अपलोड-वेणा

सिंग्युलॅरिटीच्या या गोठल्या वर्तमानकाळात
संगणकेश्वराच्या फतव्याबरहुकूम
माझा सायबोर्गावतार संपविण्यासाठी
अपलोडतोय महास्मृृतिकोषात
माझ्या जाणिवा, नेणिवा,
अन्
होलोग्राफिक अस्तित्वखुणा.

ई-जैवकचरा होऊन वितळेन मग
पुनर्घटनाच्या अखंड धगधगत्या यज्ञात.

हजर होईल
माझा डिजिटलावतार
कधीही, कुठेही.
संगणकेश्वराच्या मर्जीनुसार.

सायबरअमरत्वाच्या
या दुर्धर अटळ अपलोड-वेणा
माझ्या एकेका सर्किटनसेतून
ठिबकू लागल्यायत.
अनावर.