता दास यांचा 'मंटो'ही महोत्सवात समाविष्ट नाही.
One can’t express anti-Indian sentiments, derogatory words against the country or encourage an attack against a particular religion. There were at least six-seven films that wrongly represented India. They were not considered because they reflected anti-national sentiments.
ट्रम्प फाशिस्ट आहे का?
ट्रम्प फाशिस्ट आहे का? ह्या प्रश्नावर काही स्कॉलर/अकादमीशियन लोकांनी व्यक्त केलेली मतं इथे वाचता येतील. त्या निमित्तानं फाशिझम म्हणजे काय, आणि त्याची लक्षणं कोणकोणती ह्याबद्दलही लोक बोलले आहेत. TLS ही इंग्लंडातली महत्त्वाची साहित्यविषयक पुरवणी आहे. गेली अनेक वर्षं ती टाइम्सची पुरवणी म्हणून नव्हे, तर स्वतंत्रपणे (साप्ताहिक) प्रकाशित केली जाते. आपल्याकडे इतकी मुद्देसूद आणि सचोटीने उत्तरं देणारे स्कॉलर / अकादमीशियन कोण म्हणता येतील?
पुरवणी - फॅसिझमचे मानसशास्त्र
पुस्तकाच्या ओळखीतून काही निवडक लेखकांची फॅसिझमबद्दलची मतं सांगत थोडी चर्चा करणारा फॅसिझमचे मानसशास्त्र हा नंदा खरे ह्यांचा लेख.
चाचा मला वाचवा!
थत्ते चाचा! काँग्रेसचे राष्ट्रीय प्रवक्ते बघा काय म्हणतायत!
Why blame @CreatorOfTwitt . Anti Bhrahmisam is the reality of Indian politics. Got accentuated in the North post Mandalisation of Indian politics . We are the new Jews of India and we should just learn to live with it . pic.twitter.com/mYXcgt9hx3
— Manish Tewari (@ManishTewari) November 20, 2018
पार्श्वभूमी
ट्विटरचा संस्थापक जॅक डॉरसी भारतभेटीवर आलेला. काही 'ॲक्टिव्हिस्ट' बरोबर त्याची बैठक झाली. त्यात त्याला त्या 'ॲक़टिव्हिस्ट' स्त्रीयांनी 'Smash Brahminical Patriarchy' असं लिहिलेलं पोस्टर भेट दिलं. वरील फोटोत जॅक डॉऱसीच्या हातात ते दिसतय. या फोटोवरून ट्विटर आणि जॅक डॉऱसीवर टीका झाली आहे ब्राह्मणविरोधी असल्याची.
https://www.bbc.co.uk/news
धर्मप्रसारासाठी गेलेल्ल्या अमेरिकी नागरिकाची सेंटीनलीज आदीवासींकडून हत्या.
ते वेगळ्या बेटावर प्रथमपासून
ते वेगळ्या बेटावर प्रथमपासून आहेत. कोणी तिथे येऊ गेला तर ते हल्ला करतात. त्यांच्यात बाकीच्या जगातल्या रोगांची इम्युनिटीही नाही. असे अनेक मुद्दे वाचण्या ऐकण्यात येतात.
वेगळ्या बेटावर नसलेल्या पण भारतीय भूमीवर landlocked एरियात राहणाऱ्या एका समाजाने शस्त्रे घेऊन इतर भारतीयांना (पोलीस, मिलिटरी आणि अन्य प्रदेशातल्या नागरिकांना) क्ष एरियात येण्यास मज्जाव केला, आणि तरीही येऊ पाहिल्यास सशस्त्र हल्ला केला तर ते "सहन केलं जाईल आणि त्यांना खास जमात / समूह म्हणून अस्तित्व जपण्यासाठी संरक्षण दिलं जाईल" की मिलिटरी हल्ला करून, अटक /
शिरकाण करून एरिया ताब्यात घेतला जाईल?
एक तात्विक प्रश्न. यातून अंदमान केसमधल्या निसटत्या बाजूही दिसल्या तरी चांगलं.
आजच्या 'डाव्या' बातम्या.
एनबीसी या डाव्या वाहिनीवर आजच्या या संदर्भातल्या बातम्या - या नरपुंगवानं म्हणे प्रभू येशूखातर हौतात्म्य पत्करलं. नरपुंगवाच्या कुटुंबीयांनी सदर आदिवासी जमातीला माफ केलं आहे.
अमेरिकेत अजूनही देहदंड दिला जातो. त्या मारल्या गेलेल्या लोकांचे नातेवाईक अमेरिकी सरकारला माफ करतात का कसं, याबद्दल मला कुतूहल वाटायला लागलं आहे.
