आपरेशन सिंदूर : ट्रंप तात्या कोमात

तेव्हा तात्या शेठचे दोस्त होते हो!

(आता बहुतेक दोघांत फाटलेले दिसतेय.)

(तेव्हासुद्धा बोललो होतो (आठवत असेल, तर): तात्या काय, किंवा शेठ काय, ही स्वतःच्याच आवाजाच्या प्रेमात पडलेली मंडळी आहेत. ही मंडळी खऱ्या अर्थाने कोणाची “दोस्त” कधीच होऊ शकत नाहीत.)

(तसेही, आंतरराष्ट्रीय राजकारणात कोणीही कोणाचेही कायमस्वरूपी दोस्त किंवा कायमस्वरूपी शत्रू नसते; असतात, ते फक्त कायमस्वरूपी स्वार्थ/मतलब/हितसंबंध, असे म्हटले जाते. ते ठीकच आहे, परंतु, या दोघांचे अंमळ लवकरच फाटले, म्हणायचे.)

(बाकी, शेठचेच तात्यांशी फाटले, म्हटल्यावर, चमचे तोंड फिरवणारच! शेवटी, ते चमचे शेठचे आहेत, तात्यांचे नव्हेत.)

असो चालायचेच.

(पापी पोटासाठी कायकाय करावे लागते माणसाला!)

(घ्या! आता आम्हीसुद्धा पैशाची भाषा फस्क्लासपैकी बोलू लागलो, की नाही?)

असो चालायचेच.

भारत कधीच आपले एयर फील्ड अमेरिकेला वापरू देणार नाही.

Well, for India’s sake, I certainly hope so.

नाही म्हणजे, भारताच्या धोरणाचा (थेट स्वातंत्र्यापासून, पार नेहरूंच्या काळापासून) आजवरचा trend पाहता, आपल्या म्हणण्यात बहुधा तथ्य असावेसे वाटते. (आणि, ते (भारताच्या दीर्घकालीन हितसंबंधांच्या दृष्टिकोनातून) योग्यच आहे, याबद्दल दुमत नाही.) परंतु, कसे आहे ना, की, मोदी है, तो साला कुछ भी मुमकिन है; त्यामुळे… सांगवत नाही.

(विशेषेकरून, नेहरूंच्या काळापासून हे असेच धोरण आहे, म्हटल्यावर, (१) नेहरूंना (नि काँग्रेसला) शिव्या घालण्याची, नि (२) स्वतःस श्रेय घेण्याची, सुविधा नाहीशी होते, म्हटल्यावर…)

तरीही, तुम्ही म्हटले आहेत, त्याप्रमाणेच होईल, अशी आशा व्यक्त करतो.

कालच ते बरळले भारताची अर्थव्यवस्था मेलेली आहे.

तात्या कधीही, काहीही बरळू शकतात. (आणि, आज एक बरळले, तरी, उद्या त्याच्या नेमके उलट असेही काही बरळू शकतात.) ही (निदान आमच्याकरिता तरी) नवी बातमी नाही. त्यांचे कोठलेही म्हणणे आम्ही कधीच गंभीरपणे घेत नाही, की त्यांच्या कोठल्या म्हणण्याला कधी काही विशेष अर्थ लावीत नाही.

(तात्यांच्या तुलनेत, तुमच्या शेठनासुद्धा आम्ही (तसूभर का होईना, परंतु) अधिक अक्कल असल्याचे क्रेडिट देतो, यातच काय ते समजा.)

सांगण्याचा मतलब, तात्या काहीही बरळोत, त्याने (१) भारताची अर्थव्यवस्था (अ) मेलेली आहे, किंवा (ब) जिवंत नि धडधाकट आहे, यांपैकी काहीही सिद्ध होत नाही, नि (२) तात्यांचे बरळणे हे ते कोमात गेल्याचे द्योतक नाही. (असे बरळणे हे त्यांच्याकरिता ‘नॉर्मल’ आहे, नि नित्याचे आहे.)

(हं, तात्या कायमस्वरूपी कोमातच असतात, असा जर का तुमचा दावा असेल, तर गोष्ट वेगळी.)

(आणि, हो. तात्या तुमच्या शेठचे दोस्त नाहीत, नि कधीही नव्हते. And vice versa.)

या शिवाय तात्या पाकिस्तान मध्ये तेल शोधणार. पाकिस्तान ते तेल भारताला विकेल. तात्यांचे हास्यास्पद विधान ते कोमात गेलल्याचे लक्षण आहेत.

पुन्हा: तात्यांकडून येणारे कोणतेही, कितीही हास्यास्पद विधान हे ते कोमात गेल्याचे लक्षण नाही. किंबहुना, हे तर ते नॉर्मल असल्याचे लक्षण आहे!

(त्यांच्याकडून याहून वेगळी अपेक्षा आम्ही ठेवीत नाही. किंबहुना, ते जर कधी काही sensible बोलले, तरच आम्हाला आश्चर्याचा धक्का बसेल.)

