अवघे जग माझ्या विठ्ठलाचे झाले !

'विठ्ठल, विठ्ठल' - स्वर कानी आले
दर्शनास मोहित, मन माझे झाले !

पंढरीची वाट धरता मी थेट
वारकरी माझे आप्तजन झाले !

चंद्रभागी स्नान, देता अर्घ्यदान
पापाचे क्षालन देहाचे या झाले !

कामात विठ्ठल - नामात विठ्ठल
ध्यानात विठ्ठल - अती भ्रम झाले !

टाळ चिपळ्यात गुंतले दो कर
मनी नामस्मरण माऊलीचे झाले !

माझा तो विठ्ठल - त्याचा हा विठ्ठल
अवघे जग माझ्या विठ्ठलाचे झाले !

field_vote: 
3
Your rating: None Average: 3 (1 vote)

प्रतिक्रिया

माझा तो विठ्ठल - त्याचा हा विठ्ठल
अवघे जग माझ्या विठ्ठलाचे झाले !

क्या बात है!
भक्तीरसाने भरलेली आणि भारावणारी ही आटोपशीर कविता आवडली

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

- ऋ
-------
लव्ह अ‍ॅड लेट लव्ह!