खाशोज्जी, सौदी आणि ट्रम्प
हे वाचून असं वाटतं की बाकी काहीही असो, पण आपला माणूस आणि त्याचे रोजचे ट्वीट्स किंवा अधिकृत सरकारी विधानं अद्याप ह्या पातळीवर पोचलेली नाहीत ह्याविषयी रोज सकाळी उठून देवाचे आभार मानायला हवेत.
In 633 words, punctuated by eight exclamation points and written in an impolitic style that sounded like Mr. Trump’s off-the-cuff observations, the statement was a stark distillation of the Trump worldview: remorselessly transactional, heedless of the facts, determined to put America’s interests first, and founded on a theory of moral equivalence.
In Extraordinary Statement, Trump Stands With Saudis Despite Khashoggi Killing
डावी, उदारमतवादी खासदार
अमेरिकेतली एक डावी, उदारमतवादी खासदार, तुलसी गॅबार्ड हिचं ट्वीट -
Hey @realdonaldtrump: being Saudi Arabia’s bitch is not “America First.”
— Tulsi Gabbard (@TulsiGabbard) November 21, 2018
बोन स्पर ऑफ कंटेन्शन
In Extraordinary Statement, Trump Stands With Saudis Despite Khashoggi Killing
याबद्दल अलीकडेच वाचलेलं एक मार्मिक ट्विट:
All I'm saying is that would be nice if Donald Trump was mad at the guys who killed Jamal Khashoggi instead of the guys who killed Osama bin Laden.
बाकी तुळशीकाकू राजकारणात येण्यापूर्वी सैन्यात होत्या (इराक युद्धावेळी) - हे इथं नमूद करायला हवं. ट्रम्पतात्यांनी बोन स्परचं कारण सांगून व्हिएतनाम युद्धाच्या वेळी पाचवेळा दांड्या मारल्या होत्या (ते डॉक्टरचं सर्टिफिकिट आता अर्थातच सापडत नाहीय!).
जाहिरात नाही.
ब्लॅक फ्रायडे नामक एक चवचाल, चंगळवादी प्रकरण अमेरिकेत असतं. त्याचे तपशील मरोत. मात्र त्या निमित्तानं ...
युडेमी नावाच्या वेबसाईटवर बरेच कोर्सेस आहेत. संगणकाच्या भाषा, मानवी भाषा, शिवण, विणकाम, न्यूरोप्लास्टिसिटी, असे काय वाटेल ते विषय आहेत. आणखी दोन दिवस तिथे सेल आहे. कोणताही कोर्स १० डॉलरांत विकत घेता येईल. एकदा विकत घेतला की तुमच्या सवडीनं कधीही व्हिडिओ बघा. मी दोन कोर्सेस विकत घेतलेत. तुम्हाला तुमच्या आवडीनिवडीचं काही मिळालं तर बघा.
हवामानबदल मार्क्सिस्टांचा कावा
ब्राझीलच्या मंत्र्यांना हवामानबदल मार्क्सिस्टांचा कावा वाटतो.
ब्राझीलच कशाला?
तात्यांचा कावा समजला का?
ब्लॅक फ्रायडेच्या मुहुर्ताला अमेरिकी लोक खरेद्या करत सुटले होते; एकीकडे इशान्य अमेरिकेत उच्चांकी थंडी होती आणि ट्रंपुलीच्या मुखंडांनी पर्यावरण, तापमान वाढीचा रिपोर्ट त्याच दिवशी प्रकाशित केला. (बातमीचा दुवा.) 'डावी' वाहिनी NBCवर रविवारी सकाळी एका टॉकशोवर पाहुणी बाई म्हणत्ये, "आपल्याकडे उच्चांकी थंडी पडल्ये; आणि कुठल्या ग्लोबल वॉर्मिंगबद्दल बोलताय तुम्ही?" 'आपल्याकडे' म्हणजे फक्त इशान्य अमेरिका असणार, या वर्षी टेक्सासात तापमानाचे बरेच उच्चांक गाठले गेले. वर तिचं म्हणणं होतं, "मी काय (बाई) शास्त्रज्ञ नाही, मी फक्त नागरिक आहे. त्यामुळे हवामानबदल मनुष्याच्या कृतींमुळे होतो का नाही, हे मला माहीत नाही." हे म्हणायलाही हरकत नाही; मात्र तिला कोणी विरोधही केला नाही, यामुळे आणखी तणतण होते.