बाकी तात्यांची इच्छा आहे, त्यांच्या देशात उद्योग लागले पाहिजे, त्यांचा माल विकला गेला पाहिजे या साठी ते प्रयत्न करत आहे.

असा आव तात्या आणतात खरे. (काश हे खरे असते!) (अतिअवांतर: ‘काश’करिता कोणी एखादा चांगला मराठी प्रतिशब्द सुचवेल काय?)

प्रत्यक्षात, तात्या हे स्वतःच्या इगोला तात्कालिक बूस्ट देण्याव्यतिरिक्त इतर कोणत्याही कारणासाठी कधीही नि काहीही करत नाहीत. देश (त्यांचा स्वतःचा, किंवा इतर कोणाचाही) खड्ड्यात जरी गेला, तरी त्यांना त्याचे काहीही पडलेले नाही.

(एकच अपवाद आहे. दुसऱ्या एकाच कारणाकरिता ते कधी काही करू शकतात. ते कारण म्हणजे, त्यातून त्यांना जर काही वैयक्तिक आर्थिक लाभ होणार असेल, त्यातून त्यांच्या स्वतःच्या खिशात थेट जर काही पैसे पडणार असतील, तर. आणखी तिसरी शक्यता संभवत नाही.)

पण पाकिस्तानी मूर्ख नाहीत

याबद्दल नक्की खात्री नाही. पाकिस्तानी अवाम (जनता) महामूर्ख आहे, याबद्दल आमच्या मनात फारसा संदेह नाही. पाकिस्तानी establishment (सेना, राजकारणी, आणि पंजाबी elite) ही अत्यंत स्वार्थी, आपमतलबी, अविश्वासार्ह, कातडीबचावू (आणि बाय डीफॉल्ट खोटारडी!) आहे, एवढे निश्चित; मूर्ख… आता तुम्ही म्हणताय, तर नसेलही कदाचित, परंतु… मूर्ख समजा जरी नसली, तरी फारशी brightही नसावी. (चूभूद्याघ्या.)

बाकी, सकाळीसकाळी ऑफ ऑल द पीपल तुमच्याकडून ऑफ ऑल द पीपल पाकिस्तान्यांबद्दल compliment वाचून आश्चर्य वाटले. असो.

आणि मुनीर झेलेंस्की ही नाही.

यातून नक्की काय म्हणायचे आहे, ते कळले नाही. झेलेन्स्की स्वतःच्या देशाकरिता लढत आहे; मुनीरबाबत तसे म्हणता येणार नाही, हा (माझ्या मते) या दोघांमधला महत्त्वाचा फरक आहे. असे जर काही सुचवीत असाल, तर बहुधा सहमत आहे.

पण तात्यांना भारतसोबत संबंध चांगले ठेवायचे आहे

भारताचे आणि अमेरिकेचे संबंध सुधारले, किंवा बिघडले, यांपैकी काहीही जरी झाले (आणि त्यातून अमेरिकेचा फायदा किंवा नुकसान यांपैकी काहीही जरी झाले), तरी तात्यांना त्याचे काहीही पडलेले नाही; त्यांना त्याचे सोयरसुतक नाही.

(पुन्हा सांगतो: तात्या कोठलीही गोष्ट फक्त दोनच कारणांकरिता करू शकतात: एक तर वैयक्तिक इगोसाठी, नाहीतर वैयक्तिक लाभासाठी. तिसरी शक्यता संभवत नाही.)

आणि तालावर नाचायचे ही आहे.

(तुम्हाला ‘नाचवायचे’ म्हणायचे असावे, असे गृहीत धरतो.)

हं, हे बरोबर आहे. त्याने तात्यांचा इगो प्रचंड सुखावतो! (इतर कोणतेही कारण नाही.)

त्यामुळे भारताबाबत रोज त्यांचे विधान बदलत राहतात.

भारताबाबतची (किंवा फॉर्दॅटमॅटर कशाहीबाबतची) तात्यांची विधाने रोज बदलत राहतात, याचा तुम्ही म्हणता त्यापैकी कशाशीही संबंध नाही. तात्या रोज विधाने बदलतात, ही तात्यांची पद्धत आहे (किंवा सवय आहे म्हणा); अन्य काहीही नाही.

तुम्ही त्यांच्या विधानांतून नको तितका अर्थ वाचू पाहात आहात, एवढेच नम्रपणे सुचवावेसे वाटते.

यालाच कोमात जाणे म्हणतात.

याबद्दल साशंक आहे. परंतु, मराठी तरुणाईच्या lingoशी, (१) मी महाराष्ट्रात राहात नसल्याकारणाने, आणि, (२) त्या वयोगटातील नसल्याकारणाने, मी तितकासा परिचित नाही, अत एव, त्यातला मी तज्ज्ञ तर निश्चितच नाही. त्यामुळे, माझी समजूत कदाचित चुकीचीही असू शकेल. कदाचित तुम्ही त्या lingoशी माझ्याहून अधिक परिचित असणे अगदीच असंभव नाही. (तुम्हीसुद्धा महाराष्ट्रात राहात नसलात, नि तुम्ही माझ्याहूनही अधिक वयोवृद्ध असलात, तरीही.) त्यामुळे, तुमचे म्हणणे बरोबर नाहीच, असे मी खचितच म्हणू शकत नाही. सबब, I bow to possibly superior knowledge.

