प्रेम

प्रेम म्हणजे एक आस
प्रेम म्हणजे एक ध्यास
प्रेम म्हणजे एक श्वास
प्रेम म्हणजे तुझा हवाहवासा सहवास.

प्रेम म्हणजे गर्दीतला एकटेपणा
प्रेम म्हणजे एक आंतरिक वेदना
प्रेम म्हणजे एक गोड संवेदना
प्रेम म्हणजे हुरहूर लावणारी मनाची दशा
प्रेम म्हणजे चढलेली एक नशा.

प्रेम म्हणजे माझ तुझी वाट पहाण
प्रेम म्हणजे तुझ न येण
प्रेम म्हणजे मी तुझी वाट पाहून थकून जाण
प्रेम म्हणजे तू येणार नाहीस हे माहित असूनही
रोज तुझीच वाट पहाण.

येशील कधी तू माहित नाही
तरीही रोज वाट तुझी पाहीन
अखेरच्या श्वासापर्यंत फक्त तुझीच राहीन
फक्त तुझीच राहीन.