मनातील छोटे मोठे प्रश्न किंवा विचार - भाग ३३

अजुन एक प्रश्न आहे. चंद्र हा लक्ष्मीचा भाऊ आहे हे माहीत होते कारण दोघे क्षीरसागरातून, सागर-मंथनाचे वेळी निघाले.
पण खालील श्लोकात, शुक्रास, लक्ष्मीचा भाऊ का म्हटले आहे?

उल्हास दायक कवे भृगुवंशजात
लक्ष्मी सहोदर कलात्मक भाग्यदायिन् ।
कामादिरागकर दैत्यगुरो सुशील
श्री शुक्रदेव मम देहि करावलम्बम् ॥ ६॥

मूळ प्रश्नांची उत्तरे माहीत नाहीत. तोपर्यंत पुढचा प्रश्न नोंदवून ठेवतो.

आपल्या स्वतःच्या अनुभवावरुन, इतर मित्र/नातेवाईकांच्या अनुभवांवरुन, वाचन आणि जनरल नॉलेजवरुन, आकडेवारीवरुन यापैकी एका किंवा अनेक गोष्टींवरुन भारतात राहण्यासाठी सर्वात छान* (छानची व्याख्या सांगता येत नाही) शहर कोणतं? हवामान, संधी, राहत्या जागांची विस्तीर्णता, गर्दी, ट्रॅफिक, सुविधा, कॉस्ट ऑफ लिव्हिंग, मनोरंजन, सोशल लाईफ आणि अन्य मुद्द्यांवर मुंबई, दिल्ली, बंगलोर, चेन्नई, पुणे, हैदराबाद, मैसूर यापैकी किंवा इतर कोणती शहरं चांगली आहेत?

कायमचे सेटल होणे यादृष्टीने कोणती चांगली आहेत?

माझ्या अनुभवानुसार काही संकीर्ण निरीक्षणं. अर्थात मर्यादित व्यक्तिगत परीघातली:

अ. कोंकणातले लहानपणचे मित्र - त्यांपैकी तीन चतुर्थांश मित्र तीनचार दशकांनंतर अद्यापही कोंकणातच आहेत. आणि मोस्टली त्याच गावांमधे. त्यांनी फार पैसेवाल्या करियर किंवा खास उद्योगधंदा केला असं नाही, पण ते कोंकण सोडायला तयार नाहीत.

ब. देशावरचे मित्र / लोक शिक्षणानंतर त्या त्या गावातून बाहेर निघण्याचं प्रमाण फार मोठं आहे. एखाद दुसरा मित्र (तोही घरचा व्यवसायधंदा असलेला) तिथे सेटल होऊन राहिलाय. अन्यथा देशात आणि परदेशात मायग्रेशन झाले आहे.

क. बंगलोर या ठिकाणी जे जे मित्र / नातेवाईक / कलीग्ज इ इ गेले त्यातले निम्म्याहून अधिक तिथेच सेटल झाले आणि उरलेले बहुतांश संधी मिळाल्यास तिथेच सेटल होण्याची इच्छा बाळगून आहेत. तिथे काहीतरी असं आहे की जे त्यांना सर्वांना आवडलं आहे, आणि भाषा किंवा प्रांत असा मुद्दा मनात न येता ते तिथे घरबीर खरेदी करुन कायमचे राहिलेत.

ड. मुंबईचं विकेंद्रीकरण (अर्थात जवळपासही चालेल.. पनवेल, अलिबाग इ) होण्याची अत्यंत जोरदार गरज आहे असं माझं वैयक्तिक मत

ई. कोलकाता या शहराविषयी इतर भारतात अत्यंत कमी माहिती आहे.. इतर शहरांविषयी काहीना काही ग्रह असतो, पण कोलकाता काय चीज आहे ते माहीत नाही.

फ. चेन्नई हे अत्यंत उष्ण आणि गलिच्छ असल्याचं तेथील वास्तव्यात आढळलं होतं.

आणखी कोणाचे काय अनुभव?

*छान म्हणजे उदा. घरा(च्या आवारा)त आरामात विनात्रास मोठा कुत्रा पाळता येणं आणि कुठे मनोरंजनाच्या ठिकाणी जायचं असेल तर पार्किंगची काळजी मनालाही न स्पर्शणं. वगैरे.

