खार बाई खार...
ग्लोरी
खार बाई खार, लाडाची खार
झाडाच्या अंगावर खेळते फार
मोर बाई मोर
रंगांचा चोर
चोरलेत बाई त्याने रंग हजार
भालू बाई भालू
चाले डुलूडुलू
नाचून दाखवतो गमतीदार
मनी बाई मनी
किती किती गुणी
गरम गरम दुध पिते करून गार
हत्ती बाई हत्ती
जाडजूड किती
त्याचीच भिती त्याला वाटते फार
ससा बाई ससा
धरू तरी कसा
चाहूल लागताच होतो पसार...
- ग्लोरी
साहेब सगळ्या बालगीतांना चाली
साहेब सगळ्या बालगीतांना चाली लाऊन सीडी येऊ देत १ अता,नाय तर आधीच आलेली असेल तर नाव तरी कळवा? आंम्ही (आमच्या माननीय धंद्याला स्मरून) अनेक देवांचे जन्म दरवर्षी करत असतो,तेंव्हा ते पाळणे म्हणतो ना,त्यांची का कोण जाणे आज अठवण झाली...पण खुप बंरं वाटतं हो तुमच्या कविता वाचतांना..वा वा फार छान..! :-)
अरे वा!
तुम्ही या बालकविता फारच छान करताय. आवडली कविता. अजून येऊ द्यात.