स्वगत

कविता चित्रमय शैलीतली वाटली. तुमच्याकडून आणखी लिखाणाच्या प्रतीक्षेत.

निर्मितीच्या क्षणामागची अज्ञात प्रक्रिया आणि त्याचा निसर्गाएवढाच सनातन चिरंतन आविष्कार आवडला.

हे स्वगत चुकून कविता विभागात आले आहे काय?

कविता आवडली...शेवटच्या दोन ओळी मात्र ' विशिष्ट भूमिका' घेत असल्यासारख्या वाटल्या..हे कवितेत सह्सा नकोसे वाटते...( नकोच असा आग्रह / हट्ट नाही ! )

स्वगतातातले विचार पटले. म्हणजे प्रलयवजा अव्यवस्थेतून तर्क-दृष्टांतांची व्यवस्था निर्माण करण्याचे मोठेच कार्य आहे. ते स्फूर्तिदायक आहे, आणि ते बहुधा कलावंताचेही आहे.

परंतु हे कथन मला फारच प्रशिक्षणवजा वाटले. म्हणजे कवीचा अनुभव बघून मलाच पुन्हा त्या कथनाचा साक्षात्कार झाला, किंवा मी कवीची अनुभूती जगलो, असा अनुभव आला नाही. हा स्वगताच्या आकृतीचा म्हणा, किंवा (सदस्य क्रेमर यांचे आभार) शब्दसमृद्धतेमुळे म्हणा, परिणाम असावा.

तरी काव्यास साजेशी भव्यता आहे, ती जाणवली.

तुमच्या आणखी कविता वाचायला मिळतील, अशी आशा आहे, शुभेच्छा आहेत.

""पक्ष्यांचे होकायंत्र,

प्रतिभेचा प्रवाह,

स्थलांतरित मनोरथ,

नियती करते ते चिंतन,

प्रतिमेचे सूत्र ,"
या ओळी खूप आवडल्या.
छोटीशीच पण अर्थपूर्ण कविता आवडली.
थोडीशी जी एंची आठवण झाली - कदाचित "नियती करते ते चिंतन" या ओळींमुळे असेल.

बहुधा हे चित्रकार जयंत जोशी यांचे लिखाण असावे. आवडले. त्यांचे इतरही काही लिखाण प्रकाशित करेन जे माझ्याजवळ आहे. ते एक सर्जनशील चित्रकार आहेत.

वेगवेगळ्या निसर्गदत्त प्रेरणा टिपून, त्याची विणलेली रंगीबेरंगी गोधडी आवडली. कलाकाराच्या सभोवती घडणार्‍या घटनांचे, परिस्थितीचे प्रतिबिंब त्याच्या कलाकृतीतून पडत असते पण ते घडण्यापूर्वी कलाकाराच्या अमूर्त मनाच्या अल्केमीतून त्याचा प्रवास होत होत सुवर्णरुपात त्याचे स्थित्यंतर झालेले असते.

सुंदर !