महत्वाची बातमी:
झी मराठी वाहिनीवरील अल्पावधीत लोकप्रिय ठरलेली ‘तुला पाहते रे’ ही मालिका बंद करण्याची मागणी करण्यात आली आहे. सामाजिक कार्यकर्ते प्रदीप नाईक यांनी पुणे जिल्हाधिकाऱ्यांना यासंदर्भात निवेदन दिलं आहे. या मालिकेतून समाज प्रबोधनाचा कोणताही संदेश नाही, उलट महाराष्ट्राची संस्कृती बदलण्याचा त्यांचा ध्यास आहे, असा आरोप प्रदीप नाईक यांनी केला आहे.
‘या मालिकेत २० वर्षांची मुलगी ४० वर्षीय व्यक्तीच्या प्रेमात पडल्याचं दाखवलं आहे. मात्र हा संदेश जिजाऊंची शिकवण असलेल्या महाराष्ट्रासाठी घातक आहे. या मालिकेतून आमच्या माता-भगिनींना वेगळा संदेश देण्याचा घाट घातला जात आहे. याबाबत आम्ही संबंधित वाहिनीकडे फोनवरुन तक्रार दिली, मात्र ई- मेल करण्यास बजावून आम्हाला धुडकावून लावले. या महाराष्ट्राला संतांची परंपरा लाभली आहे. त्यामुळे पुरोगामी महाराष्ट्राला धक्का पोहोचवला जात आहे. या मालिकेतील दिग्दर्शक, निर्माते किंवा अभिनेते आपल्या घरातील २० वर्षीय मुलीचे लग्न ४० वर्षीय युवकाशी लावून देतील का? त्यामुळे या मालिकेत बदल करावा अन्यथा बंद करावी,’ असं प्रदीप नाईक यांनी निवेदनात म्हटलं आहे.
व्हय जी
पण आता हे रिकामबोट प्रदीप कोणसेसे - त्यांना काय खाज "याचिका" वगैरे घेऊन जायची?
अशा लोकांमुळेच महाराष्ट्र मागे राहिलाय म्हायतिये?
२० वर्षाच्या पोरीला ४० वर्षांचा बाप्या आवडला तर ह्याचं काय गेलं ? बरं गेलं तर गेलं.. डायरेक्ट कोर्टात?
आपली कोर्टसुद्धा असल्या याचिका दाखल करून घेतील आणि मग अगम्य भाषेत ३०० पानी निकाल देतील.
..
म्हाताऱ्यांना काठी मिळत असेल,
म्हाताऱ्यांना काठी मिळत असेल, मल्ल्याचं कॅलिंडर कुणाला मिळत असेल ( जानेवारी आलाच) तर मध्येच खो घालू नये. चारदोन कलाकारांना रोजीरोटी, ब्रेक मिळतोय ना? पुर्वी गोवा अकादमी, सुरेशभट किती लोकांना काम देऊ शकले असते?
मुंबईच्या कलाकारांनी कमावले अंधेरी ते वडाळा भक्तीपार्क प्रवास करून. पुण्याच्या कलाकारांनी कात्रज ते कोरेगावपार्क प्रवास का करू नये एशी टॅक्सीने? कधीमधी लंडन?
इफि गोवा निकाल
रशियाव्याप्त युक्रेनमधली सद्यपरिस्थिती दाखवणाऱ्या आणि रशियात ज्यावर बंदी आहे अशा 'डॉनबास' चित्रपटाला सुवर्णमयूर आणि 'अंगमली डायरीज'फेम लिजो जोसे पेलिसेरीच्या 'ई. मा. यू.'ला रजतमयूर पुरस्कार मिळाला आहे.
अभी न जाओ ** कर...
सेन्सर केल्यामुळे काही शब्द जास्त पसरतात याचं उत्तम उदाहरण.
छोड आये हम वो गलियाँ...
छोड आये हम वो गलियाँ...
मित्राने २००४-२००५ साली नवा फोन घेतला, तेंव्हा पहिल्यांदा वाचलेला एसेमेस आठवला - देवदास म्हणतो "बाबूजीने ने कहा गाँव छोड दो, सब ने कहा पारू को छोड दो, आज तुमने केह दिया हवेली छोड दो, एक दिन आयेगा वो कहेंगे दुनिया छोड दो"
हिंदी मेसेज इंग्रजीत वाचतांना बराच वेळ कळलं नाही, नंतर "ड" लक्षात आलं.....
बायकांना शबरीमलैमध्ये प्रवेश
बायकांना शबरीमलैमध्ये प्रवेश नको या मागणीसाठी बायकांचाच मोर्चा?
मुळात तो अय्यपा देवपण दिलेला ( मुरुगनचा अवतार समजतात)एक तरुण आहे. खरी घडलेली कथा आहे. पौराणिक नाही. केवळ रानात/अरण्यात एकटाच राहू शकला म्हणजे अवतार असावा असे मानतात.