असो. बाकी तुमचे चालू द्या.

भारत कधीच आपले एयर फील्ड अमेरिकेला वापरू देणार नाही.

देऊ नये, याबद्दल सहमत आहे. परंतु, आता कधीच देणार नाही म्हणताय, तर…

माझी आठवण जर मला दगा देत नसेल, तर, ९/११ जेव्हा घडले, त्याच्या लगेच नंतरच्या काळात (मला वाटते वाजपेयींचे सरकार होते तेव्हा. (चूभूद्याघ्या.)), तत्कालीन भारत सरकारने, अफगाणिस्तानातील तत्कालीन तालिबान सरकारच्या अड्ड्यांवर हवाई हल्ले करण्याप्रीत्यर्थ, आपली विमानक्षेत्रे अमेरिकेस तात्कालिक स्वरूपात वापरू देण्याची ऑफर केली नव्हती काय? (तत्कालीन वर्तमानपत्रांतून वाचल्याचे अंधुकसे आठवते.)

(अमेरिकेने ती ऑफर स्वीकारली नाही — किंबहुना, तिच्याकडे पूर्ण दुर्लक्ष करून, पाकिस्तानी विमानक्षेत्रे वापरून आपला कार्यभाग सिद्धीस नेला — ही गोष्ट वेगळी. तसेही, अमेरिकेच्या दृष्टिकोनातून, (१) भारतीय विमानक्षेत्रे वापरणे हे (भौगोलिक कारणांमुळे) तितकेसे सोयिस्कर ठरले नसते, तथा (२) पाकिस्तानी विमानक्षेत्रे वापरणे हे (अनेक कारणांमुळे) सोयिस्कर तथा फायदेशीर होते, ही गोष्ट पूर्णपणे वेगळी. मुद्दा तो नाही. (माझी आठवण चुकीची नसल्यास) तत्कालीन (पक्षी: वाजपेयींच्या) भारत सरकारने अशी ऑफर केली होती, एवढेच दर्शविण्याचा माझा उद्देश होता.)

(चूभूद्याघ्या.)

असो चालायचेच.

"बिना डोके वापरता प्रतिसाद लिहिले आहेत" असे आपण म्हणता ते माझ्याबाबतीत अगदी खरे आहे. गेल्या अकरा वर्षांपासून मी स्वतः विचार करणे बंद केले आहे. WhatsApp forwards आणि या लेखासारखे माहितीपूर्ण लेख वाचूनच आता कुणाची भक्ती करायची / कुणाचा द्वेष करायचा हे ठरवतो.
अशाच एका (आणि अनेक) लेखांमधून हे मत ठाम झाले होते की मा. ट्रम्प जे करतात ते "आपल्या" फायद्याचे असते (आज तसे वाटत नसले तरी) यावर शंका घेण्याचे पातक फक्त देशविघातक व्यक्तीच करतात.
पण आता हे बदलले असेल तर तसे समजून चालू.
फक्त एक विनंती अशी की उद्या माननीय विश्वगुरूंच्या कुठल्याही निर्णयाबद्दल/ धोरणाबद्दल अशी शंका घेतलीत तर ते आम्ही मान्य करूच शकणार नाही - आम्ही "रेघ" तिथे ओढली आहे!

मस्त प्रतिसाद !! आवडला !!
थोडा बदल करुन कुठेही वापरता येईल ! :)

------------------------------
तुम्हाला एकुणात भाजपचे सारे सारे चूकच वाटते का? सध्या मी डाव्यांच्या बाजूने नाही, भारत सरकारच्या बाजूने आहे, म्हणण्याची सोय आहे. पण जरा विचार करुन बघा.

मागच्या दहा अकरा वर्षांत ह्या सरकारच्या गोष्टी आवडल्याबद्दल तुम्ही कधी उल्लेख केला आहे का? किती प्रमाणात केला आहे?

एकशे चाळीस कोटी नागरिकांचे सरकार ही मोठी, अजस्त्र , महाकाय यंत्रणा आहे. त्यात सारेच नेहमीच चूकच कसे असेल?

त्यातले तुम्हास कधी काही आवडले का?

आवडले नसल्यास तुमच्यात अन् नवाचा भोंगा ह्यात फरक तो काय?

कुठल्याही मुद्द्यावर साधारण मांडणी ही फक्त dash dash dash ...."आणि म्हणून भाजपचे/सरकारचे चूकच आहे" ही template असेल तर त्याला कितपत गांभीर्याने घ्यायचं?
-------------------

=))

२०१७मध्ये हे नाव वापरायला सुरुवात झाली. ऐसीच्या २०१८च्या दिवाळी अंकात 'खास रे' च्या संजयच्या मुलाखतीत त्याबद्दल काही माहिती मिळेल. (मुलाखतीचा दुवा)