असं विशफुल थिंकिंग सगळ्यांचंच असतं. (माझंही आहे.)

खरंच असं मोठ्या शहरातून छोट्या/शांत गावात गेलेल्या लोकांनी नेमकं कसं ठरवलं/जमवलं हे आठवून पहातो आहे.

आठवलेल्या दोन केस ष्टडीजः

१] दूरची मावशी आणि मावसोबा दोघेही पुण्यात वेगवेगळ्या बँकांमध्ये होते. मावसोबांची बदली मुंबईला झाली. मावशी मुंबईला जायला तयार नव्ह्ती, बँक बदली रद्द करायला तयार नव्हती. मग दोघेही लोणावळ्यात रहायला गेले, आणि अर्धं अर्धं अंतर अप-डाऊन करायचे. यथावकाश दोघांनाही दुसर्‍याच्या शहरात बदली मिळायची शक्यता निर्माण झाली. पण तोवर ते लोणावळ्याच्या इतके प्रेमात पडले होते की ते तिथेच राहिले. आता दोघेही निवृत्त झाले आहेत, पण लोणावळ्यातच रहातात.

२] एक फार्मासिस्ट मित्र फार्मा-संबंधित उपकरणांचा सेल्समन होता. ती धोपटी घेऊन गावगन्ना भटकत असे. त्यात सातार्‍यातल्या एका फार्मा कारखान्यातही जात असे. तिथल्या पर्चेस ऑफिसरशी भरे हुए जाम पे बोलताना त्याने आपल्या भटक्या आयुष्याबद्दल खंत व्यक्त केली. पर्चेस ऑफिसर म्हणाला - आमच्या इथे जुनियर प्रोडक्शनसाठी पोस्ट आहे, येतोस का? हा तयार झाला. मस्त मजेत सातारा गावाबाहेर घर बांधून रहातो आहे. जेवायला घरी येतो, आणि डुलकी काढून परत जातो.

या दोन्हींमध्ये त्या त्या लोकांनी आलेल्या संधीचा चट्कन लाभ घेतला - हे समान सूत्र मला जाणवलं.

या गविंच्या प्रश्नांनी माहिती मिळालीच आणि करमणूकही झाली.
पर्याय समोर असले की निर्णय लवकर होत नाही परंतू काही कारणामुळे त्या शहरात गेलेले नंतर तिकडेच आनंदाने स्थायिक होतात. ते शहर आवडते म्हणण्यापेक्षा आवडू लागते.
बंगळुरू आणि एकंदर कर्नाटकातली शहरे चांगली आहेत. कानडी भाषा पटकन येते आणि ती शिकली तर त्यांना आवडते. तसे तमिळचे नाही. तुम्हाला तमिळ समजू नये अशी त्यांची इच्छा असते. जेव्हा आपले वाहन न वापरता राज्याच्या बस ने जावे लागते त्यावेळीही भारतातली एक नंबरची परिवहन व्यवस्था आहे हे जाणवते. त्यांना उपऱ्यांची सवय आहे .फारच छान वातावरण असते.
कोचि आणि तिरु॰पुरमही आवडले.

मी हे ऐकले आहे कि आकर्षक स्त्रीची फिगर ३६ -२४ - ३६ असते. त्यातला पहिला ३६ हा छातीचा असतो. ही मापे इंचात असतात. मी असेही ऐकले आहे कि ३६ इंच ही फिगर इर्ष्या करावी अशी (जास्त) आहे. वर मी असेही ऐकले आहे कि स्त्रीयांची छाती पुरुषांपेक्षा जास्त घेराची असते. मग ते मोदी छाती ५६ इंच कसे म्हणाले? इर्ष्यनीय स्त्रीपेक्षा २० इंच जास्त घेर? काही तांत्रिक चूक झाली आहे का?
----------------
(डिस्क्लेमर - तसा मी रेडीमेड कपडे घेतो. अन्यथाही टेलर कपडे शिवतो तेव्हा मी कधी मापे काय आहेत हे पाहिले नाही. चाची चारसो बीस मधे कमल हसन साईज म्हणून तब्बूला ट्रक नंबर सांगतो तशी हालत आहे.)

