एकच प्याला, चार शक्यता, चार जोड्या!!
अर्धा भरलेला प्याला आणि त्यासंदर्भातला आशावाद/निराशावाद हे उदाहरण आपण नेहमी ऐकत आलेलो आहोत. त्याबाबतचे माझे नवे विचार मी खाली मांडले आहेत:
आपल्याला कल्पना आहेच की आशावादी मनुष्य अर्धा भरलेला प्याला "अर्धा पूर्ण" आहे असे मानतो तर निराशावादी "अर्धा अपूर्ण" आहे असे मानतो.
पण आता दोन्ही प्रकारच्या व्यक्तीसंदर्भात दोन शक्यता वर्तवता येतात:
(१) आपण प्रथम आशावादी मनुष्याचा विचार करू:
(१-अ) आशावादी मनुष्य अर्धा भरलेला प्याला "अर्धा पूर्ण" आहे असे मानतो त्यामुळे त्यात तो समाधानी होतो आणि उरलेला अर्धा भरण्यासाठी कधी प्रयत्नच करत नाही.
किंवा
(१-ब) आशावादी मनुष्य अर्धा भरलेला प्याला "अर्धा पूर्ण" आहे असे मानतो त्यामुळे त्याचा आशावाद त्याला उरलेला अर्धा प्याला सुद्धा भरायला उद्युक्त करतो.
(२) आपण आता निराशावादी मनुष्याचा विचार करू:
(२-अ) निराशावादी मनुष्य अर्धा भरलेला प्याला "अर्धा अपूर्ण" असे मानतो त्यामुळे त्यात तो समाधानी नसतो आणि त्याला तो पूर्ण भरण्याची ऊर्मी मिळते.
किंवा
(२-ब) निराशावादी मनुष्य अर्धा भरलेला प्याला "अर्धा अपूर्ण" असे मानतो त्यामुळे तो अधिक निराश होवून प्याला पूर्ण भरण्याचा विचार सोडून देतो.
तुम्हाला काय वाटते कोणती जोडी बरोबर आहे?
जोडी १- (१-ब) आणि (२-ब): आशावादी असणे चांगले!
जोडी २- (१-अ) आणि (२-अ): निराशावादी असणे चांगले??? (काय सांगता?)
जोडी ३- (१-ब) आणि (२-अ): कोणताही "वादी" असले तरी परिणाम चांगलाच??? असे कसे? असे कसे?
जोडी ४ - (१-अ) आणि (२-ब): कोणताही "वादी" असले तरी परिणाम वाईटच??? असे कसे? असे कसे?
प्रतिक्रिया
माझ्या मते
१-ब ............... श्रेष्ठ
२-अ ................मध्यम
१-अ & २-ब ............कनिष्ठ
अपुली ताई - तुम्ही एकदम
अपुली ताई - तुम्ही एकदम सीरियसली घेतलेत की ह्या धाग्याला
फार अभ्यासपूर्ण चर्चांची,
फार अभ्यासपूर्ण चर्चांची, व्यासंगाची आवश्यकता नसलेले असे धागेच आम्ही पामर लोक (राखीव कुरण नसलेले) व्यक्त होण्याकरता वापरतो झालं
तसे पाहता...
...आशावादी आणि निराशावादी माणसात फारसा फरक नसावा.
कोणीसे म्हटलेलेच आहे:
मस्त वाक्य
मस्त आहे हे वाक्य!
२-ब फक्त बरोबर आहे. बाटली
२-ब फक्त बरोबर आहे. बाटली असल्याचा उल्लेख नसल्याने उरलेला अर्धा प्याला भरण्याचा विचार निष्फळ आहे.
पण मी काय म्हंटो -
कशाने भरणार तो प्याला? हे सांगितल्याशिवाय मजा नाय.
==================
भूतकाळातील आस्वल्य.
सहमत
प्याला विषाचा असला तर?
बाकी कोणताही 'वादी' होण्यापेक्षा 'प्रतिवादी' होणं जास्त चांगलं! निदान वादीकडून खटल्याचा खर्च तरी वसूल करून घेता येतो!!!!