सॅमसंगची वायरलेस मोबाईल चार्जिंगची जाहिरात येतेय. निकोला टेस्लाचा आत्मा मुक्त होणार काय? इतरत्र हीच अ‍ॅड या आठवड्यात इंटरनेटवर काय फेक चालू होते म्हणून येत आहे.
-------------
वायरलेस चार्जिंग होते का?
यामागचे शास्त्रीय तत्त्व कोणते?

गोरा रंग आवडणे रेसिस्ट असते काय? मला मनापासून गोर्‍या बायका आवडत असतील तर मी रेसिस्ट (आणि/किंवा) सेक्सिस्ट ठरतो काय? आणि असे* असेल तर त्यावर उपचार काय?
---------------
* रेसिस्ट, सेक्सिस्ट असणे वाईट आहे असे सर्वसाधारण मत आहे.

सोबो इ़ज़ नो मोअर अ हॅपनिन्ग प्लेस नौ. हिरानन्दानी पवई मस्त आहे. सेन्ट्रल-वेस्टर्न दोन्ही जवळ शिवाय गार्डन शिवाय पवई तलाव शिवाय उरलीसुरली टेकडी शिवाय मोठी हॉटेल्स शिवाय फॉरिनरांचे दर्शन शिवाय आय्टी शिवाय आयाय्टी (कुणी विद्यार्थी नातलग असेल तर त्याला सोयीचे.)शिवाय सीप्झ्स सगळंच सोयीचं.

पोपट वगैरे पक्षी इवल्याशा दोन वीत उंचीच्या पिंजर्‍यात ठेवणं कायदेशीर आहे का ?
.
.
शिवाय हे असं ठेवण्यामागे नक्की भूमिका काय असते ? फक्त मनोरंजन होतय किम्वा ठेवायला बरं वाटतय म्हणून घरातल्या पिंजर्‍यात एक जीव टांगून ठेवायचा ?
मला हे अतिशय क्रूर वाटतं. समुद्रावर नाव घेउन जाणारे कोळी जाळं टाकून माशांना पकडतात, पण त्याबद्दल काही शंका किंवा प्रश्न नाही.
अन्न म्हणून तुम्ही मासे गोळा करत आहात. त्यामुळे एकूणच "मांसाहार व्हर्सेस भूतदया" हा नेहमीचा मुद्दा आता मांडत नाहिये.
माझी शंका थोडिशी वेगळी आहे.
पक्ष्याचा आख्खा जन्म पिंजर्‍यात घालवणे हे क्रूर नाहिये का ?
त्या पिंजर्‍यात तो पक्षी एका दांड्यावर बसून असतो. त्याला पुरेसे पंख हलवता येत नाहित. फारशा हालचाली करता येत नाहित.
स्वतः एकाच खुर्चीवर सतत काही तास न हलता बसण्याची कल्पना करुन पहा. किंवा दोन्-चार दिवस नुसतच एका जागेवर उभं रहायला लागलं तर कसं वाटेल
हे कल्पून पहा. किंवा आपण असं मानू की हलायला फिरायला पुरेशी जागा आहे अशा ठिकाणी तुम्हाला कोंडून ठेवलं तर तुमची काय प्रतिक्रिया असेल.
एका आठ बाय दहा फुटाच्या खोलीत तुम्हाला कोणी कित्येक वर्षांसाठी बंद करुन ठेवलं तर ?
हो. अगदि खाणं - पिणं व्यवस्थित मिळेल तिथे तुम्हाला. अशा ठिकाणी बंद करुन ठेवलं तर ?
किती वर्ष...वर्ष सोडा हो; किती तास मानवू शकेल हा प्रकार तुम्हाला ?
.
.
पिंजर्‍यातले पक्षी पाळून पुन्हा वर कोणी "मला पक्षी खुप खुप आवडतात" असे म्हणू लागला तर आश्चर्य वाटते.
अरे गृहस्था, तुला खरच पक्षी आवडतात ?

ऐसीवरचे कोणकोणते सदस्य इतर मराठी संस्थळे वापरतात? ऐसीपेक्षा जास्त, कमी? वाचनमात्र, लेखनमात्र?

देशात राहण्यासाठी सर्वात सुंदर, प्रशस्त जागा म्हणजे NDMC चा भाग, स्वच्छ रस्ते, सुंदर बगीचे, प्रशस्त बंगले .... बाकी भाग्य ही मोठे पाहिजे...

ही प्रतिक्रिया इथे हलवली आहे.